Víkurfréttir - 22.12.2003, Side 23

VÍKURFRÉTTIR I 52. TÖLUBLAÐ I MÁNUDAGURINN 22. DESEMBER 2003 VÍKURFRÉTTIR - JÓLABLAÐ II 23
Hvað er langt
2
3
til Keflavíkur?
Þegar við Íslendingar förum til útlanda og ferðumst áeigin vegum þá viljum við geta treyst þeim vegvísumsem eru við þjóðvegina. Blaðamanni Víkurfrétta var
nýverið boðið í stutta ökuferð um Suðurnes þar sem athygli
hans var vakin á mjög undarlegu fyrirkomulagi merkinga
Vegagerðarinnar. Þeirri spurningu var velt upp, hversu langt
sé til Keflavíkur. Það er nefnilega ekki alveg ljóst!
S A M A N T E K T : H I L M A R B R A G I B Á R Ð A R S O N
Ferðalagið hófst við Bláa lónið, enda vinsæll viðkomustaður margra ferða-
manna. Þegar Bláalóns-vegurinn er ekinn í átt að Grindavíkurvegi er
komið að bláu upplýsingaskilti (1) sem upplýsir okkur um helstu þjónustu
í Grindavík. Þarna segir að það séu 6 km. til Grindavíkur. Ljósmyndarinn
hoppar út úr bílnum og smellir af mynd - sest aftur upp í bílinn og keyrir
100 metra að gatnamótunum. Þar er annar vegvísir (2) sem segir að með
því að hafa ekið þessa hundrað metra hafi sparast 2 kílómetrar, því nú eru
eingöngu 4 km. til Grindavíkur. Við tökum mynd en ætlum hins vegar að
fara til Keflavíkur. Á gatnamótum Reykanesbrautar og Grindavíkurvegar
er komið að vegvísum (3). Þar erum við upplýst um það að þarna séu 6
km. til Keflavíkur en 8 km. til Njarðvíkur. Athyglisvert í ljósi þess að
þegar Reykjanesbrautin er ekin til Reykjanesbæjar, er fyrst komið að
Njarðvík og síðan til Keflavíkur. Tökum mynd og leggjum á minnið að
þarna séu 6 km. til Keflavíkur. Ókum í átt til bæjarins og beygðum út af
Reykjanesbrautinni við Go-kartsvæðið og horfðum á skemmtilegan kapp-
akstur. Þaðan var farið aftur að Reykjanesbrautinni og handan gatna-
mótanna var skilti (4) og það segir okkur að ennþá séu 6 km. til
Keflavíkur. Þarna skiptir engu þó eknir hafi verið margir margir kíló-
metrar frá gatnamótum Grindavíkurvegar - ennþá var jafn langt til
Keflavíkur. Getum ekki annað en treyst þessu og höldum
Reykjanesbrautina sem leið liggur til Keflavíkur. Beygjum útaf
Reykjanesbrautinni við BYKO/RAMMA og ætlum að fara Njarðarbrautina
inn í bæinn. Þar voru hins vegar framkvæmdir þannig að við förum aftur
út á Reykjanesbrautina við BYKO/RAMMA. Handan þeirra gatnamóta er
einnig vegvísir (5) og viti menn við hljótum að hafa farið í vitlausa átt. Nú
voru 7 kílómetrar til Keflavíkur, þrátt fyrir að hafa ekið nokkur hundruð
metra nær Keflavík, þá hefur vegalengdin aukist um einn kílómetra.
Tökum mynd og segjum við sjálfa okkur að þessi Keflavíkurskilti séu
marklaus með öllu. Komum að Fitjum og þar er blátt upplýsingaskilti (6)
sem segir okkur frá helstu þjónustu. Þar erum við upplýst um það að 1
kílómetri sé til Njarðvíkur. Tökum mynd og göngum innan við hundrað
metra að næsta skilti (7). Með því að labba þessa nokkra tugi metra hefur
leiðin til Njarðvíkur hins vegar lengst um einn kílómetra, því vegvísirinn
segir nú að 2 km. séu til Njarðvíkur. Náum í bílinn og ætlum að skoða
þessa Njarðvík, því það stendur eingöngu Njarðvík á skiltinu. Eftir að
hafa ekið Stekk að gatnamótunum við Njarðarbaut er komið að enn öðrum
vegvísi (8). Hann upplýsir okkur hins vegar um það að 2 km. séu til Ytri
Njarðvíkur og 1 km. til Innri-Njarðvíkur. Þessi orð Ytri og Innri voru hins
vegar ekki kynnt ferðamönnumvið Reykjanesbautina. Hvar er þessi
Njarðvík sem ferðamönnum er vísað til við Reyjanesbrautina og hvað er
langt til Keflavíkur frá Grindavíkurvegi? Hvetjum vegagerðina til að eyða
ekki peningum í að leiðrétta þetta fyrr en Reykjanesbrautin hefur verið
tvöfölduð alla leið. Peningunum er betur varið þar!
Jolablad II - 64 sidur pdf 20.12.2003 1:46 Page 23