Dagblaðið Vísir - DV - 15.12.2017, Side 30

30 umræða
DV áskilur sér rétt til að birta aðsent efni blaðsins á stafrænu
formi og í gagnabönkum án endurgjalds. Öll viðtöl blaðsins eru
hljóðrituð. Notkun á efni blaðsins er óheimil án samþykkis.
aðalnúmer: 512 7000
auglýsingar: 512 7050
ritstjórn: 512 7010
Heimilisfang
Kringlan 4-12, 4. hæð
103 Reykjavík
Sandkorn
Helgarblað 15. desember 2017
fréttaskot
512 7070
Spurning vikunnar
Útgáfufélag: Frjáls fjölmiðlun ehf. Stjórnarformaður: Sigurður G. Guðjónsson Framkvæmdastjóri: Karl
Garðarsson Aðalritstjóri: Kristjón Kormákur Guðjónsson Aðstoðarritstjóri: Einar Þór Sigurðsson
Ritstjórar: Kolbrún Bergþórsdóttir og Sigurvin Ólafsson Prentun: Landsprent Dreifing: Árvakur
Hver er uppáhalds jólasveinninn þinn?
„Kertasníkir. Hann kemur og tekur kertið mitt.“
Lilja Rós Sveinsdóttir
„Stúfur. Hann er svo lítill og sætur.“
Sigrún Gunnarsdóttir
„Skyrgámur. Hann er bara flottur.“
Gísli Þórarinn Hallsson
„Stúfur. Hann er bara svo lítill og sætur.“
Tinna Brá Sigurðardóttir
Ritsóðar og friðflytjendur
S
jálfsagt er hinn mjög svo áber-
andi skortur á umburðarlyndi
í samtíma okkar óhjákvæmi-
leg afleiðing þess að nú geta
allir átt sína rödd á samfélagsmiðl-
um. Hver og einn verður sinn eigin
fjölmiðill og miðlar skoðunum sín-
um til annarra. Þetta gera allflestir
á yfirvegaðan og hófsaman hátt, en
þó alls ekki allir. Hávaða- og óróa-
fólkið sem svo auðveldlega úthellir
skoðunum sem lýsa mannfyrirlitn-
ingu er farið að breiða úr sér sem
aldrei fyrr. Mörg dæmi má nefna um
heiftina og hatrið sem þessi hópur
aðhyllist. Hér skal staldrað við eitt
dæmi. Í síðustu viku birti DV viðtal
Kristins Guðnasonar við séra Dav-
íð Þór Jónsson. Þar steig Davíð Þór
fram sem kærleiksríkur og frjáls-
lyndur fulltrúi kristinnar kirkju.
Hann talaði máli trúfrelsis, eins og
svo sjálfsagt er að kirkjunnar menn
geri, og sagðist hlakka til þegar hægt
yrði að fara með skólakrakka í heim-
sóknir í mosku. Hann lýsti mosk-
unni sem öðruvísi kirkju.
Hér er á ferð sjálfsögð skoðun
sem ekki ætti að vera hægt að gera
mikið veður út af. Viðbrögðin létu
þó ekki á sér standa, upp reis hóp-
ur fólks sem vandaði prestinum
ekki kveðjurnar. Hann var sagður
snargeggjaður, kallaður andskot-
ans vitleysingur, fáviti og kolruglað
kvikindi. Einhver sagði að Davíð
Þór væri lítt skárri en Júdas, senni-
lega telur viðkomandi að klerk-
urinn hafi svikið Krist með því að
virða trúarskoðanir annarra. Sóða-
legasta athugasemdin af mörgum
andstyggilegum var svo sú að Dav-
íð Þór hataði kristni og vildi veg ís-
lam sem mestan því þar væri siður
að nauðga börnum!
Ekki verður betur séð en að þeir
einstaklingar sem þarna veittu inn-
sýn í kolsvartan hugmyndaheim
sinn telji sig málsvara kristni. Þeir
hafa greinilega misskilið heilmikið
í þeim efnum og veitir sannarlega
ekki af að rifja upp boðskap Frelsar-
ans og hleypa sólargeislum fagn-
aðarerindisins inn í myrka sál sína.
Þeim skal ráðlagt að nýta jólin til
þessa. Þá gæti Fjallræðan verið hið
ágætasta lesefni, stutt, hnitmiðuð
og efnisrík. Þar mun þessi hópur
til dæmis rekast á fallegt orð, sem
ekki hefur áður verið til í orðaforða
þeirra. Þetta er orðið „friðflytjendur“.
Viðbjóðurinn sem séra Davíð
Þór Jónsson fékk yfir sig vegna um-
burðarlyndis í trúmálum er ekk-
ert einsdæmi. Í netheimum þykir
sjálfsagt að sleppa sér og æða fram
með svívirðingar í garð annarra. Sá
sem talaði á þennan veg á vinnu-
stað eða skrifaði slík orð í blaða-
grein væri um leið að stimpla sig
úr siðaðra manna samfélagi. En
netið umber allt. Þar rotta rit-
sóðarnir sig saman, hafa félags-
skap hver af öðrum og fitna eins og
púkinn í fjósi Sæmundar fróða. n
Leiðari
Kolbrún Bergþórsdóttir
kolbrun@dv.is
„ Í netheimum
þykir sjálfsagt að
sleppa sér og æða fram
með svívirðingar í garð
annarra.
