Morgunblaðið - 07.12.2017, Qupperneq 55

55
MORGUNBLAÐIÐ FIMMTUDAGUR 7. DESEMBER 2017
Mosfellsheiði Það var vetrarlegt á heiðinni í gær, hálka og á köflum skafrenningur og blint. Þar við bætist skammdegið. Vegfarendur þurfa að gæta varúðar til að komast heilu og höldnu heim.
RAX
Sala á lóðum undir
atvinnustarfsemi í
Hafnarfirði hefur tvö-
faldast á milli áranna
2016 og 2017. Þetta er
ánægjuleg þróun fyrir
okkur Hafnfirðinga
enda er uppbygging
atvinnulífs ein af for-
sendum öflugs bæj-
arfélags. Afar jákvætt
er einnig fyrir bæjar-
félagið að vera komið í þá stöðu að
vera einn ákjósanlegasti kosturinn
á höfuðborgarsvæðinu fyrir fyr-
irtæki sem vilja byggja upp sína
aðstöðu eða hefja starfsemi.
Í ljósi hinnar miklu eftirspurnar
eftir fyrirtækjalóðum
í Hafnarfirði var ný-
lega ákveðið að aug-
lýsa nýtt hverfi,
Hellnahraun III. Þar
er fjöldi iðnaðar- og
atvinnulóða til sölu en
lóðirnar henta flestar
vel til dæmis undir
matvælaiðnað. Af
stórum fyrirtækjum
sem eru að byggja
upp starfsemi í Hafn-
arfirði má nefna Ice-
landair sem er enn að
auka umsvif sín í bænum, m.a.
með fjölgun flugherma, og Haf-
rannsóknastofnun sem mun flytja
starfsemina í nýbyggingu á hafn-
arsvæðinu. Glæsilegt hótel í mið-
bænum er á teikniborðinu og má
vænta þess að framkvæmdir við
það hefjist fyrr en síðar.
Vegna þeirrar uppbyggingar
sem átt hefur sér stað í kringum
flugvöllinn í Keflavík og þeirrar
góðu hafnaraðstöðu sem er í bæn-
um er staðsetning þessara lóða af-
ar góð. Þá munu framkvæmdir við
Ásvallabraut, sem verður ráðist í
nú af fullum krafti sem og ný mis-
læg gatnamót, bæta mjög aðkomu
að svæðinu og auka umferðarör-
yggi.
Fasteignaskattar
lækka mest í Hafnarfirði
Meirihluti bæjarstjórnar í
Hafnarfirði leggur mikla áherslu á
gott og aðlaðandi starfsumhverfi
og hefur samþykkt að lækka
álagningarhlutfall fasteignaskatts
á atvinnufyrirtæki úr 1,650% í
1,570% eða um 0,08% Aðeins þrjú
af stærstu sveitarfélögum landsins
hafa tilkynnt um lækkun þessa
skatts á næsta ári og lækkar hann
áberandi mest í Hafnarfirði. Þetta
er gert til að mæta miklum hækk-
unum á fasteignamati sem vita-
skuld er íþyngjandi fyrir fyrir-
tækin og þeim því sýnd sama
sanngirni og íbúum sveitarfé-
lagsins, jafnt fyrirtækjunum sem
fyrir eru í bænum sem og þeim
sem líta til Hafnarfjarðar með
framtíðarstaðsetningu í huga.
Sala á lóðum undir atvinnu-
starfsemi skilar bæjarfélaginu
miklum tekjum. Þær eru og verða
nýttar til að greiða niður skuldir
og uppbyggingu innviða. Eins og
rekstri bæjarins er nú háttað
heyra lántökur vegna fram-
kvæmda liðinni tíð. Allar fram-
kvæmdir eru nú fjármagnaðar með
tekjum sveitarfélagsins. Það eru
því bjartir tímar framundan í
Hafnarfirði.
Eftir Rósu
Guðbjartsdóttur »Eins og rekstri bæj-
arins er nú háttað
heyra lántökur vegna
framkvæmda liðinni tíð.
Allar framkvæmdir eru
nú fjármagnaðar með
tekjum sveitarfélagsins.
Rósa Guðbjartsdóttir
Höfundur er formaður bæjarráðs
Hafnarfjarðar.
