Morgunblaðið - 07.12.2017, Blaðsíða 80

MIÐBORGIN80
MORGUNBLAÐIÐ FIMMTUDAGUR 7. DESEMBER 2017
TOPPLYKLASETT BORVÉL M12 VERKFÆRASKÁPUR
3/8” 12stk BPD-202c 2x2Ah 7 skúffu
Toppar: 10, 12, 13, 14, 15,
17, 18 og 19mm.
Nett borvél, tveggja hraða
með höggi.
Sterkur verkfæraskápur með
góðum brautum.
MW 48229001 MW 4933441940 TJ TBR3007B-X
7.900 kr. 25.900 kr. 39.900 kr.
Verkfærasalan
Síðumúli 11 - 108 Reykjavík | Dalshraun 13 - 220 Hafnarfjörður
560-8888 • www.vfs.is
Öll verð eru birt með fyrirvara um prentvillur og áskilinn er réttur til breytinga. Tilboð gildir til 30.nóv - 24.des 2017.
Morgunblaðið/Árni Sæberg
Arfurinn Íslenska tónlistin er greinilega eitthvað sem margir ferðamenn vilja bæta í safnið.
Þegar geisladiskurinn hélt innreið
sína á tónlistarmarkaðinn á seinni
hluta níunda áratugar síðustu aldar
töldu nærfellt allir daga vínylplöt-
unnar talda. Þegar stafræna bylt-
ingin braust út um aldamótin síðustu
vildu flestir meina að geisladiskurinn
væri alveg jafn bráðfeigur. Fréttir af
andláti þessara formföstu tónlistar-
miðla eru þó stórlega ýktar, ef marka
má Kristján Kristjánsson sem stend-
ur vaktina í plötubúðinni Smekkleysu
við Laugaveginn. Og Kristján er með
þeim marktækari í bransanum, segja
mér kunnugir menn.
Aldrei misst trúna á tónlistina
„Á þessum stað erum við búin að
vera í ein átta ár og svo vorum við á
smá hreyfingu hér í grenndinni þar á
undan,“ segir Kristján þegar ég spyr
hann um aldur verslunarinnar. „Svo í
nærumhverfinu hérna eru þetta ein
12-15 ár sem við höfum verið starf-
andi í miðbænum.“ Þegar talið berst
að því hvort hann hafi einhvern tíma
verið við það að gefast upp á versl-
unarrekstri með tónlist – í kjölfar
þess að fólk tók að deila stafrænum
tónlistarskrám og fyrir bragðið borga
síður fyrir tónlist – svarar hann því til
að hann hafi aldrei misst trúna á mús-
íkina. „Þetta er búið að ganga í gegn-
um alls konar dýfur, upp og niður
gegnum árin, og ég er búinn að vera í
þessu í þrjátíu ár, og það er því ekk-
ert nýtt fyrir mér í þessum efnum.
En það komu alveg tímar þar sem
maður hélt að þetta væri kannski að
verða of rólegt í sölunni til að standa
undir sér. Einhvern veginn helst
þetta nú samt alltaf í gangi því það er
alltaf til fólk sem vill kaupa músík og
við getum með sanni sagt að vín-
ylbyltingin upp á síðkastið hafi hjálp-
að mikið til, og þá litlu búðunum sér-
staklega. Útgáfan á tónlist er líka
alltaf mjög mikil.“
Vínyll og geisladiskar í bland
Við Kristján gleymum okkur um
stund í nördalegu spjalli um endur-
komu vínylplötunnar og þann skrið-
þunga sem er í útgáfu á tónlist á vínyl
um þessar mundir. „Fyrir tíu til
fimmtán árum kom engum til hugar
að platan ætti endilega afturkvæmt
og margir losuðu sig við plötusafnið
sitt – og dauðsjá eftir því núna,“ bæt-
ir hann við og kímir.“ Engu að síður
er það svo að ennþá selst meira í
Smekkleysu af geisladiskum en
hljómplötum og ástæðuna telur
Kristján vera þá að búðin er ein fárra
sem ennþá leggja áherslu á að bjóða
gott úrval geisladiska. „Við erum enn
með býsna gott úrval diska og erum
að flytja inn eldri útgáfur í tals-
verðum mæli. Við erum semsé ennþá
að sinna cd-fólkinu og diskasalan er
þar af leiðandi meiri hjá okkur en vín-
ylsalan. Ætli plöturnar séu ekki 35-
40% af heildarsölunni, ég gæti trúað
því. Engu að síður hefur vínylsalan
hjálpað öllu því hún hefur aftur sett
fókusinn á plötuna sem heild. Á vín-
ylplötu mynda lögin heild, á a-hlið og
b-hlið, í stað þess að vera stök lög á
spilunarlista í engri sérstakri röð.“
Vandaðri plötur nú til dags
Það rifjast upp fyrir okkur að þeg-
ar geisladiskurinn var að verða ráð-
andi miðill á markaðnum, á árunum
kringum 1990, voru diskarnir alla
jafna dýrari en vínylplötur. Nú hefur
dæmið snúist við og hljómplatan er
talsvert dýrari en sambærilegur
geisladiskur. Það finnst Kristjáni í
alla staði eðlilegt enda er platan efn-
ismeiri gripur í alla staði. „Vínyl-
plötur eru almennt dýrari en eitt er
við plöturnar miðað við hvernig áður
var, og það er að platan er orðin
miklu vandaðri framleiðsla í dag.
