Morgunblaðið - 07.12.2017, Síða 42

42 FRÉTTIRInnlent
MORGUNBLAÐIÐ FIMMTUDAGUR 7. DESEMBER 2017
vikunnar og þarf dreifingu þess að
vera lokið árla morguns.
Misjafnt er frá degi til dags hve
mörg hús þarf að dreifa blaðinu í,
þar sem það er oft í aldreifingu og
fer þá inn á hvert heimili. Og eftir
því sem blöðin eru fleiri eru tekj-
urnar það sömuleiðis. Við það bæt-
ast svo ýmis fríðindi í gegnum aðild
að blaðberaklúbbnum. Liðsmönnum
hans er reglulega boðið í bíó og í
ýmsa leiki þar sem góðir vinningar
eru í boði. Þá er starfið líka frábær
útivera og hreyfing, en þegar nýtt
ár gengur í garð setja margir sér
markmið í líkamsræktinni og þá
getur blaðburðurinn verið góður
kostur – og þar að auki ágætlega
launaður.
á blaðburði,“ segir Valur Yngvi sem
er nemandi í 10. bekk við Haga-
skóla. Þá æfir hann körfubolta með
jafnöldrum sínum hjá KR, en óvíða í
Vesturbænum er körfuboltaáhuginn
jafn mikill og þar.
Góður aukapeningur
„Fyrir blaðburðinn næ ég
kannski tuttugu þúsund krónum í
laun á mánuði. Ég get alltaf lagt
eitthvað fyrir inn á bók og núna er-
um við körfuboltastrákarnir að
safna fyrir æfinga- og keppnisferð
til Svíþjóðar sem er á dagskránni
næsta sumar. Blaðburðarpening-
arnir gera mér þá ferð mögulega,“
segir blaðberinn í Frostaskjóli.
Morgunblaðið kemur út sex daga
„Blaðburðurinn skilar ágætum
vasapeningi sem er nauðsynlegt að
hafa með skólanum. Ég er líka fljót-
ur að að dreifa Morgunblaðinu í
húsin við Frostaskjól, en þegar
mest er og blaðið í aldreifingu eru
þetta um það bil áttatíu bréfalúg-
ur,“ segir Valur Yngvi Jónsson, 15
ára blaðberi Morgunblaðsins í Vest-
urbænum í Reykjavík.
Hann byrjaði í febrúar á þessu
starfi og hefur staðið sig í starfi með
prýði, að sögn starfsfólks í dreifing-
ardeild Árvakurs.
Valur tekur daginn jafnan
snemma og með hressilegum
göngutúr kemur hann sér í gírinn
fyrir skóladaginn sem er fram-
undan. „Það er fínt að byrja daginn
Morgunblaðið/Kristinn Magnússon
Vesturbærinn Valur Ingvi Jónsson tekur daginn jafnan eldsnemma og fer með Morgunblaðið til áskrifenda.
Fínt að byrja á blað-
burði í Frostaskjólinu
 Blaðberinn safnar fyrir körfuboltaferðalagi til Svíþjóðar
Með vísan til þess að kjarasamn-
ingar grunnskólakennara eru laus-
ir vekja kennarar í Fellaskóla í
Reykjavík athygli á því í ályktun að
kennaraskortur er orðinn viðvar-
andi vandi í skólum borgarinnar og
hópur leiðbeinenda stækki. „Það
kemur óneitanlega niður á gæðum
alls skólastarfs og hefur í för með
sér aukið álag á þá kennara sem
starfa við skólana,“ segja kennarar
í Fellaskóla sem benda á að aukin
veikindi kennara séu fórnarkostn-
aður álags. Það sýnir meðal annars
staða sjúkrasjóðs Kennarasam-
bands Íslands, þangað sem margir
sæki nú eftir stuðningi.
Kennarar benda á að samkvæmt
kjarasamningi hafi verkefnum ver-
ið bætt á kennara svo sem nýju
námsmati og innleiðingu á rafrænu
skráningarkerfi. Allt sé þetta tíma-
frekt og bætist við þann tíma sem
kennari hefur til daglegs undirbún-
ings. Það þurfi meiri peninga inn í
skólastarfið svo uppfylla megi kröf-
ur um skóla án aðgreiningar. Kenn-
ararnir segjast binda miklar vonir
við komandi kjarasamning og geri
þar kröfu um sambærileg laun og
sérfræðingar með sama mennt-
unarstig svo og minna álag í starfi
og bætt starfsumhverfi.
Jöfn tækifæri
„Nú er tími aðgerða. Kenn-
araskorturinn er raunveruleiki sem
bitnar á skólastarfi framtíðarinnar
og við spyrjum: Er það sú framtíð
sem við viljum búa komandi kyn-
slóðum? Við trúum því að sveit-
arfélögin vilji sjá framsækna skóla
sem veita öllum nemendum jöfn
tækifæri,“ segja kennarar í Fella-
skóla. sbs@mbl.is
Kennaraskortur er
viðvarandi vandi
 Fleiri leiðbeinendur og aukið álag
Morgunblaðið/Ernir
Fellaskóli Menntasetur í Breiðholti.
Sigurður Bogi Sævarsson
sbs@mbl.is
„Hættan við Ketubjörg eykst stöð-
ugt,“ segir Stefán Vagn Stefánsson,
yfirlögregluþjónn á Norðurlandi
vestra. Sem kunnugt er hafa miklar
sprungur myndast í björgunum
miklu við bæinn Ketu á Skaga, en
þeirra varð fyrst
vart fyrir um
tveimur árum. Þá
klauf klettur sig
frá 65 metra háu
bjarginu, þar sem
heitir Fálkabakki,
og hefur sprung-
an þarna á milli
verið smám sam-
an að víkka. Þetta
gerðist í kjölfar
þess að klaki stífl-
aði læk á heiðinni ofan við björgin.