Guðmundur skotspónn
Það kann að hafa virst klókt
hjá Vinstri grænum að fá Guð-
mund Inga Guðbrandsson, fram-
kvæmdastjóra Landverndar,
sem umhverfisráðherra. Strax
og ráðherralistinn var tilkynntur
fékk flokkurinn mikið hrós alls
staðar af vinstri vængnum og
vildu margir meina að nýrri rík-
isstjórn væri alvara í umhverfis-
málum. Guðmundur virðist þó
ætla að verða aðalskotspónn
þeirra sem styðja ekki stjórnina
hægra megin frá. Gunnar Bragi
Sveinsson kallar eftir ráðherra
fólksins eftir að Guðmundur
lýsti sér sem ráðherra náttúr-
unnar. Gunnlaugur Ingvarsson,
fyrrverandi oddviti Þjóðfylk-
ingarinnar, talar um afturhald
og stöðnun ókjörins fulltrúa og
Gústaf Níelsson talar um póli-
tíska náttúrufræði. Það sem átti
að vera rólegt kjörtímabil í um-
hverfismálum gæti því snúist
upp í andstæðu sína.
Svik eða Hollywood-jól
Bókmenntaunnendur fögn-
uðu mikið þegar þeir lásu í nýj-
um stjórnarsáttmála að virð-
isaukaskattur af bókum yrði
afnuminn. Lilja Alfreðsdóttir
menntamálaráðherra var lofuð
sem og Katrín Jakobsdóttir for-
sætisráðherra sem hefur lengi
stutt að það yrði gert. Í fjárlaga-
frumvarpinu fyrir árið 2018 var
niðurfellingunni hins vegar
slegið á frest með tilheyrandi
harmkvælum bókaútgefenda.
Þetta yrði ekki í fyrsta sinn, ekki
einu sinni fyrsta sinn á þessu
ári, sem ráðamenn eru ósáttir
við atriði í eigin fjárlagafrum-
varpi. Það kæmi ekki á óvart
að fjárlögunum yrði breytt á
síðustu stundu til að bæta inn
í afnámi virðisaukaskattsins á
bækur, slík atburðarás minnir
óneitanlega á söguþráð úr jóla-
mynd frá Hollywood þegar for-
eldrið nær að útvega barninu
það sem það vill í jólapakkann
á síðustu stundu.
Í
sland hefur ekkert erindi í NATO. Fyr-
ir utan fáránleika þess að Ísland sé eina
herlausa ríkið í veröldinni sem er aðili
að hernaðarbandalagi, þá er óþolandi að
við styðjum með aðild okkar þau öfl sem ýta
undir vígvæðingu og gera heiminn hættu-
legri, eins og með þátttöku í stríðum í lönd-
um á borð við Afganistan og Líbíu.
NATO áskilur sér rétt til að beita kjarn-
orkuvopnum að fyrra bragði og stendur í
vegi fyrir alþjóðasamningum um útrýmingu slíkra vopna. NATO er
jafnframt bandalag sem hefur innanborðs mörg helstu vopnafram-
leiðsluríki heims. Það gerir þá kröfu til aðildarríkja sinna að þau eyði
háum fjárhæðum í hernaðarmál, sem betur væri varið í önnur verkefni.
Sem fámennt herlaust land, sem engum stendur ógn af, gæti Ís-
land lagt mun meira af mörkum til að koma á friði í heiminum með
því að standa utan allra hernaðarbandalaga en vera þess í stað öflugur
málsvari friðsamlegra lausna deilumála á alþjóðavettvangi.
E
ftir tæplega 70 ára farsæla aðild Ís-
lands að NATO vekur undrun að um
þetta skuli spurt. Ekkert mælir með
úrsögn úr NATO. Engin málefnaleg
rök eru fyrir að mótuð skuli önnur stefna
fyrir Ísland í öryggis- og varnarmálum en
aðild að NATO.
Að þjóðirnar austan og vestan Atlants-
hafs sameinuðu krafta sína í varnarmálum
árið 1949 og buðu Íslendingum stofnaðild
að bandalagi sínu var gæfuspor fyrir unga íslenska lýðveldið og auð-
veldaði því að tryggja sjálfstæði sitt í ótryggum heimi.
Sömu grunnrökin og þá voru kynnt eiga við enn þann dag í dag:
samstaða með frjálsum nágrönnum og samleið í öryggismálum er
besta framlag Íslendinga í þágu friðar í eigin heimshluta.
Með oG á MóTi - ÍSland Í naTO
Björn Bjarnason, formaður Varðbergs og
fyrrverandi ráðherra Sjálfstæðisflokksins
Steinunn Þóra Árnadóttir, þingmaður
Vinstri hreyfingarinnar – græns framboðs
Með á MóTi