Plöturnar eru þykkari, músíkin er
sér-masteruð fyrir vínylinn, en í
gamla daga var þetta allt dálítið mikil
fjöldaframleiðsla og gæðin öll minni
enda oft mikil handvömm við fram-
leiðsluna á mörgum titlum hér áður.
Nú er þetta allt sérhæfðara og plöt-
urnar miklu betri vara en var hér áð-
ur fyrr. Þess vegna er hún skiljanlega
aðeins dýrari.“
Túristar í leit að íslensku efni
Það kemur upp úr dúrnum að
margir erlendir ferðamenn sækja
Smekkleysu heim í leit að góðum tón-
um og þá fyrst og fremst innlendu
efni. Íslendingurinn sem kemur í búð-
ina er ekki alveg jafn fyrirsjáanlegur,
bendir Kristján á. „Heimamenn
koma í leit að gömlum uppáhalds-
plötum sem og einhverju nýju,“ út-
skýrir hann. „Við reynum að bjóða
upp á alla breiddina hvað gamalt og
nýtt varðar.“ Við stöldrum við og
virðum fyrir okkur uppsetningu á
einum vegg búðarinnar þar sem vín-
ylplötur með ýmsum þekktum flytj-
endum þekja vegginn. Þar getur að
líta safnplötu með Bláskjá gamla,
Frank Sinatra, hina geysivinsælu
Rumours með Fleetwood Mac, síð-
ustu skífuna með Ásgeiri Trausta,
nýjustu plötu hljómsveitarinnar
Goldfrapp og sólóplötu Robert Plant,
söngvara Led Zeppelin. Talsvert er
um þungarokk enda segir Kristján
mikið líf í þungarokkinu akkúrat
núna. Hann er sýnilega við öllu búinn.
Þó vel gangi að selja músík þá hef-
ur neyslumynstrið breyst nokkuð, að
sögn Kristjáns. „Fjöldasala sem var,
á plötu Ásgeirs Trausta til að mynda,
þar sem plata seldist í 30.000 eintök-
um, eða Mugison sem seldist í 25.000,
það er eiginlega úr sögunni. Það er
engin plata að seljast núorðið nema
kannski í nokkrum þúsundum ein-
taka.“
Margar plötubúðir í miðbænum
Kristján tekur sérstaklega fram í
kjölfarið að sér þyki það satt að segja
aðdáunarvert hvað íslenska tónlist-
arsenan er aktíf. Tónlistarlífið líti
ágætlega út.
„Bara hér í miðbænum eru fimm
plötubúðir starfandi, sem segir sitt
um stöðuna,“ og telur hann í fram-
haldinu upp 12 tóna, Reykjavík Re-
cord Store, Geisladiskabúð Valda,
Lucky Records, að ógleymdri
Smekkleysu.
„Allar búðirnar virðast hafa grund-
völl til starfsemi og hver þeirra hefur
sinn sérstaka stíl. Við búum því alveg
ágætlega hvað þetta varðar.“
jonagnar@mbl.is
Alltaf til fólk sem kaupir músík
Uppgötvun Gaman er að grúska í rekkunum og meira gefandi en Spotify.
Framboð Kristján segir fimm plötubúðir starfandi í miðbænum í dag.
Ferðamenn sem koma í plötubúðina eru oft að leita
að íslenskri tónlist, en heimamenn vilja finna eitt-
hvað nýtt, ellegar gamalt og gott. Enn seljast
geisladiskarnir vel, þrátt fyrir streymið, en tæpur
helmingur af sölunni hjá Smekkleysu við Laugaveg
eru vínylplötur.