Morgunblaðið - 31.03.2017, Qupperneq 34

34 MENNING
MORGUNBLAÐIÐ FÖSTUDAGUR 31. MARS 2017
Einar Falur Ingólfsson
efi@mbl.is
Hollenski listamaðurinn Guillaume
Bijl hefur sett upp athyglisverða
innsetningu í menningarhúsinu
Mengi við Óðinsgötu og býður
gestum að upplifa hana í dag,
föstudag, kl. 12 til 21 og á morgun
kl. 12 til 19. Verður hún einungis
til skoðunar þessa tvo daga.
Innsetningar Bijl, sem stendur
nú á sjötugu, eru hlaðnar íróníu og
birta ætíð óvænta snúninga lista-
mannsins á tilveruna. Viðfangsefni
hans er iðulega menningarferða-
mennska, afþreyingariðnaður og
aðrar samfélagslegar uppákomur
sem hann sviðsetur á raunveruleg-
an hátt. Bijl skapar blekkingar-
heim sýnilegrar reglu og skipulags
til að sýna áhorfendum fram á
spaugilegar og gjarnan innihalds-
litlar hliðar nútímalífs.
Þegar blaðamaður gekk inn í
Mengi í gær var Bijl ásamt aðstoð-
arfólki að setja upp kosninga-
skrifstofu manns að nafni Stefán
Jónsson – „Nýr frambjóðandi –
Ný von“ stendur á veggspjöldum
með ábúðarmiklum frambjóðand-
anum sem er þar í bunka og innar
í salnum er komið ræðupúlt fyrir
framan nokkrar raðir stóla og von
er á fánum sem verða fyrir aftan
púltið.
„Ég hef sett upp tímabundnar
kosningaskrifstofur í nokkrum
löndum,“ segir Bijl. Þegar hann er
spurður hvers vegna hann setji
upp kosningaskrifstofu segist hann
í verkum sínum reyna að skapa
spegil fyrir samtíma okkar. „Ég
geri allrahanda innsetningar, til að
mynda hef ég sett upp kjarn-
orkubyrgi, ferðaskrifstofu… Ég
sýni samtíma minn og sumir segja
á grátbroslegan hátt. Ég sýni
fornleifar samtímans, í núinu…“
Raunveruleiki eða fáranleiki?
Bijl segir að með því að setja
raunverulegar aðstæður upp í list-
rýmum sýni það til að mynda fram
á ákveðinn fáranleika í því sem við
köllum siðmenningu. „Hér birtist
okkur stjórnmálamaður en í Kaup-
mannahöfn setti ég í fyrra upp
fegurðarsamkeppnina Ungfrú
Kaupmannahöfn.
Ég leik mér með ólík þemu og
eitt undirliggjandi er umfjöllun um
birtingarmyndir neysluhyggjunnar
í þessum kapítalíska heimi okkar.“
Þegar spurt er hvort hann leitist
við að skapa eins konar framand-
gervingu með sviðsetningunum
svarar Bijl játandi. „Og ég skálda
upp aðstæðurnar eins og hér, þar
sem nýr stjórnmálaflokkur hefur
leigt aðstöðuna og nýr frambjóð-
andi stígur fram, með nýjan vonir
og hugmyndir. Hann getur verið
hægri- eða vinstrisinnaður.“
Er þetta verk ekki ádeila á po-
púlistahreyfingarnar sem hafa ver-
ið að styrkjast víða um lönd?
„Auðvitað má segja það. Verkið
vísar til þeirra. Kannski má segja
að ég leitist við að sýna fram á
hvað þetta er allt ómerkilegt. Ein-
hverjir kunna að trúa þessu en
aðrir líta á þetta sem brandara…“
Bijl var á sínum tíma kennari
Þorvaldar heitins Þorsteinssonar,
myndlistarmanns og rithöfundar, í
Maastricht í Hollandi.
