Morgunblaðið - 31.03.2017, Page 16

16 FRÉTTIRInnlent
MORGUNBLAÐIÐ FÖSTUDAGUR 31. MARS 2017
IB ehf | Fossnes A | 800 Selfoss | ib.is
Nánari upplýsingar ib.is
Ábyrgð og þjónusta fylgir öllum nýjum bílum frá IB
Bílar á lager
og á leiðinni
Sími 4 80 80 80
2017 Chevrolet
Silverado High Country
Summit White/brúnn að innan.
Nýja 6.6L Duramax Diesel vélin,
445 HÖ, vel útbúinn bíll t.d.
upphitað stýri, BOSE hátalara-
kerfi, upphituð og loftkæld sæti
og heithúðaður pallur.
VERÐ
10.430.000
2017 Suburban LTZ
7 manna bíll, fjórir kapteins-
stólar, Blu Ray spilari með tvo
skjái, sóllúga og fl. 5,3L V8,
355 Hö.
VERÐ
14.890.000
2017 Ram Limited 3500
6,7L Cummins. Vel útbúnir bílar
með loftpúðafjöðrun, Aisin sjálf-
skipting, Ram-box, upphitanleg
og loftkæld sæti, sóllúga, hita í
stýri og fl.
VERÐ
10.690.000
2017 GMC Denali
Glæsilegur bíll.
Nýja 6.6L Duramax Diesel
vélin, 445 HÖ. Með sóllúgu,
heithúðaðan pall, hita í stýri og fl.
VERÐ
10.490.000Einnig til í Mineral Metallic (brúnn)
Einnig til í Bright White, og Bright Silver
ÚR BÆJARLÍFINU
Skapti Hallgrímsson
Akureyri
Áhersla verður á þéttingu byggðar,
skv. drögum að Aðalskipulagi Akur-
eyrar 2018 til 2030, sem er í vinnslu.
Bjarki Jóhannesson, forstöðumaður
skipulagssviðs bæjarins, segir að
fyrirhuguð þéttingarsvæði dugi fyrir
það sem reikna megi með að verði
byggt á tímabilinu, eftir að Haga-
hverfi, nýjasti hluti Naustahverfis,
verður fullbyggt.
  
Mikill áhugi er greinilega á
skipulagsmálum á Akureyri. Fjöl-
menni var á opnum fundi í Hofi í vik-
unni þar sem Bjarki kynnti drög að
hinu nýja aðalskipulagi, en hann er
sjálfur höfundur þess.
  
Meðal þess sem helst var gagn-
rýnt af fundarmönnum var fyrir-
huguð íbúðarbyggð í svokölluðum
Kotárborgum, sunnan og vestan há-
skólasvæðisins. Þar er útivistar-
svæði sem margir nýta sér og er
óhætt að segja að sumir hafi brugð-
ist ókvæða við hugmyndinni. Vert er
þó að geta þess að gert hefur verið
ráð fyrir uppbyggingu og útivist þar
á aðalskipulagi í rúman áratug.
  
Samkvæmt drögunum verður
íbúðarbyggð á Akureyrarvelli,
knattspyrnuvellinum í miðjum bæn-
um, á bílastæðunum við Skipagötu í
miðbænum, á þremur svæðum í
grennd við Krossanes og á kast-
svæði norðan við Bogann í Gler-
árhverfi, svo dæmi séu nefnd. Einn-
ig á tveimur svæðum upp með
Dalsbrautinni og á litlu svæði austan
Lundarskóla sem KA hefur nú til
umráða.
  
Gert er ráð fyrir fimm einbýlis-
húsum á Melgerðisásnum, austan
íþróttasvæðis Þórs, og að við Furu-
velli, þar sem nú eru ýmis fyrirtæki,
verði íbúðir á efri hæðum húsa. Þá
er gert ráð fyrir uppbyggingu á
Oddeyri neðan Hjalteyrargötu, þar
sem nú eru ýmis fyrirtæki og tölu-
vert um gömul hús í lélegu ástandi.
  
Málefni svonefnds Drottningar-
brautarreits bar á góma á fundinum,
en þar rísa nú hús sem margir eru
ósáttir við. Þykja húsin full há, þann-
ig að þau skyggja algjörlega á gömul
hús við Hafnarstræti og á
Akureyrarkirkju frá Drottning-
arbraut.
  
Bjarki segir, í athugasemd á
Facebook við færslu eins fund-
armanns, að hann hefði viljað sjá
minna byggingarmagn á Drottn-
ingarbrautarreitnum „og að ekki
væri lokað jafn mikið fyrir útsýni
íbúa. Tryggvi [Már Ingvarsson] for-
maður [skipulagsráðs] er mér sam-
mála, en þetta er búið og gert, því
miður,“ segir skipulagsstjóri.
Hvorki Bjarki né Tryggvi gegndu
núverandi stöðum er framkvæmdir
voru ákveðnar.
  
