Dagblaðið Vísir - DV - 09.02.2018, Page 10

10 9. febrúar 2018fréttir
Lindarflöt 35 Flatirnar í Garðabænum hafa verið vagga valdsins á Íslandi. Það þarf því ekki að koma á óvart að forstjóri stór­
fyrirtækis búi þar en kannski kemur á óvart að það er aðeins einn! Í þessu glæsilega einbýlishúsi býr Garðar Hannes Friðjónsson, forstjóri
Eikar fasteignafélags. Garðar keypti húsið í október 2017 en kaupverðið var 108 milljónir króna.
Frjóakur 2 Í þessu glæsilega húsi í Akrahverfinu í Garðabæ býr Sigurður Viðarsson, forstjóri TM, ásamt eiginkonu sinni, Sigurbjörgu
Ólafsdóttur. Nægt rými er í húsinu en það er heilir 340 fermetrar að stærð. Sigurður og Sigurbjörg keyptu lóðina undir húsið um mitt ár 2006
og reistu húsið í framhaldi af því.
Furugerði 2 Í þessu tvíbýlishúsi hefur Guðjón Auðunsson, forstjóri Reita, búið í
áratug. Hann keypti húsið í febrúar 2007 og var kaupverðið rétt tæplega 50 milljónir króna.
Grenimelur 8 Í þessu huggulega tvíbýlishúsi í Vesturbænum býr Stefán Sigurðs­
son, forstjóri Fjarskipta hf., ásamt eiginkonu sinni, Rögnu Söru Jónsdóttur. Þau keyptu
hæðina, sem er 219 fermetrar að stærð, í mars 2012 og var kaupverðið 56,5 milljónir króna.
Vesturbrún 6 Hér býr Hermann Björnsson, forstjóri Sjóvár, ásamt eiginkonu sinni,
Eiríku Guðrúnu Ásgrímsdóttur. Þau keyptu húsið, sem er 204 fermetrar að stærð, í mars 2015
og var kaupverðið 75 milljónir króna.
Lækjarberg 52 Í þessu húsi býr Finnur Árnason, forstjóri Haga, ásamt eiginkonu
sinni Önnu Maríu Urbancic. Parið byggði húsið og var það tilbúið árið 1994. Húsið er 268
fermetrar að stærð.
Hólahjalli 5 Eggert Þór Kristófersson, forstjóri N1, er eini forstjórinn sem býr í Kópa­
vogi. Hann býr í þessu glæsilega húsi í Hjallahverfi sem er rúmlega 245 fermetrar að stærð.
Eggert og eiginkona hans, Ágústa Dröfn Kristleifsdóttir, fjárfestu í húsinu um mitt ár 2007
en kaupverðið var 95 milljónir króna.
Nesbali 66 Í þessu snotra raðhúsi á Seltjarnarnesi býr Björgólfur Jóhannsson, forstjóri Icelandair, ásamt eiginkonu sinni, Málfríði
Pétursdóttur. Húsið er 201 fermetri að stærð en hjónin keyptu það í nóvember 2012. Kaupverðið var 79,5 milljónir króna.
stærsta
húsið