„Já, og svo sýndum við saman
og störfuðum saman, sem var afar
ánægjulegt allt saman. Nú er ég
svo kominn í fyrsta skipti til Ís-
lands, að frumkvæði Helenu Jóns-
dóttur, konu Þorvaldar, og það er
líka afar ánægjulegt – þetta var
örugglega rétti tíminn til að koma
hingað.“
Frambjóðandi í Mengi
 Myndlistarmaðurinn Guillaume Bijl setur í menningar-
húsinu upp framboðsskrifstofu sem er aðeins opin í tvo daga
Morgunblaðið/Einar Falur
Frambjóðandi Guillaume Bijl í Mengi með kynningarspjald frambjóðand-
ans Stefáns Jónssonar. Hann segist sýna fornleifar samtímans, í núinu.
Vínlandsleið, Grafarholti
Opið virka daga 11.00-18.00
Laugardaga 11.00-18.00
Sunnudaga 12.00-17.00Outlet Grafarvogi
GOLF
DAGAR
Í TOPPSKÓNUM
OUTLET
40%
AFSLÁTTUR
31. MARS-2. APRÍL
15.597
Verð áður 25.995
15.597
Verð áður 25.995
20.997
Verð áður 34.995
15.597
Verð áður 25.995
18.597
Verð áður 30.995
Félag íslenskra listdansara er 70 ára um þessar mundir. Félagið var stofn-
að 27. mars árið 1947, en stofnun FÍLD markaði upphaf áralangrar bar-
áttu og uppbyggingar á listgreininni hérlendis. Af því tilefni stendur fé-
lagið fyrir afmælisfögnuði í dag, föstudag, í Dansverkstæðinu að
Skúlagötu 30. Boðið verður upp á hátíðardagskrá sem hefst með hátíð-
arskál kl.17 og heldur síðan áfram í formi dansmaraþons frá kl. 18 til 21.
Aðgangur er ókeypis og eru allir dansarar og dansunnendur velkomnir.
Afmælisfagnaður Félags listdansara
Fórn Dansarar úr Íslenska dansflokknum í verkinu Fórn sem sýnt er í Borgarleikhúsinu.
Hljómsveitin Árstíðir heldur tvenna tónleika á Rosenberg um helgina; í
kvöld, föstudag, og á laugardagskvöld.
Árstíðir hafa unnið að nýrri hljóðversplötu og hafa einnig haldið í tón-
leikaferðalög um Bretland og Rússland. Þá hefur sveitin unnið að sam-
starfsverkefni með Magnúsi Þór Sigmundssyni og fékk Tómas Jónsson pí-
anóleikara og Magnús Magnússon trommuleikara með sér í lið til að skapa
hljóðheiminn fyrir lögin. Hefur hópurinn hljóðritað plötu með nýjum laga-
smíðum Magnúsar Þórs.
Á tónleikunum nú munu Árstíðir flytja nýtt efni af væntanlegri plötu
ásamt því að tefla fram lögum af fyrri plötum.
Tónleikatvenna Árstíða á Rosenberg
Ljósmynd/Hörður Sveinsson
Árstíðir Leika ný og eldri lög á tónleikunum sem haldnir verða í kvöld og annað kvöld.
Jazztríó Ludvigs Kára kemur fram
ásamt gestum á tónleikum í Naust-
inu í menningarhúsinu Hofi á Ak-
ureyri í hádeginu í dag, föstudag,
kl. 12. Flytur tríóið tónlist eftir
Ludvig. Auk hans koma fram þau
Stefán Ingólfsson á bassa, Rodrigo
Lopez á trommur, Ella Vala Ár-
mannsdóttir á trompet, Petrea
Óskarsdóttir á flautu, Gert-Ott
Kuldpärg á saxófón og Þorkell Ás-
geir Jóhannsson á básúnu. Tónlist
Ludvigs Kára flokkast sem að-
gengilegur melódískur fönkdjass.
Tríó Ludvigs Kára leikur í Hofi
Við víbrafóninn Ludvig Kári.