Dagblaðið Vísir - DV - 16.03.2018, Qupperneq 68

68 16. mars 2018
Afmælisbörn
vikunnar
- 16 til 23 mArs -
65 ára
VAlgerður
mAtthíAsdóttir
Fædd: 19. mars 1953
Starf: Sjónvarpskona
41 árs
mArtA mAríA
JónAsdóttir
Fædd: 23. mars 1977
Starf: Forseti Smartlands
40 ára
ilmur
KristJánsdóttir
Fædd: 19. mars 1978
Starf: Leikkona
43 ára
sindri Páll
KJArtAnsson
Fæddur: 19. mars 1975
Starf: Kvikmyndagerðarmaður
Friðarboðskapur fórnarlambs
Charlie Hebdo-árásarinnar
t
he Grizzled er lítið franskt
samvinnuspil hannað af
Fabien Riffaud og Juan
Rodriguez. Spilið vakti
athygli fyrir myndskreytingarnar
sem voru gerðar af myndasögu-
listamanninum Tignous. Tignous
starfaði frá árinu 1980 hjá Charlie
Hebdo og var einn af þeim tólf
sem voru myrtir af íslömskum
hryðjuverkamönnum þann 7.
janúar árið 2015, sama ár og The
Grizzled kom út.
Á frönsku heitir spilið Les Poilus
sem myndi þýðast á íslensku sem
hinir loðnu. Það var það sem
franskir hermenn í skotgrafa-
hernaði fyrri heimsstyrjaldarinn-
ar voru kallaðir. Myndir Tignous af
hermönnunum, sem hafa allir eig-
in nöfn, eru einstaklega fallegar og
gefa hverjum og einum þeirra mik-
inn persónuleika. Þetta eru ekki
miklir vígamenn, gráir fyrir járn-
um, heldur venjulegir fjölskyldu-
menn, klaufalegir og kumpánlegir.
TrauST og vináTTa
Fyrri heimsstyrjöldin var einn
af hildarleikjum mannkyns þar
sem milljónum hermanna var att
saman í stórorrustum sem skiluðu
litlu. Lífið þar hefur verið hreint
helvíti á jörð. The Grizzled hef-
ur greinilegan friðarboðskap og
skilaboðin eru að til að lifa af slíka
helför verði vináttan og traustið að
vera til staðar milli manna.
Það er einmitt það sem þeir
sem þora að spila The Grizzled
verða að gera, treysta hver öðr-
um og fórna eigin hagsmunum
fyrir félaga sína. Samvinnuspil
hafa verið einhver þau vinsæl-
ustu undanfarin ár. Spil eins og
Pandemic, Forbidden Island og
Hanabi hafa selst í bílförmum. Í
flestum samvinnuspilum komast
leikmenn upp með að spila sinn
leik og hafa aðeins annað augað
á hagsmunum heildarinnar. Það
er ekki möguleiki í The Grizzled
því þá er öllum hópnum refsað
snöggt og grimmilega. Eitt feil-
spor getur eyðilagt allan leikinn
fyrir öllum.
Leikmenn velja sér persónu
sem hefur einhvern hæfileika og
spilum er dreift á hópinn. Þá skipt-
ast þeir á að spila út spilum sem öll
eru slæm nema eitt. Það er jóla-
spilið, sem er tilvísun í jólafriðinn
árið 1914 þegar hermenn, hverjir
sínum megin víglínunnar, lögðu
niður vopn til að syngja, gefa hver
öðrum gjafir og spila fótbolta. Líkt
og jólafriðurinn er þetta eina spil
skammgóður vermir. Leikmenn
þurfa sífellt að taka erfiðar og
hamlandi ákvarðanir.
viðbóTin gerbreyTir
Hverri umFerð
Ári eftir útgáfu The Grizzled kom út
viðbótin At Your Orders! Hún bætir
ýmsum möguleikum inn í spilið, svo
sem eins og tveggja manna reglum.
Einnig eru þar upprétt pappaspjöld
fyrir hvern hermann úr grunnspil-
inu sem greinarhöfundur hefur ekki
enn séð neinn tilgang með annan
en að fylla aðeins betur út í kass-
ann. Bitastæðast við At Your Orders!
er hins vegar leiðangursspjöldin og
þau gera hana þess virði að eign-
ast. Í grunnspilinu er hver umferð
keimlík hver annarri en leiðangurs-
spjöldin hrista upp í hverri umferð
og skiptast þar á skin og skúrir.