Stjórn Hugins, skólafélags
Menntaskólans á Akureyri, afhenti í
vikunni forráðamönnum geðdeildar
Sjúkrahússins á Akureyri eina millj-
ón og fjörutíu þúsund krónur sem
nemendur söfnuðu í góðgerðarviku
sem félagið stóð fyrir á dögunum.
Fénu á að verja til góðs fyrir ungt
fólk sem leitar til deildarinnar.
Áhersla verður lögð
á þéttingu byggðar
Þétting Gert er ráð fyrir íbúðarbyggð á dökkbláu svæðunum á kortinu.
Guðni Einarsson
gudni@mbl.is
Þegar minnið hopar heitir erindi
sem Ellý Katrín Guðmundsdóttir
lögfræðingur hélt á fræðslufundi
Íslenskrar erfðagreiningar í fyrra-
dag. Þar lýsti hún reynslu sinni af
því að greinast með forstigs-
einkenni Alz-
heimer-
sjúkdóms síðast-
liðið haust. Þá
var Ellý 51 árs.
Yfirskrift
fræðslufundarins
var Hugsun –
skilgreinir hún
manninn? Auk
Ellýjar talaði
Kristinn R. Þór-
isson prófessor
um skilning og vit hjá mann-
eskjum og vélmennum og Kári
Stefánsson, forstjóri ÍE, talaði um
heilann. Hægt er að horfa á erind-
in á heimasíðu Íslenskrar erfða-
greiningar (ie.is).
Ellý sagði við Morgunblaðið að
hún hefði fengið mjög góð og
styrkjandi viðbrögð við erindinu.
Hún sagði að það hefði verið erfitt
að stíga fram og greina opin-
berlega frá veikindunum. Ellý gaf
Morgunblaðinu leyfi til að vinna
upp úr erindinu.
Hún hóf mál sitt á að lýsa til-
finningum sínum þegar hún áttaði
sig á því að samferðarfólki hennar
fannst hún hafa breyst. Ellý
kvaðst hafa dregið sig út úr birt-
unni og leitað skjóls í rökkrinu
þar til hún fann að hún var orðin
skugginn af sjálfri sér. Hún tók
sig taki „og horfði beint í gin úlfs-
ins“ eins og hún orðaði það.
„Ég stend hér í dag af því mér
finnst mikilvægt að tala um Alz-
heimer-sjúkdóminn, en ekki síst
þolendur hans með sama hætti og
við gerum um aðra sjúkdóma og
sjúklinga,“ sagði Ellý.
Löng óvissuferð
Hún sagði að seinni hluta vetrar
2016 og um vorið hefði hún ekki
verið eins og hún átti að sér að
vera. Þá starfaði hún sem borgar-
ritari og staðgengill borgarstjóra.
Það er annasamt og ábyrgðar-
mikið starf og í því þarf að halda
mörgum boltum á lofti í einu.
Síðla vors 2016 bað borgarstjóri
hana að ræða við sig. Hann sagði
henni, á mjög nærgætinn hátt, að
hann hefði áhyggjur af henni.
Einnig hafði hann fengið ábend-
ingar um að hún hefði verið „að
missa einhverja bolta í vinnunni“.
Borgastjóri stakk upp á að hún
tæki sér stutt leyfi frá störfum.
Ellý sagði að sér hefði snar-
brugðið við þetta. Þetta kom þó að
einhverju leyti heim og saman við
líðan hennar. Við tók veikindaleyfi
og allsherjar heilsufarsrannsókn.
„Þessi óvissuferð tók allt vorið og
sumarið og lauk ekki fyrr en síð-
asta haust,“ sagði Ellý.
Eftir margar og fjölbreyttar
rannsóknir var greiningin ekki
ljós, þótt grunur léki á að um Alz-
heimer-sjúkdóm gæti verið að
ræða. Síðasta rannsóknin var í
jáeindaskanna í Kaupmannahöfn.
Þremur vikum síðar lá niður-
staðan fyrir. Jón Snædal, læknir
Ellýjar, boðaði þau hjónin á sinn
fund. Niðurstaðan var ekki góð.
Staðfest var að hún var greind
með Alzheimer.
„Það var mér og okkur mikið
áfall,“ sagði Ellý. „Það mun vera
mjög fáheyrt að svo ungir ein-
staklingar greinist með Alzheim-
er.“ Ellý sagði að engin skýring
væri á því hvers vegna hún veikt-
ist. Það hefði verið algjör tilviljun.
Í hennar tilviki voru sterkir erfða-
þættir, sem auka líkur á að fá Alz-
heimer, útilokaðir.
„Jón Snædal sagði mér að ég
væri vel vinnufær og að ég ætti að
vinna, en ég mætti ekki vinna
undir miklu álagi. Þar flaug
borgarritarinn út um gluggann,“
sagði Ellý. Hún var ráðin til
starfa hjá umhverfis- og skipu-
lagssviði Reykjavíkurborgar.
Til að byrja með fengu bara
nánustu samstarfsmenn Ellýjar
upplýsingar um sjúkdómsgrein-
ingu hennar. Hún var sátt í upp-
hafi, en þegar á leið var hún ekki
fyllilega sátt við að leyna sjúk-
dómi sínum enda alltaf viljað hafa
hluti uppi á borðinu. Nýlega las
hún viðtal við Ólöfu Nordal, þá-
verandi ráðherra, þar sem Ólöf
kvaðst aldrei hafa leynt sjúkdómi
sínum. Það varð Ellýju hvatning
til að tala um sjúkdóm sinn opin-
berlega.
Ellý kvaðst hafa gert ýmsar
breytingar á lífi sínu. Hún minnk-
aði við sig vinnu og er nú í 60%
starfi. Hún stundar reglulega lík-
amsrækt og fer í langar göngu-
ferðir. Frá því í haust hafa þau
hjónin tileinkað sér svonefndan
„Mind Diet“. Ellý sagði að ekki
væri verra að hann kvæði á um
eitt rauðvínsglas á hverju kvöldi –
en bara eitt glas!
Mikilvægt að tala um Alzheimer
 Ellý Katrín Guðmundsdóttir sagði frá þeirri reynslu að greinast með forstig Alzheimer 51 árs
Morgunblaðið/Kristinn
Rökkur Fyrstu viðbrögð Ellýjar voru að draga sig út úr birtunni og leita
skjóls í rökkrinu. Svo sneri hún við blaðinu „og horfði beint í gin úlfsins“.
Ellý Katrín
Guðmundsdóttir