Tímarit hjúkrunarfræðinga - 01.12.2008, Side 7

RITSTJÓRASPJALL
SJÁLFBOÐASTARF OG RITRÝNDAR GREINAR
Tímarit
HJÚKRUNARFRÆÐINGA
THE ICELANDIC JOURNAL OF NURSING
Tímarit hjúkrunarfræðinga
Suðurlandsbraut 22
108 Reykjavík
Sími 540 6405
Bréfsími 540 6401
Netfang: christer@hjukrun.is
Vefsíða: www.hjukrun.is
Útgefandi: Félag íslenskra hjúkrunarfræðinga
Ritstjóri og ábyrgðarmaður:
Christer Magnusson
Tekið er á móti efni til birtingar á netfanginu
christer@hjukrun.is.
Leiðbeiningar um ritun fræðslu- og fræðigreina
er að finna á vefsíðu tímaritsins.
Ritnefnd:
Katrín Blöndal, formaður
Oddný Gunnarsdóttir
Ragnheiður Alfreðsdóttir
Sigríður Jónsdóttir
Ritstjórn ritrýndra greina:
Herdís Sveinsdóttir, formaður
Auðna Ágústsdóttir
Marga Thome
Fréttaefni: Christer Magnusson, Aðalbjörg
Finnbogadóttir, Jón Aðalbjörn Jónsson
Ljósmyndir: Christer Magnusson, Inger Helene
Bóasson LSH/BUSV, María Guðmundsdóttir,
Ragnheiður Alfreðsdóttir, Sigurður Bogi
Sævarsson, Sigríður Jónsdóttir o.fl.
Próförk: Ragnar Hauksson
Auglýsingar: Mark - markaðsmál, Þórdís Una
Gunnarsdóttir, sími 866 3855
Hönnun: Þór Ingólfsson, grafískur hönnuður FÍT
Prentvinnsla: Litróf
Upplag 4100 eintök
Prestur sagði í minningarorðum nýlega: „Heimurinn
þarfnast hlýrra handa." Orðum þessum skaut upp í
huga mér þegar ég gekk frá grein um Von styrktarfélag
í þessu tölublaði. Að vísu er það skrýtið og í rauninni
til smánar fyrir ríkið að einstaklingar og fyrirtæki þurfi
að leggja ríkisstofnunum lið fyrir utan skattheimtu.
Aðstandendaherbergi á gjörgæsludeild og slysa- og
bráðamóttöku á Landspítala ásamt rúmum á sjúkrahúsinu
í Vestmannaeyjum eru dæmi um þetta. Ekki að tala um
risavaxin dæmi eins og Barnaspítala Hringsins og barna-
og unglingageðdeild. Merkilegast þótti mér þegar ríkið
lagði ríkinu lið í formi styrks frá samgönguráðuneytinu til
barna- og unglingageðdeildar. En við erum heppin að
eiga þetta fólk að, hvort sem það eru Hringskonur, sjálfboðaliðar Rauða krossins
eða starfsfólk heilbrigðisstofnana, sem eftir erfiðan vinnudag leggur sig fram um að
bæta aðstöðu annarra, eins og dæmi er um í greininni um Von.
í þessu tölublaði lýkur greinaröðinni með útdráttum úr væntanlegri bók um sögu
hjúkrunar. Tímaritið heldur þó áfram að birta sögugreinar og í þessu tölublaði
er einnig grein um sögu geðhjúkrunar. Aldarafmæli Klepps markar þar ákveðin
tímamót. í greininni er sagt frá mörgum merkiskonum á Kleppi.
í þessu tölublaði eru tvær ritrýndar greinar. í takt við það að fleiri hjúkrunarfræðingar
sæki sér framhaldsmenntun hefur rannsóknarvirkni aukist og innsendum greinum
fjölgað og er það mjög ánægjulegt. Hátt á annan tug fræðihandrita eru núna
í vinnslu hjá tímaritinu. Tímarit hjúkrunarfræðinga vill vera öflugur vettvangur
fræðigreina um hjúkrun og þarf að laga sig að þessari fjölgun. Tímaritið hefur
getu til þess að birta 5-10 ritrýndar greinar árlega en það er allt of lítið miðað við
núverandi aðstæður. Því er nú verið að skoða útgáfu aukatölublaðs í vor. Slíkt
tölublað myndi eingöngu birta ritrýndar fræðigreinar.
Það er mikið verk að halda utan um hvert innsent fræðihandrit. Því hefur stjórn
FIH ákveðið að ráða ritstjórnarfulltrúa til þess að fylgja handritunum eftir í gegnum
ritrýnaferlið og aðstoða við útgáfu aukatölublaðs, ef af því verður. Ég mun ásamt
ritnefnd, ritstjórn ritrýndra greina og stjórn félagsins halda áfram að skoða leiðir
til þess að auðvelda hjúkrunarfræðingum og öðrum áhugasömum að birta
rannsóknarniðurstöður sínar á íslensku. En mikilvægt er einnig að stuðla að því að
niðurstöðurnar nýtist f starfi. í næsta tölublaði byrjar ný greinaflokkur sem nefnist
„Praxis" þar sem hjúkrunarfræðingar úr klíník munu fjalla um tiltekna ritrýnda grein
og segja frá hvaða áhrif niðurstöður greinarinnar gætu haft á þeirra vinnu.
Undanfarið hef ég hvatt lesendur að senda einnig inn efni annað en fræðihandrit.
Sérstaklega hef ég lýst eftir klínísku efni. Nú eru hjúkrunarfræðingar að taka við sér
og efni er farið að berast í auknum mæli. Ef þessi viðsnúningur heldur áfram er Ijóst
að tímaritið getur ekki birt allt efni sem berst. Þannig er reyndar með flest tímarit.
Hins vegar hlýtur að koma til greina að fjölga blaðsíðum til þess að koma til móts
við óskir höfunda um að birta greinar sínar og lesenda um aðgang að meira klínísku
efni. Vegna þrenginga í þjóðfélaginu og á auglýsingamarkaðnum verður það líklega
ekki á næstunni en verður skoðað þegar betur árar.
Ég þakka hjúkrunarfræðingum, öðrum lesendum og öllum sem hafa tekið þátt
í útgáfu tímaritsins á liðnu ári samfylgdina og óska ykkur öllum gleðilegrar hátíðar.
Christer Magnusson.
Tímarit hjúkrunarfræðinga - 5. tbl. 84. árg. 2008
5