Dagblaðið Vísir - DV - 23.09.2016, Qupperneq 6

Helgarblað 23.–26. september 20166 Fréttir
Guðrúnartúni 4,
105 reykjavík
Sími: 533 3999
www.betraGrip.iS
Opið
virka
daga frá
kl. 8–17
gæða
dekk á
góðu
verði
Fimm stærstu stofurnar
högnuðust um 1.645 milljónir
n Logos hagnaðist jafn mikið og hinar fjórar til samans n 5,3 milljarða hagnaður frá bankahruni
S
amanlagður hagnaður fimm
af stærstu lögmannastofum
landsins nam 1.645
milljónum króna á árinu
2015 og jókst um 230 millj­
ónir frá fyrra ári. Logos, stærsta lög­
mannastofan hér á landi, var sem
fyrr í algjörum sérflokki en á síðasta
ári skilaði stofan hagnaði upp á 824
milljónir króna eftir skatta. Starf­
semi félagsins í London, þar sem
Logos hefur starfrækt skrifstofu frá
því í ársbyrjun 2006, átti stóran þátt
í bættri afkomu á milli ára – hagnað­
urinn jókst um meira en 200 milljón­
ir – en tæplega 40 prósent af hagnaði
Logos komu til vegna reksturs stof­
unnar á Bretlandi. Eigendur Logos
voru sautján í árslok 2015 og því má
áætla að arðgreiðslur til þeirra vegna
hagnaðar síðasta árs hafi að meðaltali
numið 48,5 milljónum króna.
Samkvæmt nýbirtum ársreikning­
um lögmannastofanna fimm – Logos,
Lex, BBA Legal, Landslaga og Mark­
arinnar – þá batnaði afkoma þeirra
allra á milli ára nema í tilfelli Lex þar
sem hagnaður stofunnar dróst saman
um 60 milljónir og nam samtals 146
milljónum á síðasta ári. Tekjur Lex,
sem er næst stærsta lögmannastofa
landsins, voru ríflega 1.100 milljón­
ir á árinu 2015 og drógust saman um
liðlega 90 milljónir frá fyrra ári. Hafi
allur hagnaður félagsins verið greidd­
ur út í arð, líkt og venja er, þá hafa
sautján eigendur Lex að meðaltali
fengið í sinn hlut um 8,6 milljónir. Það
er umtalsvert lægri arðgreiðsla borið
saman við hinar lögmannastofurnar.
Góð afkoma BBA Legal
Hjá BBA Legal, þriðju stærstu lög­
mannastofunni á Íslandi, jókst hagn­
aðurinn lítillega og var 265 milljónir
króna í fyrra. Meira en þriðjungur af
725 milljóna króna tekjum stofunn­
ar, eða ríflega 36 prósent, skilaði sér
sem hagnaður félagsins en til saman­
burðar var þetta hagnaðarhlutfall að­
eins 13 prósent hjá Lex. Afkoma BBA
Legal í fyrra hefur að óbreyttu þýtt
að sjö eigendur stofunnar hafa að
meðal tali fengið tæplega 38 milljónir
króna í arð. BBA Legal hefur á undan­
förnum árum jafnan verið í hópi
þeirra lögmannastofa sem hafa skil­
að hvað mestum hagnaði en ástæða
þess er meðal annars sú að ýmsir er­
lendir aðilar hafa verið hlutfallslega
stórir í hópi viðskiptavina stofunnar.
Heildarvelta þessara þriggja stærstu
lögmannastofa landsins – Logos, Lex
og BBA – var 4,5 milljarðar á árinu
2015 og jókst hún um 400 milljónir
frá fyrra ári.
Landslög og Mörkin lög­
mannastofa áttu einnig góðu gengi
að fagna í fyrra og nam hagnaður
þeirra hvorrar um sig ríflega 200
milljónum króna. Sjö eigendur Mark­
arinnar báru hins vegar nokkuð
meira úr býtum en eigendur Lands­
laga, sem eru tólf talsins, en þeir hafa
að meðaltali fengið um 34 milljónir
króna í sinn hlut í arð. Í hópi eigenda
á Mörkinni eru hæstaréttarlög­
mennirnir Gestur Jónsson og Hörður
Felix Harðarson en þeir eru verjend­
ur Sigurðar Einarssonar, fyrrverandi
forstjóra Kaupþings, og Hreiðars Más
Sigurðssonar, fyrrverandi forstjóra
Kaupþings, í markaðsmisnotkunar­
máli Kaupþings en málflutningi í því
máli fyrir Hæstarétti lauk fyrr í þess­
um mánuði.
