Morgunblaðið - 03.01.2018, Blaðsíða 61

61
MORGUNBLAÐIÐ MIÐVIKUDAGUR 3. JANÚAR 2018
fram úr sjálfum sér. Eftir því sem
líkamlega formið eykst þá getur
maður farið að auka ákefðina í æf-
ingum og jafnvel þyngdina á lóðum.
Við erum öll mismunandi og þolum
æfingar misvel. Sum okkar eru til
dæmis jafnvel með einhver stoðkerf-
isvandamál, sem sprottin eru af
meiðslum eða öðrum líkamlegum
vandamálum. Það á líka alltaf að
vera hægt að biðja þjálfarann um að
aðlaga æfinguna við þitt hæfi.“
Dags hvíld milli æfinga er góð
Eðli máls samkvæmt er mismun-
andi hve mikla ákefð við sýnum í
ræktinni og það eru margir sem
verða helst að skella sér daglega á
æfingu. En er það raunhæft þegar
tabata er annars vegar? Guðný
hugsar sig um.
„Sem þjálfari finnst mér að taka
ætti dags hvíld inn á milli til að
stuðla að góðri endurheimt. Almennt
myndi ég segja að þrisvar til fjórum
sinnum í viku væri í lagi að stunda
tabata, en það fer að sjálfsögðu svo-
lítið eftir einstaklingnum hverju
sinni.“
Eins og jafnan í upphafi árs er
landinn vakinn og sofinn yfir áform-
um um að koma sér í hörkuform á
nýju ári. Af nægu er að taka og
Guðný Jóna kennir fjölmarga aðra
hóptíma og námskeið hjá Reebok
Fitness.
„Á nýju ári verð ég til dæmis með
námskeið sem heita Betra líf, sem er
meira hugsað fyrir byrjendur og svo
Betra form sem er námskeið fyrir þá
sem hafa stundað líkamsrækt í ein-
hvern tíma. Hóptímarnir sem ég
kenni eru frekar fjölbreyttir, eins og
þar má meðal annars nefna Zumba
fitness, Tabata/stöðvar, Bodycom-
bat, Hotbody, Trigger Point Pilates
og svo Trampólín Fitness.“
Andspænis öllu þessu framboði
ætti því lesendum að vera dagljóst
að afsakanir duga engar á árinu
2018!
Morgunblaðið/Hari
Átök Þátttakendur vinna ýmist með eigin líkamsþyngd eða áhöld við æfingarnar og fjölbreytileikinn er allsráðandi þar sem skiptast á átök og stutt hvíld.
Þjálfun „Í rauninni geta
þetta allir, já. Tímarnir
henta fyrir byrjendur
jafnt sem lengra komna
þar sem hver og einn
stjórnar sínu álagi,“
segir Guðný Jóna.