Dagblaðið Vísir - DV - 02.09.2016, Blaðsíða 24

Helgarblað 2.–5. september 20162 Góð heilsa - Kynningarblað
Náttúrulegar heilsuvörur
úr íslenskum jurtum
Húðvörur fyrir haustið
V
ið Eyjafjörðinn má
finna margs konar
blómlega atvinnu­
starfsemi, en þar
er eitt fyrirtæki
sem er alveg sér í lagi blóm­
legt og hefur síðustu 24 árin
framleitt hágæða snyrtivör­
ur, húðvörur og líkamsvör­
ur úr íslenskum jurtum og
lífrænt vottuðum hráefn­
um. Urtasmiðjan á Sval­
barðsströnd er íslenskt
fjölskyldufyrirtæki
sem eigandinn og
fyrrverandi tónlist­
arkennarinn, Gígja
Kjartansdóttir Kvam,
stofnaði og hefur
stýrt frá upphafi við
góðan orðstír.
Hraust húð í
haustvindunum
Nú er jurtatínslu lok­
ið þetta sumarið og
hafist handa við að
framleiða ferskar
vörur fyrir haustið
sem gott er að nota
og njóta þegar fer að
kólna í veðri því þá
er mikilvægt að huga
vel að húðinni. Nú
á haustdögum kem­
ur á markað nýtt
einstakt næringar­ krem
frá Urtasmiðjunni, sem er sérstak­
lega þróað til að hlífa og vernda
húðina fyrir kulda. Það inniheldur
lítinn raka en mikið af næringarefn­
um. Auk þess er kremið sérstaklega
gott fyrir þurra og viðkvæma húð
sem þarfnast aukinnar næringar
og umönnunar. Það inniheldur
m.a. olíur úr græðandi rauðsmára
og ilmandi gulmöðru, þykkni úr
granateplum og villirósabelgjum,
sem eru rík af vítamínum og andox­
unarefnum sem örva endurnýjun­
arvirkni húðarinnar og stuðla að
heilbrigðu og frísklegu útliti hennar.
Kremið tekur nafn sitt af villirósinni
og fær nafnið Villirósakrem. Sér­
stakt hausttilboð,og kynningarverð
(20% afsláttur) verður á þessu nýja
kremi í netverslun Urtasmiðjunn­
ar sem verður fáanlegt á www.
urtasmidjan.is. í byrjun október.
Fyrsta framleiðsluvara
Urtasmiðjunnar leit dagsins ljós
fyrir 24 árum, en það var Græðis­
myrslið. Gefum Gígju orðið:
„Mér varð oft hugsað til
ömmu minnar sem tíndi jurt­
ir sem hún blandaði í sinn eigin
áburð sem hún notaði á bæði menn
og skepnur. Í þá daga var ekki óal­
gengt að fólk notaði jurtir sér og sín­
um til heilsubótar bæði í drykki og
smyrsli, því vitneskjan um áhrifa­
mátt jurtanna var víða til staðar og
ekki alltaf hægt að hlaupa til lækn­
is svo að fólk varð oft að bjarga sér
sjálft. Græðismyrslið mitt hefur frá
því fyrsta verið afar eftirsótt og alla
tíð síðan sannað gildi sitt sem al­
hliða græðandi áburður. Það flýt­
ir fyrir að græða s.s. legusár, sól­
bruna, sólarexem, ýmis útbrot og
gyllinæð, en ekki síst er það mjög
áhrifaríkur brunaáburður. Græði­
smyrslið inniheldur m.a. vallhumal
og rauðsmára sem eru þekktar jurt­
ir fyrir græðandi virkni. Morgun­
frú er viðurkennd heilandi húðjurt
og kamillan róandi á sviða og kláða
og dregur úr bólgu, lofnarblóm og
hafþyrnir eru ekki síst þekktar jurtir
fyrir m.a. græðandi áhrif á brunasár.
Græðismyrslið er notað á ýmsum
heilsustofnunum og dvalarheimil­
um og fær alltaf mikið lof fyrir sína
góðu og alhliða virkni.“
„Ásamt Græðismyrslinu var
Vöðva­ og gigtarolían ein af fyrstu
tegundunum sem við fórum að
framleiða og má segja að hug­
myndin að henni hafi verið mín eig­
in þörf fyrir að milda verki í liðum
og mýkja harða og spennta vöðva.
Í henni eru blóðberg, ein­
ir, arnika og fleiri áhrifaríkar
jurtir, sem þekktar eru fyrir
mildandi áhrif sín á gigtar­
verki, eymsli og stirðleika í
liðum, vöðvaspennu og sina­
drátt. Olían smýgur vel inn í
húð og vöðva og fer ekki í föt.
Hún er notuð víða á nudd­
stofum hér á landi og erlend­
is og fær frábær ummæli frá
nuddurum og nuddþegum.“
Auk þessara ofannefndu
tegunda framleiðir Urta­
smiðjan fjölmargar aðrar
tegundir, s.s. andlitskrem úr
ísl. fjallagrösum, djúpnær­
andi silkiandlitsolíu (serum),
handkrem, mýkjandi fótasalva
(hælakrem) o.fl.
Framleiðsla Urtasmiðjunn­
ar inniheldur engin aukaefni, engin
erfðabreytt efni eða dýraafurð­
ir. Auk okkar hreinu og heilnæmu
jurta er allt hráefnið upprunnið úr
náttúrunni, lífrænt vottað, viður­
kennt og leyft í lífrænni framleiðslu.
Allar frekari upplýsingar um húð­
vörur Urtasmiðjunnar og sölustaði
má finna á vefsíðunni www.urta­
smiðjan.is. og Facebook­síðu face­
book.com/Urtasmidjan n