2,7 milljarða velta Logos
Afkoma flestra íslenskra lög­
mannastofa batnaði stórlega í kjöl­
far fjármálaáfallsins haustið 2008
vegna aukinna umsvifa í tengslum
við gjaldþrot og fjárhagslega endur­
skipulagningu margra stærstu fyrir­
tækja landsins. Það hefur ekki síst átt
við um starfsemi Logos en á tímabil­
inu 2009 til 2015 hefur samanlagð­
ur hagnaður stofunnar numið tæp­
lega 5,3 milljörðum króna. Á síðasta
ári jukust þannig tekjur Logos um ríf­
lega 20 prósent og voru samtals 2.666
milljónir króna. Meðalfjöldi stöðu­
gilda á árinu var 70,2 og hélst sá fjöldi
nánast óbreyttur á milli ára. Á með­
al eigenda Logos eru hæstaréttarlög­
mennirnir Óttar Pálsson, Þórólfur
Jónsson og Guðmundur Oddsson, en
sá síðastnefndi stýrir skrifstofu Logos
í London.
Mikill hagnaður Logos á undan­
förnum árum skýrist ekki síst af þeim
stóru verkefnum sem lögmanna­
stofan hefur sinnt fyrir erlenda að­
ila sem hafa átt mikilla hagsmuna að
gæta hér á landi. Þar vega þyngst verk­
efni í tengslum við uppgjör gömlu
bankanna sem luku allir nauða­
samningum um síðastliðin áramót. Í
þeirri vinnu starfað Logos náið með
alþjóðlegu lögmannastofunni Akin
Gump (áður Bingham) sem ráðgjaf­
ar stærstu kröfuhafa Glitnis, Kaup­
þings og gamla Landsbankans (LBI).
Þannig var Óttar Pálsson einn mikil­
vægasti ráðgjafi kröfuhafa í gegnum
allt slitaferli bankanna og átti stór­
an þátt í því að fá helstu kröfuhafa
Glitnis til að fallast á stöðugleikaskil­
yrði íslenskra stjórnvalda í byrjun
júní 2015 þar sem þeir samþykktu
meðal annars að inna af hendi svo­
nefnt stöðugleikaframlag upp á ríf­
lega 230 milljarða króna. Óttar var
jafnframt kjörinn í fjögurra manna
stjórn eignarhaldsfélags Kaupþings á
fyrsta aðalfundi félagsins um miðjan
mars fyrr á þessu ári. n
Hörður Ægisson
hordur@dv.is
Einn eigenda
Markarinnar
Hörður Felix
Harðarson
Einn eigenda
Landslaga
Jóhannes Karl
Sveinsson
Einn eigenda BBA
Baldvin Björn
Haraldsson
Einn eigenda Lex
Helgi Jóhannesson
Einn eigenda
Logos
Óttar Pálsson
Hagnaður
á árinu 2015
824 milljónir
146 milljónir263 milljónir
203 milljónir
209 milljónir
G
jaldþrotaskiptum hjá Smáís,
Samtökum myndréttarhafa
á Íslandi, lauk á dögunum og
námu lýstar kröfur tæpum
16,5 milljónum króna.
Í Lögbirtingablaðinu er greint
frá skiptalokum, en þeim lauk þann
15. september síðastliðinn. Engar
eignir fundust í búinu. Smáís voru
úrskurðuð gjaldþrota af Héraðs­
dómi Reykjavíkur í ágúst árið 2014.
Það var stjórn Smáís sem óskaði
eftir því á sínum tíma að félagið
yrði tekið til gjaldþrotaskipta. RÚV
greindi frá því árið 2014 að ástæð­
an væri brot fyrrverandi fram­
kvæmdastjóra samtakanna, Snæ­
björns Steingrímssonar. Snæbjörn
var framkvæmdastjóri samtakanna
á árunum 2007 til 2013 að hann lét
af störfum.
Í gjaldþrotaskiptabeiðninni
kom fram, samkvæmt fyrrnefndri
frétt RÚV, að ársreikningar samtak­
anna hafi verið falsaðir, opinber­
um gögnum ekki verið skilað með
réttum hætti og vanrækt hefði verið
að færa bókhald. Þá hafi Snæbjörn
viðurkennt fjárdrátt fyrir stjórninni.
Samtökin voru stofnuð árið
1992 sem hagsmunagæsluaðili
rétthafa myndefnis á Íslandi. Áður
en samtökin lögðu upp laupana
háðu þau harða og stundum óvin­
sæla baráttu gegn ólöglegu niður­
hali á netinu. n
Sextán milljóna
gjaldþrot Smáís
Fór í þrot vegna fjárdráttar framkvæmdastjórans
Framkvæmdastjórinn Snæbjörn
viðurkenndi fjárdrátt fyrir stjórninni.