Morgunblaðið - 31.03.2017, Blaðsíða 13

Skólafélagarnir Hjalti, Sean (t.v.) og András safna tölvubúnaði handa fátæku fólki í Kibera í Nairobí.
um við væntanlega á brettum í
nokkrum sendingum, en við erum
akkúrat núna í samningaviðræðum
við DHL um flutningana og að afla
okkur tilskilinna leyfa,“ segir Hjalti.
Hann er sannfærður um að net-
tenging sé bæði lykillinn að því að
gera fólk sjálfbjarga á ýmsum svið-
um og koma því út á vinnumarkað-
inn.
„Vesturlandabúar taka því sem
sjálfsögðum hlut að hafa aðgang að
netinu og um leið að gagnlegum
upplýsingum af öllu tagi. Ég var til
dæmis allt í einu orðinn pípari eftir
að hafa horft á YouTube í tíu mín-
útur,“ segir hann býsna hróðugur og
vísar í tilþrif sín við að tengja upp-
þvottavél í íbúðinni, sem hann og
dansk/sænska kærastan hans, Mia
Linnea, festu nýverið kaup á í Nör-
rebro.
Með alla þræði í hendi sér
Framkvæmd BA-verkefnis
þeirra félaga er ekki á vegum skól-
ans en þeir vonast þó til að hann
styrki þá til Afríkufararinnar.
„Hluti af náminu er 10 vikna
starfsnám á vinnumarkaðnum en við
völdum frekar að fara þessa leið;
vera í starfsnámi hjá okkur sjálfum,
byggja upp okkar eigin samtök og
hafa þannig alla þræði í okkar hönd-
um. Stefnan er líka að láta ekki stað-
ar numið heldur halda starfinu
áfram eftir útskrift í vor og jafnvel
athuga með að hjálpa fleiri bág-
stöddum ríkjum að nettengjast í
framtíðinni. Mögulega göngum við
síðar meir inn í önnur hjálpar-
samtök, eða vinnum með þeim að
ákveðnum verkefnum, tíminn verður
bara að leiða það í ljós.“
Hjalti segir að þeir hafi sannar-
lega ekki valið sér auðveldustu leið-
ina. Í mörg horn sé að líta og í raun-
inni miklu fleiri en þeir gerðu sér
grein fyrir í upphafi. „Við erum að
skrifa skýrslu um verkefnið í skól-
anum og á kafi í að svara fyrir-
spurnum í tölvupóstum og sinna alls
konar skriffinnsku. Þess á milli hjól-
um við út um alla borg til að sækja
tækin og koma þeim í hús hjá Fair
Denmark þar sem við höfum
geymslupláss.“
Auk reynslunnar sem þeir fái af
að stofna fyrirtæki og skipuleggja
starfsemi þess segir Hjalti að hug-
sjónir þeirra skólafélaganna séu
fyrst og fremst drifkrafturinn. Þeir
hafi óbilandi trú á að með aukinni
nettengingu verði smám saman
hægt að hjálpa fólki í fátækustu ríkj-
um heims að brjótast úr örbirgð til
bjargálna. Þeir ætla að halda áfram
að leggja sitt af mörkum eftir að þeir
verða komnir með bakkalárgráðuna
og heim frá Kibera. Ásamt því að
vinna fyrir salti í grautinn á öðrum
vettvangi.
Það var fyrir átta árum
Strákurinn sem 17 ára fluttist
frá heimabæ sínum, Akranesi, sá
ekki fyrir sér að setjast að í Dan-
mörku til frambúðar þegar hann hóf
að læra til kokks í Reykjavík. Eftir
síendurteknar 14 tíma vaktir gafst
hann upp, sneri aftur heim á Skag-
ann og starfaði þar í nokkur ár í
mötuneyti áður en hann hóf nám í
fatahönnun í Fjölbrautaskólanum í
Breiðholti. „Ég á bara eftir að taka
einn prjónaáfanga,“ segir Hjalti.
Honum fannst hann ekki vera alveg
á réttri hillu og hélt ásamt vini sín-
um á vit ævintýranna í Kaupmanna-
höfn.
Það var fyrir átta árum. Síðan
hefur margt drifið á dagana. Hann
eignaðist til dæmis kærustuna Miu
Linneu, sem er ljósmyndari, og fyrir
sjö mánuðum fæddist þeim dóttirin
Björk Linnea.
„Þegar ég kom hingað var ég
bara ákveðinn í einu og það var að
vinna ekki sem kokkur í eldhúsi.
Eftir rúmlega mánaðar atvinnuleit
endaði ég samt sem kokkur á Cafe
Promenaden, sem er nokkuð þekkt
leikhúskaffihús hér í borg, en það
var eina starfið sem mér bauðst. Þar
vann ég í eitt og hálft ár eins og
þurfti til að fá svokallaðan SU-fram-
færslustyrk, sem þýddi að ég þyrfti
ekki að taka námslán þegar ég hæfi
nám í kvikmyndaskóla eins og ég
stefndi að. Eftir kvikmyndanámið lá
svo leiðin í vöruþróunar- og fram-
leiðslutækninámið, en samhliða því
hef ég rekið lítið myndbandsfyrir-
tæki, sem ég ætla að sinna betur eft-
ir að við fjölskyldan höfum tekið
okkur gott sumarfrí á Íslandi.“
Hann er búinn að festa rætur í
Kaupmannahöfn og unir sér ljóm-
andi vel.
„Borgin heillaði mig strax þeg-
ar ég var smá polli og kom hingað
stundum í helgarferðir. Ég var alltaf
ákveðinn í að búa hérna tímabundið
þegar ég yrði stór, þótt planið væri
aldrei að vera hér að eilífu, eins og
núna bendir margt til. Hér hjóla ég
út um allt, ferðast einnig töluvert
meira til annarra landa en þegar ég
bjó á Íslandi, fer mikið á tónleika og
nýt lífsins einfaldlega betur en
heima á Íslandi. Fjarveran frá mín-
um bestu vinum og minni frábæru
fjölskyldu er þó oft á tíðum ótrúlega
erfið, en allt hefur sína kosti og
galla. Þannig er það nú bara.“
„Vesturlandabúar
taka því sem sjálfsögð-
um hlut að hafa aðgang
að netinu og um leið að
gagnlegum upplýs-
ingum af öllu tagi. Ég
var til dæmis allt í einu
orðinn pípari eftir að
hafa horft á YouTube í
tíu mínútur.“
Nánar um verkefni Hjalta og fé-
laga: www.rhinotivity.com.
Hópfjármögnun:
www.gofundme.com/
rhinotivity-connects-kibera.
DAGLEGT LÍF 13
MORGUNBLAÐIÐ FÖSTUDAGUR 31. MARS 2017
hitataekni.is
Smiðjuvegur 10, 200 Kópavogur - Sími 588 60 70 - hitataekni@hitataekni.is
Einstaklega hljóðlát tæki fyrir t.d.
kerfisloft eða á vegg
Baðviftur
Ein sú hljóðlátasta 17 – 25 dB(A)
atnskæld kælitæki
Bjóðum upp á fjölbreyttan búnað svo sem
loftræsingar, hitakerfi, kælikerfi, rakakerfi
sem og stjórnbúnað og stýringar.
Anddyris-
hitablásarar
Bjóðum upp á mikið úrval
loftræstikerfa
fyrir heimili og fyrirtæki