Fyrirtækin velja Hafnarfjörð
Ekki ætla ég að
draga í efa það mat
forystu Sjálfstæð-
isflokksins að miklu
þyrfti að fórna til að
atlaga þríeykisins,
sem sé RÚV, Samfylk-
ingar og dreggja Pí-
rata, tækist ekki. Og
Viðreisn mun líða und-
ir lok fyrir vikið. Það
er synd að gott fólk
skyldi láta véla sig þangað. Engin
skynsemi bjó að baki, einungis
meintir fjárhagslegir hagsmunir ör-
fárra manna sem engu skeyttu um
Ísland, auk, að mér virðist, hefndar
eins manns. Ég ætla að spara mér
og öðrum ummæli um Loga og þetta
líka einstaka fólk sem fer fyrir Píröt-
um. En það er ýmislegt að því sem
lagt er upp með af nýrri
ríkisstjórn.
Umhverfismál
Ekki ætla ég að tjá
mig um loftslagsbreyt-
ingar af manna völdum.
Ég væri þá kominn í
hóp hinna fjölmörgu
sem allt um það vita án
þess svo mikið sem að
hafa aflað sér minnstu
þekkingar. Á það bæði
við um þá sem eru með
og á móti. Hitt veit ég
að umhverfismál verða ekki leyst í
einu landi, allra síst á Íslandi. Ein-
hvern veginn hittir ekki í mark í
mínum huga að framleiða rafmagn
með kolum á rafmagnsbíla. En ef
aðrar þjóðir hefðu áorkað því að
halda hitastigi í híbýlum sínum við-
unandi með svipuðum aðferðum og
við Íslendingar væri vandinn
kannski ekki svo mikill. Og ekki fer
milli mála að mengun hafanna og
plastmengun þróunarlandanna er
brýnt viðfangsefni. Það dylst engum
sem vaðið hafa plasthauga landa á
borð við Indland.
Svona gerast hlutirnir
á eyrinni
Nú um stundir eru þjóðirnar, hver
í sínu lagi, að „kolefnisjafna“. Það
væri fyndið, ef það væri ekki svona
sorglega dýrt fyrir lífskjör hinna
lakast settu. Í Hollandi var tveimur
risastórum orkuverum sem ganga
fyrir jarðefnaeldsneyti lokað. Þau
voru seld til niðurrifs. Eitt af þeim
fjölþjóðlegu fyrirtækjum sem best
ganga keypti verin (og heitir enda
„Svartsteinn“). Þau hafa nú verið
flutt til Afríku og eru starfrækt þar.
Verkfræðifyrirtækið græddi
formúu, Holland dró úr útblæstr-
inum og Afríka nýtir samnings-
bundið svigrúm til aukinnar meng-
unar. Allt er þetta harla gott ef tekið
er mið af sáttmálum samtímans.
Hvernig verða svona samningar
til, kynni einhver að spyrja? Í hinni
hnignandi Vestur-Evrópu er málið
ekki flókið. Hefur einhver neyðst til
að lesa „undirbúningsfundargerðir“
nefnda á vegum Evrópusambands-
ins? – Ég vona ekki. Einhvern veg-
inn svona hljóðar dæmigerð upp-
hafsmálsgrein margra kafla:
„Hópurinn kom saman til vinnu-
fundar (hina eða þessa helgina) í
Berlín, París, Róm eða Feneyjum,“
allt eftir árstíðinni. – Já, það var
nefnilega það.
Að mínu mati er þörf á heilbrigðri
skynsemi í stjórnmálin að nýju.
Hvers vegna eru ekki liðir á fjár-
lögum sem nefnast „framlög til
mengunarvarna“? Einn liðurinn
gæti nefnst „framlag til þróunar
jarðvarmavirkjana í Afríku“ ... „til
endurnýtingar á plasti í þróunar-
löndunum“ o.s.frv. Hversu marg-
földum árangri skyldi hver króna
skila miðað við kostnað af elds-
neytisframleiðslu á Íslandi svo dæmi
sé tekið? En nei, ekki hugsa frjóa
hugsun; ekki í stjórnmálin.
Ýmsu öðru er síðan áfátt við
stjórnarsáttmálann, en það bíður
betri tíma.
Eftir Einar S.
Hálfdánarson » Viðreisn mun líða
undir lok. Það er
synd að gott fólk skyldi
láta véla sig þangað.
Engin skynsemi bjó að
baki, einungir fjárhags-
munir örfárra manna.
Einar S. Hálfdánarson
Höfundur er hæstaréttarlögmaður.
Er nýr stjórnarsáttmáli
ásættanlegur fyrir sjálfstæðismenn?