Dagblaðið Vísir - DV - 23.02.2018, Blaðsíða 42
42 23. febrúar 2018
Tímavélin Gamla auglýsinginVísir, 8. febrúar, 1918.
Níu ára stúlka
lést í fyrsta
flugslysinu
Árið 1919 var fyrsta flugvélin
flutt til landsins, AVRO 504K,
samfara stofnun Flugfélags
Íslands. Fyrir 25 krónur gat
fólk keypt sér útsýnisflug yfir
Reykjavík, en aðeins var pláss
fyrir einn farþega. Þann 27. júní
árið 1920 var mikill mannfjöldi
saman kominn í Vatnsmýrinni
til að fylgjast með flugsýn-
ingu vélarinnar. Fyrsta flug-
slys Íslandssögunnar varð að
veruleika þegar vélinni hlekkt-
ist á við lendingu. Ekki höfðu
áhorfendur fylgt leiðbein-
ingum um hvar á túninu þeir
máttu standa og reyndi flug-
maðurinn að sveigja fram hjá
mesta fjöldanum. Vélin lenti þó
á tveimur systkinum og lést níu
ára gömul stúlka, Svava Gísla-
dóttir, samstundis. Hún varð
fyrir flugvélinni miðri en bróðir
hennar varð fyrir vængnum og
slasaðist alvarlega.
Óli á hjóli
Guðni Th. Jóhannesson er al-
þýðlegur forseti og hjólar mik-
ið með börnin. Ólafur Ragnar
Grímsson, forveri hans, átti
einnig sína hjólreiðdaga. Í nóv-
ember árið 1982, þegar Ólafur
var alþingismaður, skellti hann
sér í hjólreiðatúr með eigin-
konu sinni, Guðrúnu Katrínu
Þorbergsdóttur heitinni, og
DV var með í för. „Við byrjum
alltaf á því að hjóla hring á
Nesinu, síðan förum við út
í Skerjafjörð, í Vesturbæinn
eða út á Granda,“ sagði Ólaf-
ur. Þá sögðu þau að vindurinn
væri hluti af skemmtuninni
og ekkert mál væri að klæða
veðrið af sér. Ólafur sagði að
það væri nauðsynlegt að „hjóla
kollegana og daginn úr sér“ á
kvöldin.
Í
janúarmánuði árið 1992 fengu
Neytendasamtökin inn á borð til
sín óvenjulegt mál sem átti eftir
að fara nokkuð hátt í fjölmiðl-
um, svokallaða Strumpakláms-
mál. Í dag telja margir þetta vera
flökkusögu en þetta er hins vegar
dagsatt. Klámefni rataði inn á
myndbandsspólur með Strumpa-
þáttum. Steinar Berg Ísleifsson,
sem gaf út spólurnar, ræddi við
DV.
Eitthvað ljótt á spólunni
Í Þjóðviljanum 22. janúar segir frá
foreldrum sem í sakleysi sínu fór
út á myndbandaleigu og leigðu
spóluna Strumparnir 1 fyrir börn-
in. Spólunni var rennt í tækið fyrir
börnin en þegar hún var búin
komu börnin fram og sögðu við
foreldrana að það væri „eitthvað
ljótt á spólunni líka.“ Neytenda-
samtökin fengu tvö slík mál inn á
borð til sín og fólu í kjölfarið lög-
manni sínum að kæra Steina hf.
Steinar Berg, eigandi Steina
hf., segir að það hafi ekki komið til
þess. „Þetta hafði enga slíka eftir-
mála, en var leiðinlegt og algerlega
óviðeigandi að öllu leyti.“
Hvernig gerðist þetta?
„Við fengum umboð til að fram-
leiða Strumpana sem við viss-
um að við gátum gert í talsvert
miklu magni. Við fengum tilboð
í framleiðsluna á vídeókasettur
og aðilinn sem framleiddi þetta
fyrir okkur hafði greinilega notað
spólurnar áður, upp að einhverju
magni, í einhverja klámmynda-
framleiðslu. Við höfðum ekki hug-
mynd um þetta.“
Steinar segist ekki muna hver
framleiðandinn var en það var
innlendur aðili sem var að reyna
að hasla sér völl á myndbands-
spólumarkaðinum. „Við vorum að
framleiða gríðarlega mikið af kvik-
myndum og slíku og fengum til-
boð í þetta verkefni frá þessum að-
ila sem við höfðum aldrei skipt við
áður. Hann skilaði þessu svona og
við tókum framleiðsluna og sett-
um hana út í leigur.“
Fólki fannst þetta fyndið
Steinar segist ekki vita hvernig
klám hafi verið á spólunum en
samkvæmt Morgunblaðinu frá 21.
janúar var um mjög gróft klám að
ræða. „Ég var staddur í Cannes í
Frakklandi og sá þetta aldrei. Við
innkölluðum þessar spólur og
sendum aftur til hans og fengum
lagfæringu á þessu. Við skiptum
auðvitað ekki við hann aftur og
hann hætti í viðskiptum skömmu
eftir þetta.“
Um var að ræða þáttaspólur
með 45 mínútur af efni. Spólurnar
sjálfar voru 60 mínútur og átti síð-
asta korterið að vera autt. Stein-
ar segir að málið hafi farið hærra í
fjölmiðlum en efni stóðu til. „Þetta
voru ein eða tvær týpur af spólum
og einhverjar 100 eða 200 af þeim
sem við vissum nákvæmlega hvert
höfðu farið. Þetta var ekki lengi í
umferð.“
Fenguð þið bágt fyrir þetta?
„Nei. Það var aðallega spilað á
þetta með einhvers konar húmor
af því að þetta var svo óvenjulegt.“
En var aukning í sölu á
Strumpamyndböndum?
„Nei, en fólki fannst þetta
fyndið, þannig séð. Sérstaklega
þegar skýrðist hvernig þetta átti
sér stað. Það heyrðust einhverj-
ar sögur um að krakkarnir hefðu
verið óvenju hljóðir. En ég held
að þetta hafi ekki verið mörg til-
felli.“ n
Klám á Strumpaspólum
„Sögur um að krakkarnir
hefðu verið óvenju hljóðir“„Þetta hafði
enga slíka
eftirmála, en var
leiðinlegt og
algerlega óviðeig-
andi að öllu leyti
Kristinn Haukur Guðnason
kristinn@dv.is