Dagblaðið Vísir - DV - 23.02.2018, Blaðsíða 54
54 23. febrúar 2018
Undanfarna daga hefur veðrið verið alveg snarvitlaust í höfuðborginni og víðar og þá veltir maður þessu
með bílskúrana fyrir sér. Ég hef aldrei skilið
af hverju Íslendingar nota ekki bílskúrana
sína undir bíla. Einmitt hér á norðurhjara
veraldar þar sem vetrarlægðirnar ætla okk
ur stundum óstöðug að æra.
Þau sem eiga bílskúra kjósa heldur að
fylla þá af drasli og láta svo bílana standa
úti í alls konar brjáluðum veðrum. Þú kem
ur út í kaldan og dimman daginn klukkan
hálf átta um morgun og skemmtunin
hefst á því að moka nokkur kíló af snjó af
bílnum þínum. Fyrst notarðu kúst á þakið
og svo er það að skafa hann allan hringinn.
Oft eru rúðurnar hélaðar og rúðuþurrkurn
ar fastar svo það þarf að hamast rækilega
með sköfunni. Þú ert komin með rautt nef
og meikið er hlaupið í kekki á kinnunum
þegar þú loks sest inn í ískaldan skrjóðinn
og kveikir á morgunútvarpinu sem stund
um er allt of hresst miðað við aðstæður.
Væri ekki talsvert þægilegra að geta
farið beint inn í bílinn sinn sem bíður
hreinn og fínn í upphituðum bílskúrnum?
Tipla tvö þrep á huggulegum hælaskóm
úr þvottahúsi og tylla sér undir stýri. Með
kaffiglasið í annarri og veskið í hinni.
Smella á fjarstýringuna, sjá bílskúrshurðina
opnast og bakka út. Enginn snjór, ekkert
vesen. Kannski annað á heimleiðinni, en
að minnsta kosti yrði morguninn talsvert
þægilegri.
Nei. Bílskúrinn skal heldur nota sem
afdrep fyrir aðþrengda eiginmenn sem
reykja í laumi og alls konar drasl sem
fjölskyldan hefur sankað að sér í gegnum
tíðina. Mig grunar að svona 95% allra sem
eiga bílskúra á Íslandi hafi kannski einu
sinni eða tvisvar keyrt bílinn sinn þar inn. Í
mesta lagi.
Væri ekki ráð að taka til í skúrnum, selja
dótið í Kolaportinu eða á Facebook, græða
smá peninga og minnka svo viðhaldskostn
að á bílnum í leiðinni? Ég bara spyr og það
á innsoginu. Ég myndi að minnsta kosti
gera það – ætti ég bílskúr.
PS. Ef ég væri í byggingabransanum
þá myndi ég frekar smíða skemmur með
nýjum rað- og einbýlishúsum og nota svo
sem sölupunkt: „Fallegt einbýlishús til sölu,
50 fermetra skemma fylgir með. Fullkomin
undir jólaskrautið úr Costco og
gömul gúmmístígvél.“
Ætli þetta myndi slá í
gegn?
Maður spyr sig.
Hvað er þetta eiginlega með Íslendinga og bílskúra?
Margrét H.
gústavsdóttir
margret@dv.is
Hin árlega bjórhátíð hófst á KEX hostel í gær, fimmtudag, en hátíðin stendur til
klukkan ellefu á laugardagskvöld.
Hátíðin er haldin í tilefni af 29
ára afmælisdegi íslenska bjórsins, en
þann 1. mars árið 1989 var almenn
sala á bjór leyfð eftir 74 ára sölubann.
KEX Hostel hefur boðið íslenskum
og erlendum bruggurum í heimsókn
til að kynna sig og sína framleiðslu
dagana sem hátíðin fer fram.
Öll helstu brugghús landsins
taka þátt í hátíðarhöldunum ásamt
erlendum brugghúsum og hefur
fjöldinn aldrei verið meiri en í ár.
