Dagblaðið Vísir - DV - 14.07.2017, Síða 15

Helgarblað 14. júlí 2017 fréttir 15
É
g ætla ekki að kæra niður­
stöðuna. Ég er sátt núna.”
Þetta segir Dayna Alves
en hún ásakaði, fyrir hönd
móður sinnar, Önu Mariu Alves,
lækni á Læknavaktinni í Kópa­
vogi um meint læknamistök sem
hún segir að hefðu getað kostað
móður hennar lífið. Atvikið átti
sér stað í nóvember 2016 en þá
yfirsást heimilislækninum sem
skoðaði Önu þrír blóðtappar í
fæti hennar. Dayana kvartaði í
framhaldinu til Embættis land­
læknis vegna meintra mistaka
við veitingu á heilbrigðisþjón­
ustu hjá Læknavaktinni. Þann 29.
júní síðastliðinn fékk hún loks
fullnægjandi svar við kvörtun­
inni. Niðurstaða Birgis Jakobs­
sonar landlæknis í málinu er sú
að mistök hafi átt sér stað.
Fótleggurinn bólgnaði
Forsaga málsins sem DV fjallaði
um í lok febrúar 2017 er sú að Ana
Maria Alves sem er búsett í Bras­
ilíu, hafði dvalið hjá dóttur sinni,
Dayönu Alves og tengdasyni, Knúti
Einarssyni, í tæpa þrjá mánuði
þegar annar fótleggur hennar byrj­
aði að bólgna fjórum dögum áður
en hún átti flug aftur heim til Bras­
ilíu. Bólgan og verkirnir stigmögn­
uðust með hverjum deginum sem
leið. Kvöldið áður en Ana átti að
mæta í flug fóru þær Dayana á
Læknavaktina í Kópavogi þar sem
þær vildu fullvissa sig um að Ana
væri nógu heilsuhraust til að fara
í flugferðirnar fjórar sem hún átti
bókaðar í til að komast til síns
heima í Brasilíu. Læknirinn sem
tók á móti Önu á Læknavaktinni
mældi blóðþrýsting og gaf henni
parkódín vegna verkja í fæti. Ekki
var minnst á að hún gæti verið
með blóðtappa. Þá var hún heldur
ekki send í frekari rannsóknir. Önu
var heldur ekki ráðlagt að fresta
flugferðinni en læknirinn ráðlagði
henni hvernig ætti að fyrirbyggja
blóðtappa.
Ferðaðist til Brasilíu
Önu beið 30 klukkustunda
ferðalag morguninn eftir.
Strax í fyrstu flugferðinni jókst
bólgan í fætinum. Þegar hún
komst loks á leiðarenda var fót­
urinn orðinn svo stokkbólginn
að Ana gat með engu móti stig­
ið í hann. Henni var samstundis
ekið á sjúkrahús þar sem brasil­
ískir læknar fundu þrjá blóð­
tappa í fætinum. Þeir segja
kraftaverk að Ana skyldi lifa
ferðalagið af. Dayönu og Knúti
var mjög brugðið þegar þau
heyrðu hversu alvarleg veikindi
Önu voru. Í framhaldinu lögðu
þau fram formlega kvörtun til
Embættis landlæknis. Fyrsta
svarið sem þau fengu frá emb­
ættinu, í febrúar 2017, var að
þeirra mati ófullnægjandi. Þau
héldu fast við að málið væri
skýrt dæmi um grafalvarleg
læknamistök. Því öfluðu þau sér
frekari gagna í málinu sem var
í framhaldinu tekið til endur­
skoðunar.
Gerði ekki nóg
Niðurstaða í málinu sem er
dagsett þann 29. júní síðast­
liðinn, er sú að læknirinn sem
tók á móti Önu á Læknavaktinni
þann 20. nóvember 2016 hafi
ekki gert nóg fyrir hana. Í áliti
landslæknis vegna kvörtunar­
innar segir meðal annars:
„Alþekkt er að blóðtappa­
áhætta er mjög aukin í löngum
flugferðum og því meiri sem
flugið er lengra. Hér var um að
ræða fyrirhugað flug til Brasilíu
með allmörgum millilending­
um. Bjúgur og bólga á öðrum
ganglim, en ekki báðum, bendir
mjög sterklega til aukinnar
áhættu á blóðtappamyndun.
Ekkert verður afráðið um það
hvenær blóðtappamyndun hafi
átt sér stað, hvort það var fyrir
eða í umræddri flugferð.”
Niðurstaða landlæknis í mál­
inu var því sú að rétt hefði verið
að vísa Önu til frekari rannsókna
á ganglim áður en samþykkt
hefði verið að hún færi í svo
langa og erfiða flugferð.
Sátt við niðurstöðuna
Þá segir landlæknir að honum sé
kunnugt um þau þröngu mörk
sem sjúklingafjöldi og tíma­
skortur setur vinnu á Læknavakt­
inni. Samt sem áður verði að gera
þá kröfu að læknar þar geti greint
alvarlega sjúkdóma á byrjunar­
stigi og gripið til viðeigandi ráð­
stafana. Því telur landlæknir að
lækninum hafi orðið á mistök.
Blaðamaður DV náði tali af
lækninum sem kveðst lítið geta
tjáð sig um málið. Hann harmar
mistökin. Að sama skapi segir
hann að möguleikinn á að svona
mistök geti gerst sé alltaf fyrir
hendi. „Þetta er í sjálfu sér ekki
auðveld greining. Margir
koma með bjúg á fótum og
yfirleitt er ástæðan annars
eðlis en blóðtappi.”
Dayana er sátt við
niðurstöðuna í málinu.
Hún ætlar ekki að kæra
málið og vonast til þess að
það verði til þess að lækn­
ar vandi sig betur í fram­
tíðinni. „Það er fáránlegt
að fara til læknis og fá
ekki almennilega skoðun.
Mamma mín hefði getað
dáið. Þetta fór vel að lok­
um og mamma hefur það
fínt í dag. Það skiptir mig
mestu máli.” n
„Ég er ekki lengur reið“
n Landlæknir viðurkennir læknamistök á Læknavaktinni sem áttu sér stað í nóvember 2016
n Gaf grænt ljós á 30 klukkustunda ferðalag þrátt fyrir einkenni sem bentu til blóðtappa í fæti
Kristín Clausen
kristin@dv.is
Dayana Alves Sættir sig við niðurstöðuna. MynD
DV ehF / SiGtryGGur Ari
Ana og Dayana á flugvellinum Átti orðið erfitt um gang eftir fyrsta flugið.
UM
BR
OT
SM
AÐ
UR
DV leitar að umbrotsmanni í 100% starf. Starfið felst í umbroti á DV
auk annara blaða Vefpressunnar ásamt auglýsingagerð fyrir prent og
vefi fyrirtækisins. Hún/Hann þarf að geta hafið störf 1. ágúst nk.
ATVINNA
UMSÓKNIR BERIST Á UMBROT@DV.IS