Dagblaðið Vísir - DV - 15.12.2017, Blaðsíða 58

58 Helgarblað 15. desember 2017
Á síðustu árum hefur það færst mjög í aukana að íslenskar fjölskyldur bjóði
vinum og vandamönnum upp á
veglega kalkúnamáltíð, ýmist um
jól eða áramót.
Sumum þykir eldunaraðferðin
svolítið flókin enda er þetta stór
fugl og fæstir í mikilli æfingu þegar
að þessu kemur. Kristín Sverr-
isdóttir, kalkúnabóndi á Reykj-
um, segir þetta þó síður en svo
vandasamt og að ýmsar aðferðir
séu í boði. Til dæmis er hægt að
grilla fuglinn eða steikja í ofni. Svo
má leggja hann í kryddlög, baða í
smjöri og sitthvað fleira.
Að elda kalkún með fyllingu
Þegar kalkúnn er steiktur er gott að
byrja á því að snúa upp á vængina
þannig að þeir vísi fram, því þá
verður fuglinn stöðugri. Oft eru
leggirnir bundnir saman fyrir
steikingu, svo þeir standi ekki út í
loftið þegar kalkúnninn er borinn
fram. Bringan á fuglinum skal snúa
upp þegar hann er steiktur.
Erfitt er þó að ráðleggja steik-
ingartíma þar sem reynslan hefur
sýnt að mikill munur er á ofnum
og oft munar tugum gráða á sömu
tegundum ofna. Taka skal mið af
því þegar fuglinn er steiktur og
varast að steikja hann of lengi. Best
er að elda kalkúninn í lokuðum
ofnpotti eða á grind í ofnskúffu og
breiða þá yfir hann álpappír.
Sérfræðingarnir á Reykjum mæla
eindregið með notkun kjöthita-
mælis þegar kalkúnn er steiktur.
Góð regla er að stinga mælinum í
bringuna og ef vökvinn sem rennur
úr er glær er fuglinn tilbúinn. Gæta
skal þess að mælirinn snerti ekki
bein. Kalkúnninn er tilbúinn þegar
kjöthitastig nær 71 °C. Ef þurfa þyk-
ir er tekið ofan af fuglinum og hann
brúnaður við 200–250°C þegar
15–20 mín. eru eftir af áætluðum
steikingartíma. Sumir telja réttara
að brúna fuglinn áður en hann er
steiktur til að loka honum og halda
vökvanum í kjötinu.
Nauðsynlegt er að ausa yfir
fuglinn nokkrum sinnum þegar
líða fer á steikingartímann. Ef
fuglinn er fullsteiktur fyrir áætlað-
an tíma skal taka hann úr ofninum
og vefja stykki utan um steikarí-
látið en ekki geyma fuglinn inni í
ofninum.
Góðar upplýsingar er að finna
á vefnum kalkunn.is en þar eru
einnig uppskriftir að sósum,
fyllingum, kryddlegi og fjölbreyttu
meðlæti. Svo er bara að leggjast í
rannsóknarvinnu og markvissan
undirbúning enda aðeins níu dagar
til stefnu.
Svona áttu að elda
hinn fullkomna kalkún
Einn fremsti kalkúnasérfræðingur landsins ráðleggur lesendum
Eldunartími
Líkt og með annað kjöt er
steikingartími kalkúns oft miðaður
við ákveðinn mínútufjölda á
hvert kg og er miðað við 40–45
mín. á hvert kg við 150 °C fyrir
meðalstóran fylltan kalkún.
Á þessu eru þó nokkrar
undantekningar:
n Eftir því sem kalkúnninn er þyngri
getur þurft styttri steikingartíma á
hvert kg; 30 mín./kg.
n Ef fuglinn hefur legið í pækli
getur það líka skilað sér í styttri
steikingartíma.
n Ef kalkúnninn er yfir 7 kg að
þyngd er hægt að miða við u.þ.b.
30 mín. á hvert kg.
n Ef kalkúnninn er ferskur þarf
hann styttri steikingartíma.