Dagblaðið Vísir - DV - 06.01.2017, Qupperneq 2

Helgarblað 6.–9. janúar 20172 Fréttir
É
g sá ekki flugeldinn koma en þau
segja mér að hann hafi lagt eðli-
lega af stað en svo beygt og flogið
beint í gegnum rúðuna hjá mér.“
Þetta segir Jón Skúli Skúlason, íbúi
á Húsavík. Jón Skúli varð fyrir því á
gamlárskvöld að flugeldur af stærstu
gerð, með tívolíbombu, sprakk inni í
svefnherbergi og olli þar töluverðum
skemmdum. Tryggingar nágrannans
sem skaut flugeldinum upp bæta ekki
tjónið því ef staðið er rétt að, ber sá
sem skýtur enga ábyrgð á flugeldin-
um eftir að hann er farinn upp.
Svo heppilega vildi til að enginn
var í herberginu þegar óhappið varð,
um korteri fyrir miðnætti á gamlárs-
kvöld, en dóttir Jóns Skúla, sem er
í námi í Reykjavík, gisti þó í her-
berginu yfir hátíðirnar. Herberg-
ið var því í notkun. „Það hefði orðið
stórslys,“ segir Jón Skúli spurður
hvernig hann teldi að farið hefði ef
einhver hefði verið inni í herberginu.
Krakkarnir hafi verið frammi á gangi
þegar bomban sprakk. „Það glumdi í
öllu,“ segir hann.
Eldur í gardínu og sæng
Sjálfur var Jón Skúli í bílskúrnum, á
hæðinni fyrir neðan, þegar óhapp-
ið varð. Hann segir að drunurnar
hafi verið miklar. Hann hljóp upp og
mætti þá nágrönnunum, sem hlaup-
ið höfðu á vettvang með slökkvitæki.
Flugeldurinn flæktist í gardínu og
kveikti í henni eld. Þá kviknaði lít-
ill eldur í sæng á rúmi auk þess sem
sprengingin varð til þess að svartir
brunablettir eru nálægt öllum inn-
anstokksmunum í herberginu. „Það
er stór brunablettur á hurðinni og
aðrir minni á skápum og rúmi. Það
logaði í sænginni þegar ég kom inn
– en bara smá.“ Ekki kom til þess að
beita þyrfti slökkvitækinu.
Jón Skúli segir að leifarnar af flug-
eldinum bendi til þess að um flugeld
með tívolíbombu ofan á hafi verið
að ræða – sem sagt flugeld af stærstu
gerð.
Skotmaðurinn ekki ábyrgur
Þeir nágrannarnir voru sammála um
að sá þeirra sem skaut upp rakettunni
bæri ábyrgð á tjóninu. Samkvæmt
upplýsingum frá VÍS, sem er reynd-
ar ekki aðili að þessu tjóni, ábyrgist
brunatrygging þolanda almennt það
tjón sem verður á eign hans. Það gild-
ir ef ekki er hægt að sýna fram á stór-
fellt gáleysi þess sem tendrar.
Þegar haft var samband við
tryggingafélagið kom þetta á daginn.
„Þetta kom okkur mjög á óvart.
Menn bera víst ekki ábyrgð á rak-
ettunni nema menn sýni mika óvar-
kárni,“ segir Jón Skúli. Hann sæti því
sjálfur uppi með tjónið. Jón Skúli er
með innbústryggingu hjá Sjóvá, sem
greiðir tjónið, en hann sæti sjálfur
uppi með sjálfsábyrgðina ef þeir ná-
grannarnir hefðu ekki orðið ásáttir
um málalyktar þar að lútandi.
Hann segir að fjölskyldan hafi
jafnað sig fljótt á atvikinu og ára-
mótin hafi að öðru leyti geng-
ið stórslysalaust fyrir sig. Ná-
granninn hafi þó ákveðið að sprengja
ekki meira þetta árið. Hann hafi
brugðið á það ráð að farga því sem
eftir var af skotfærum.
Þær upplýsingar fengust frá Sjóvá
að sá sem kveikti í flugeldinum sé
tryggður gegn þeirri skaðabótaskyldu
sem fellur á hann samkvæmt íslensk-
um lögum. Háttsemi hans þurfi að
vera saknæm. Sjóvá líti ekki svo á
að sök felist í því að flugeldurinn
hafi skyndilega tekið aðra stefnu. Þá
stofnist ekki skaðabótaábyrgð vegna
tjóns sem munatrygging tekur til.
Innbústrygging Jóns Skúla, líka hjá
Sjóvá, bætir tjónið í þessu tilviki. Fé-
laginu sé því lögum samkvæmt ekki
heimilt að greiða út úr tryggingu þess
sem kveikti í flugeldinum.
Hjá Sjóvá fengust líka þær upp-
lýsingar (á fimmtudagsmorgun)
að engar tilkynningar hafi borist til
Sjóvár vegna alvarlegra flugelda-
slysa eða annars tjóns um þessi ára-
mót. Sömu sögu var að segja hjá
VÍS, þegar DV leitaði svara. „Það er
magnað að okkur skuli takast þetta
og við erum stolt af okkar fólki,“ seg-
ir Sigurjón Andrésson,
for stöðumaður
markaðsmála
og for varna hjá
Sjóvá, í sam-
tali við DV. n
Tívolíbomba sprakk
n Flugeldur nágrannans beygði af leið n Eldur kviknaði í sæng og gardínu
Baldur Guðmundsson
baldur@dv.is
inni í svefnherbergi
Jón Skúli Var
í bílskúrnum
þegar atvikið á
sér stað.
PLUSMINUS OPTIC
Smáralind
www.plusminus. is
Sumar
kaupauki
Sólgler
með öllum gleraugum
Index 1,5*
Sjóngler
www.plusminus.is
ÚTSALA
Útsalan er hafin
20-80 %
afsláttur af umgjörðum