Morgunblaðið - 16.08.2017, Qupperneq 14

14 FRÉTTIRInnlent
MORGUNBLAÐIÐ MIÐVIKUDAGUR 16. ÁGÚST 2017
Hindberjajógúrt
Lífrænar
mjólkurvörur
• Engin aukaefni
• Meira af Omega-3
fitusýrum
• Meira er af CLA
fitusýrum sem byggja
upp vöðva og bein
• Ekkert undanrennuduft
• Án manngerðra
transfitusýra
www.biobu.is
NÝ AFURÐ FRÁ BIOBÚ!
Baldur Arnarson
baldura@mbl.is
Breytingar á deiliskipulagi Borgar-
túns 24 verða kynntar á opnum fundi
síðdegis í dag. Með breytingunni er
byggðin þétt verulega norðan við
grónar íbúðargötur í Túnunum.
Skipulagssvæðið afmarkast af
Samtúni, Borgartúni og Nóatúni.
Á vef borgarinnar segir að núver-
andi byggð á svæðinu sé um 14.200
fermetrar og að nýbyggingar verði
um 16.000 fermetrar. Alls verða því
um 30.200 fermetrar á svæðinu.
Til að setja það í samhengi er
Kringlan, stærsta bygging Reykja-
víkur, um 56.000 fermetrar. Verk-
efnið er því umfangsmikið.
Bílakjallari undir svæðinu
Fram kemur í kynningu að til-
lagan felist að „stærstu leyti í breyt-
ingu á atvinnuhúsnæði í íbúðar-
húsnæði með lifandi jarðhæðir og
bílastæði í bílakjallara“. Miðað er við
allt að 65 íbúðir á reitnum.
Hluti íbúðanna mun snúa í norður
til móts við Höfða. Þá munu íbúðir
snúa að Samtúni í suðri og að Mána-
túni í austri. Nýja byggðin mun fara
stighækkandi til móts við nýlegan
íbúðaturn í Mánatúni 7-17. Þar
verða 2-7 hæðir án kjallara.
Á svæðinu eru nú 2-3 hæða at-
vinnu- og skrifstofuhús og einnar
hæðar skemmubyggingar. Gert er
ráð fyrir niðurrifi bakhúsa í Borgar-
túni 24. Þar er Tékkland til húsa.
Á reitnum eru nú 318 bílastæði.
Fjallað er um bílastæðastefnu á
reitnum í kynningarefni:
„Fyrirkomulag bílastæða er á for-
sendum þéttrar byggðar. Sam-
kvæmt bíla- og hjólastæðastefnu
borgarinnar telst reiturinn vera á
svæði 2 og er miðað við 1 bílastæði á
hverja 120 fermetra íbúðarhúsnæðis
og 1 bílastæði að hámarki á 50 fer-
metra atvinnuhúsnæðis,“ segir þar
m.a. Gefur þessi fermetrafjöldi til
kynna að ekki verði allar íbúðir með
bílastæði. Þá má benda á að fjórða
hver íbúð skal vera miðuð við þarfir
þeirra sem „ekki vilja eða geta lagt
mikið fé í eigið húsnæði“.
Gert er ráð fyrir bílakjallara undir
öllum nýbyggingum og að hægt
verði að hlaða rafbíla á öllum stæð-
um sem tilheyra íbúðum og á a.m.k.
40% annarra bílastæða.
Rammaskipulag fyrir reitinn
byggir á tillögu Yrkis arkitekta.
Verslunarhúsnæði Smith & Nor-
land í Nóatúni 4 verður óbreytt.
Kynningin fer fram klukkan 16.30
í Borgartúni 14, 7. hæð.
Morgunblaðið/Baldur
Norðurhlutinn Borgartún 24 er lengst til vinstri. Reiturinn nær að Borgartúni 18. Þar er hringtorg við Höfðatorg.
Teikning/Yrki arkitektar
Breytt götumynd Íbúðaturn mun kallast á við íbúðaturn í Mánatúni 7-17.
Kynna háhýsabyggð í Borgartúninu
 Allt að 7 hæða íbúðaturnar verða byggðir á þéttingarreit í Borgartúni  Allt að 65 nýjar íbúðir
 Kynningarfundur síðdegis í dag  Byggt verður ofan á bílastæði sem eru á syðri hluta reitsins
Teikning/Yrki arkitektar
Rammaskipulag Hér má sjá hvernig reiturinn er þríhyrningslaga.
Morgunblaðið/Baldur
Horft til norðurs Á syðri hluta reitsins eru m.a. bílastæði og bílaskoðun.
Dómsmálaráðherra hefur skipað þær Berglindi Báru Sigurjónsdóttur og
Rögnu Bjarnadóttur í tvö embætti skrifstofustjóra sem auglýst voru 16.
júní síðastliðinn. Þær eru báðar lögfræðingar að mennt. Alls bárust 33 um-
sóknir um embættin en þrír umsækjendur drógu umsóknir sínar til baka.