The Grizzled er erfitt, mjög,
mjög erfitt spil. En í þessu tilviki
er það kostur þar sem þetta er
mjög stutt spil og tilvalið að grípa
í sem upphitun eða eftirrétt. Mætti
helst líkja þessu við flókna þraut
sem leikmennirnir vinna í sam-
einingu og þegar hún klúðrast í
fyrsta skipti eru flestir reiðubúnir í
næstu tilraun undir eins. Spil eins
og þetta verður að vera áskorun
og The Grizzled stendur fyllilega
undir því.
The grizzled
Útgefið: 2015
Leikmenn: 3–5
Lengd: 30 mínútur
Tegund: Kortaspil, samvinnuspil
Kristinn Haukur guðnason
kristinn@dv.is
Önnur serían af Jessicu Jones var loksins frumsýnd eftir tveggja og hálfs árs hlé þann
8. mars síðastliðinn, á alþjóð-
legum baráttudegi kvenna.
Líkt og þegar fyrsta serían
var frumsýnd hámhorfði
ég á alla þættina á tveim-
ur dögum og var svo skil-
in eftir fullnægð, – en mjög
hungruð í meira.
Jessica Jones var ást við fyrstu
sýn, mögulega vegna þess að ég
hef elskað Krysten Ritter, sem fer
með titilhlutverkið, í fjölda ára
og mér hefur aldrei þótt hún fá
þá athygli og það lof sem hún á
skilið. En ástin orsakaðist auð-
vitað mest af því að fyrsta serían
var hreint meistaraverk. Þættirnir
voru dimmir og drungalegir, með
húmor í takt við það og svo með
hæfilegu „dassi“ af slagsmálum og
spennu. En nóg um fyrstu seríuna,
hún er ekki það sem ég ætla
að fjalla um.
Fyrir þau sem hafa
aldrei heyrt um eða
horft á Jessicu Jones
þá fjalla þættirnir um
einkaspæjarann Jessicu
Jones og fólkið í hennar lífi.
Þættirnir eru byggðir á Marvel-
teiknimyndabókum og gerast því
í sama heimi og The Avengers.
Þótt nokkrum sinnum sé minnst
á græna risann og vini hans, þá er
Jessica Jones að flestu leyti mjög
frábrugðin Marvel-kvikmyndun-
um með þeirri undantekningu að
Jessica býr líka yfir ofurhetjueigin-
leikum, – hún er ofursterk.
Önnur serían af
Jessicu Jones byrjar
á svipaðan hátt og sú
fyrsta en er þó nokk-
uð hægari og greini-
legt að Jessica er enn að
ná sér eftir áföllin sem
gengu yfir hana í fyrstu
seríu. Jessica, Malcolm
og Trish einbeita sér
nú að því að finna þá
sem bera ábyrgð á því
að veita Jessicu krafta
hennar. Öll spjótin
beinast að IGF en fljót-
lega fer málið að flækjast og þau
einblína á að finna skrímsli sem
IGF virðist hafa skapað og fremur
nú hvert morðið á fætur öðru.
Þessi nýja sería af Jessicu Jones
var ekki eins fljót og sú fyrri til að
hrífa mig og endirinn á henni er
ekki alveg eins fullnægjandi þar
sem maður hefur vissa samkennd
með „vonda kallinum“. Samkennd
sem maður var að mestu laus við
í fyrstu seríunni þegar vondi kall-
inn var hinn óviðkunnan-
legi Kilgrave, sem Dav-
id Tennant náði samt
einhvern veginn að gera
sjarmerandi á vissan hátt.
Serían er þrátt fyrir það vel
þess virði að horfa á, hún
er spennandi og vel upp
byggð og við fáum að kynn-
ast aðalkarakterunum enn
betur en í fyrri seríunni.
Hún býr líka til mikla eftir-
væntingu fyrir þriðju serí-
unni sem við þurfum von-
andi ekki að bíða eftir í tvö
og hálft ár!
Jessica Jones er vafalaust besta
Marvel-serían á Netflix og ég
myndi mæla með henni við alla
sem kunna að meta spennu- og
glæpaþætti með smávegis drama.
ný þáttArÖð með hinni nAutsterKu Jessicu Jones
Tinna eik rakelardóttir fjallar um marvel-hetjuna Jessicu Jones