Leitaði vatn þá í nýja rás og smaug
niður í gljúpt móbergið sem hratt af
stað atburðarás sem ekki sér fyrir
endann á. Þetta er örskammt frá
þjóðveginum sem liggur um þessar
slóðir og því er staðurinn nokkuð fjöl-
farinn.
Sprungan í björgunum er nú orðin
um tveggja metra breið og nokkuð
hefur borið á því að þarna fari ferða-
menn út á ystu nöf, sem er hættuspil.
Af því segist yfirlögregluþjónninn
hafa nokkrar áhyggjur. „Við höfum
sett þarna upp viðvörunarskilti og
lokunarborða, en fólk lætur sér ekki
segjast. Og þar sem staðurinn er fyr-
ir utan byggð og 40 kílómetra héðan
frá Sauðárkróki er vonlaust fyrir lög-
regluna að halda þarna uppi reglu-
bundnu eftirliti. Ég óska þess bara
að í briminu í vetur losni um klettinn
svo þetta vandamál verði úr sögunni.
Ef ekki verður að hugsa málið upp á
nýtt og bregðast við fyrir næsta sum-
ar, áður en umferð ferðamanna um
þessar slóðir fer af stað,“ segir Stef-
án Vagn.
„Gjáin breikkar stöðugt,“ segir
Ingólfur Sveinsson, til skamms tíma
bóndi á Lágmúla á Skaga sem er
skammt frá Ketubjörgum. Hann
fylgist vel með framvindunni og segir
eftirtektarvert að nú – þegar þús-
undir tonna hafa hrunið úr björg-
unum – myndi það fyllingu og und-
irstöðu klettsins staka. Verji hann
fyrir þunga brimsins. Fyrir komi líka
að lækir renni ofan í sprunguna í
björgunum – sem eru úr gljúpu mó-
bergi – og þegar þíða og gaddur komi
á víxl fari allt á hreyfingu.
Sprunga í Ketubjörgum víkkar
 Tveggja metra geil og hættan eykst stöðugt  Viðvörunarskilti og lokunar-
borðar stoða lítið  Lögreglan hefur áhyggjur  Óskandi er að brimið brjóti
Morgunblaðið/Sigurður Bogi
Ketubjörg Hér sést sprungan og kletturinn sem losnaði frá. Hann hallast æ lengra fram til sjávar. Mynd frá sl. ári.
Stefán Vagn
Stefánsson
Ekki er sæmandi íslensku samfélagi
að fjöldi fólks þurfi að hafast við á
tjaldsvæðum í fimbulkulda, segir í
áskorun til stjórnvalda sem Fé-
lagsráðgjafafélag Íslands hefur sent
frá sér. Þar er vísað til frétta um 20
manns séu með nánast fasta búsetu á
tjaldstæðinu í Laugardal. Segja fé-
lagsráðgjafar að ljóst megi vera að
fólk alls staðar af landinu sækir oft
til Reykjavíkur þegar það hefur
misst húsnæði sitt í sínu sveitarfé-
lagi. Því sé það ekki bara Reykjavík-
urborgar heldur allra sveitarfélaga
og opinberra stjórnvalda að leysa
þennan húsnæðisvanda.“
Reykjavíkurborg gaf út skýrslu
nýlega þar sem hagir utangarðsfólks
eru kortlagðir og sýna niðurstöður
þar að utangarðsfólki hefur fjölgað á
undanförnum árum. „Stjórn Fé-
lagsráðgjafafélags Íslands skorar á
stjórnvöld að koma fólki sem gistir
úti í skjól sem fyrst og að byggja upp
langtímaúrræði fyrir þennan hóp,“
segir í áskoruninni. sbs@mbl.is
Tjaldvist er
ekki sæmandi
Morgunblaðið/Hari
Veturseta Húsbílar á tjaldsvæðinu í
Laugardal á köldum vetrardegi.
Hinn 1. desem-
ber síðastliðinn
lét Halldóra
Vífilsdóttir af
störfum sem
forstjóri Fram-
kvæmdasýslu
ríkisins. Hún
hóf störf hjá
Landsbank-
anum, í teymi
sem vinnur að
undirbúningi nýbyggingar bank-
ans við Austurhöfn í Reykjavík.
Sama dag var Hafsteinn S. Haf-
steinsson lögfræðingur settur
forstjóri Framkvæmdasýslu rík-
isins til bráðabirgða. Hann mun
gegna starfinu þar til nýr for-
stjóri verður skipaður í starfið en
ráðningarferli stendur nú yfir.
Alls bárust 27 umsóknir um starf-
ið.
Hafsteinn útskrifaðist með
embættispróf úr lagadeild Há-
skóla Íslands og masterspróf í
lögfræði frá Queen Mary and
Westfield College í London. Haf-
steinn hefur lengst af starfað í
fjármála- og efnahagsráðuneyt-
inu þar sem hann hefur haft með
höndum framkvæmda- og eigna-
mál ríkisins, auk tengdra verk-
efna á sviði eignaumsýslu, fé-
lagamála ríkisins og
samningamála.
Hafsteinn settur forstjóri
Framkvæmdasýslu ríkisins tímabundið
Hafsteinn S.
Hafsteinsson