Þar má meðal annars nefna Austra,
Beljanda, Jón Ríka, Lady Brewery,
Malbygg, Mono, Öldur, Ölverk, ÖR
Brewing Project og Ægisgarð en
allt eru þetta ný brugghús sem
hafa ekki tekið þátt áður. Á há
tíðinni er boðið upp á bjórvænan
mat og fjölbreytt tónlistaratriði í
þrjá daga en meðal flytjenda eru
til dæmis Margrét Erla Maack
frá Reykjavík Kabarett, Emmsjé
Gauti og Prins Póló.
Efla og ýta undir innlenda
og erlenda bjórmenningu
Tilgangur hinnar Íslensku bjór
hátíðar er að efla og ýta undir inn
lenda og erlenda bjórmenningu,
stuðla að bættari drykkjuháttum
Íslendinga og efla fræðslu almenn
ings á framleiðslu og kynningu á
handverksbjór úr hágæða hráefni.
Bjórhátíðin hefur það einnig að
markmiði sínu að tengja bjór beint
við mat og hvers konar matargerð
þar sem þessi tvö hugtök eru ná
skyld og eiga vel saman.
Í fréttatilkynningu segir að há
tíðinni hafi vaxið fiskur um hrygg
síðustu árin en eitt af markmiðum
hennar er að koma Reykjavík í
undirmeðvitund alþjóðlegs bjór
áhugafólks og bruggara um allan
heim á komandi árum.
Miðasala hefur gengur vel og
eru örfáir miðar til á slóðinni:
www.kexland.is/beer-festival-2017
Mikil steMning fyrir
bjórHátíðinni á keX
bruggHúsin
aldrei fleiri
18th Street Brewery, Aslin Beer
Co., Austri, Barr, Beavertown
Brewery, Beljandi, Black Project
Spontaneous & Wild Ales,
Bokkereyder, Borg Brugghús,
Brewing Költur, Brewski, Brothers
Brewery, BRUS, Civil Society
Brewing Co, Cloudwater Brew
Co., Collective Arts Brewing,
Cycle Brewing, Einstök, Fonta
Flora Brewery, de Garde Brewing,
Garage Beer Co., Half Acre Beer
Company, J. Wakefield Brewing,
Járn og Gler / Malbygg, Jón
Ríki, KEX Brewing, Lady Brewery,
Lamplighter Brewing Co., Lord
Hobo Brewing Company, Mantra
Artisan Ales, Mikkeller, O/O
Brewing, Mono, Half Brewing
Co.People Like Us, Prairie Artisan
Ales, Reykjavík Brewing Company,
Smiðjan, Speciation Artisan Ales,
Surly Brewing Company To Øl,
Transient Artisan Ales, Vífilfell,
Voodoo Brewing Co., Warpigs,
Ægisgarður, Öldur, Ölvisholt,
Ölgerðin Egill Skallagrímsson,
Ölverk og ÖR Brewing Project.
Vilja koma Reykjavík í undirmeðvitund alþjóðlegs bjóráhugafólks og bruggara
dagskráin frá fÖstudegi
Föstudagur, 23. febrúar
17.00 Önnur lota hefst og lýkur klukkan 20.00.
17.00 Raxtur í boði TVG Zimsen.
20.00 Tap Takeover á Mikkeller & Friends Reykjavík, Hverfisgötu 12, 101 Reykjavík.
21.00 Emmsjé Gauti heldur tónleika á KEX Hostel ásamt hljómsveit.
23.00 Dagskrá lýkur á KEX Hostel.
Laugardagur, 24. febrúar
11.00 Bjórhátíðarhlaup Mikkeller Running Club Reykjavík á KEX Hostel.
15.00 Bjórjóga í Gym & Tonic á KEX Hostel. Skráning á http://kexland.is.
16.00 Þriðja og síðasta lota hefst og lýkur klukkan 20.00.
16.00 Raxtur í boði TVG Zimsen.
20.00 Tap Takeover á Mikkeller & Friends Reykjavík, Hverfisgötu 12, 101 Reykjavík.
21.00 Prins Póló heldur tónleika á KEX Hostel.
23.00 Dagskrá lýkur á KEX Hostel.