Berglind Bára Sigurjónsdóttir hefur frá árinu 2010 starfað sem löglærð-
ur skrifstofustjóri hjá embættinu. Hún hefur jafnframt verið stundakenn-
ari á ýmsum námskeiðum við HÍ.
Ragna Bjarnadóttir hefur frá árinu 2016 starfað sem lögfræðingur í inn-
anríkisráðuneytinu, nú dómsmálaráðuneytinu. Hún var lögfræðingur hjá
Mannréttindadómstóli Evrópu 2011-2014 og aðstoðarsaksóknari og deild-
arstjóri hjá Lögreglustjóranum á höfuðborgarsvæðinu 2009-2010 en á ár-
unum 2006-2008 var hún aðstoðarsaksóknari hjá embætti ríkissaksóknara.
Þá hefur hún verið stundakennari við lagadeildir HÍ og HR.
Ráðherra skipar tvo skrifstofustjóra
Jón Birgir Eiríksson
jbe@mbl.is
Jafn margir nemendur bíða nú inn-
göngu í úrræði Brúarskóla í Vestur-
hlíð og pláss er fyrir í skólanum, 25
nemendur.
Brúarskóli er sérskóli á vegum
Reykjavíkurborgar sem sinnir
grunnskólabörnum sem eiga við al-
varlega geðræna-, hegðunar- eða fé-
lagslega erfiðleika. Skólinn þjónustar
einnig nágrannasveitarfélög borg-
arinnar.
Auk Vesturhlíðar, sem er fyrir
nemendur í fjórða til tíunda bekk,
starfrækir skólinn tvo þátttökubekki,
Brúarsel og Brúarhús, fyrir börn í
fimmta til sjöunda bekk. Einnig rek-
ur Brúarskóli kennslu á barna- og
unglingageðdeild og á Stuðlum. Alls
þjónustar skólinn um fimmtíu til sex-
tíu börn og að sögn Bjarkar Jóns-
dóttur, skólastjóra Brúarskóla, er
vandi þeirra oft flókinn, mörg þeirra
eru á einhverfurófi og með alvarlega
hegðunarvanda sem geta hamlað
þeim í skólanum.
Unglingarnir dvelja lengur
Börn dvelja að jafnaði í tólf til fjór-
tán mánuði í Brúarskóla. Að sögn
Bjarkar hefur borið á því að nem-
endur á unglingastigi sæki nám í
Vesturhlíð í allt að tvö til þrjú ár og
það sé ástæða þess að biðlistarnir
hafi lengst og færri komist að.
„Þetta er hluti vandans, hér eru
nemendur sem eiga varla aftur-
kvæmt. Það þarf að bregðast við því
og það er borgarinnar að ákveða
hvernig það verður gert.“
„Ég tel að vissulega sé gild ástæða
til að grandskoða af hverju þetta ger-
ist. Aukin þekking og viðurkenning á
vanda barna er eflaust ein ástæða, en
vandinn er svo margs konar að erfitt
er að benda á eitthvað eitt,“ segir
Björk.
„Það eru margir samverkandi
þættir sem koma til. Þetta eru auð-
vitað nemendur sem eiga ótrúlega
erfitt með að vera í stórum hópi og
höndla illa áreitamikið umhverfi.
Skólaumhverfið er þannig að ákveð-
inn hópur mun alltaf eiga erfitt með
þetta umhverfi.“
Efli eftirfylgni kennaranna
Aðspurð segir Björk að ekki sé
nein töfralausn til að bregðast við
biðlistunum. Einn möguleiki sé að
fjölga plássum og byggja nýjan
skóla.
„Sérskóli eins og þessi má ekki
verða of stór og það þarf alltaf að
vera hugsunin að nemendur fari til
baka, en það þarf eflaust samt að
fjölga úrræðum. Húsið sem við erum
í ber ekki meira og er eiginlega
sprungið utan af okkur.“
Starfsfólk Brúarskóla fylgir börn-
unum eftir þegar þau ljúka veru sinni
þar og heimaskólarnir taka við þeim
að nýju. „Mikilvægt er að nemendur
fái tækifæri og byrji með hreint borð.
Við eigum gott samstarf við heima-
skóla nemenda og það er það sem
skiptir máli,“ segir Björk, sem bætir
því við að það gæti stytt biðlistana
nokkuð að hjálpa kennurum á vett-
vangi. Ávallt verði þó nemendur sem
þurfi einfaldara og skipulagðara um-
hverfi en almennur skóli ráði við.
Börn á biðlista jafn
mörg og plássin
 25 börn með alvarleg hegðunarvandamál bíða þjónustu
Ljósmynd/Brúarskóli
Vesturhlíð Í skólanum eru börn
með alvarlegan hegðunarvanda.