Morgunblaðið - 25.01.2018, Blaðsíða 50

MORGUNBLAÐIÐ FIMMTUDAGUR 25. JANÚAR 2018
Við á Matarvefnum lögðum því
nokkrar spurningar fyrir Söndru og
blikkuðum hana til að skella í lasagn-
að góða fyrir okkur.
Sandra segir að sér finnist hvað
skemmtilegast að elda sushi með
fjölskyldunni, hráefnismiklar súpur
og gufuofninn sé í miklu uppáhaldi.
„Mér finnst yndislegt að nota gufu-
ofninn minn fyrir grænmetið við öll
tækifæri því bragðið og áferðin er
himneskt. Nota hann næstum dag-
lega fyrir sætar kartöflur, brokkólí,
aspas eða rósakál.“
Hvað myndir þú aldrei borða?
„Ég nota ekkert próteinduft né
borða próteinstykki, þar sem ég
passa að fá nægilega mikið prótein úr
fæðunni. Svo forðast ég allan djúp-
steiktan mat og er lítið fyrir sósur.“
Sé fólk að reyna að taka upp holl-
ara líferni og mataræði bendir
Sandra á að hreint fæði sé lykilinn.
„Minnka sykur og borða eins
hreina fæðu og mögulegt er. Það er
gott að byrja á að breyta einhverju
sem þú getur breytt strax í dag.
Setja sér einföld markmið sem raun-
hæft er að ná og gleðast yfir því.
Ekki byrja á því að taka út það sem
þér finnst best heldur frekar það sem
þú getur verið án. Mikilvægt að
hugsa þannig að allar breytingar séu
til þess að öðlast betri lífsstíl en ekki
átak.“
Uppáhaldsveitingahús?
„Veitingahúsaflóran hefur stór-
aukist síðustu árin og það gleður mitt
félagslega hjarta. Við fjölskyldan
urðum þess heiðurs aðnjótandi að
búa í Barcelona fyrir nokkru og þar
hittust vinir ekki í heimahúsi heldur
á veitingastað. Þó að það tíðkist e.t.v.
ekki enn á Íslandi þá er aukin veit-
ingahúsaflóra skref í rétta átt, bæði í
verðlagi og öðrum flokkum.
Hversdagslega þykir mér gott að
fá mér sushi og þá myndi ég velja
Sushibarinn á Suðurlandsbraut eða
Sakebarinn á Laugavegi. Á tyllidög-
um væri það helst Snaps með vinkon-
unum eða jafnvel veitingahúsið í
Marshall-húsinu með eiginmann-
inum.“
Uppáhaldsléttvín?
Bollinger-kampavín er klassík en
yfirleitt læt ég mér nægja Cava sem
er Brut Nature (minni sykur) ef hita-
stigið fer yfir 10 gráður í sólinni. En
yfirleitt þykir mér gott að fá mér glas
af ljúfu Burgundar-rauðvíni yfir mat
eða eftir mat í skammdeginu. Þá
sjaldan sem maður lyftir sér upp.“
Ef þú værir forréttur, hvað værir
þú?
„Ensalada Caprese eða Buffalo
mozzarella. Í sinni einföldustu mynd
samanstendur rétturinn af ferskum
mozzarella-osti, tómötum, basilíku
og ólífuolíu en það er líka hægt að
finna sama rétt sem Burrata en þá
hefur mozzarella-osturinn verið
sprautaður með rjóma til að auka
fyllingu réttarins. Syndsamlega
gott.“
Ljúffengt lasagna
Tómatmassi
600-700 g brokkolí og blómkál. Brytja
smátt niður þannig að þetta sé eins og
nautahakk. Mínum börnum finnst það
betra.
2 krukkur niðursoðnir tómatar - forð-
ast tómatvörur úr áldósum.
2 litlar krukkur tómatpasta/
tómatpúrra - forðast tómatvörur úr ál-
dósum.
3 stk. hvítlauksgeirar, pressaðir í hvít-
laukspressu. Ég elska hvítlauk en það
má nota minna.
1 ½ msk. basilíka, þurrkuð eða fersk.
Klippi niður eina handfylli.
2 tsk. sjávarsalt.
Tómatmassinn soðinn loklaust í 30
mín. Ég er alltaf að prófa mig áfram
með tómatvörur. Prófaði núna sein-
ast vörurnar frá Himneskt en notaði
þá meira krydd.
Ostamassi
2-3 hrærð egg
2 stórar dollur kotasæla
½ bolli parmesan (meira heldur en
minna), rifið niður
2 msk. steinselja, þurrkuð eða fersk,
þá klippi ég niður eina handfylli
1 tsk. sjávarsalt
Pipar eftir smekk
Hræri öllu saman í skál.
Smyr eldfast mót með góðri hita-
þolinni olíu, núna er ég að nota avó-
kadóolíu. Tómatmassinn er aðeins
meiri en ostamassinn. Ég geri oftast
3 lög af tómatmassanum á móti 2 lög-
um af ostamassanum.
1 ½ pakki af lasagnaplötum, heilhveiti
eða grænar (spínat). Það er líka gott
að skera kúrbít (zukkini) í þunnar
sneiðar, þurrka í ofni við lágan hita og
nota í stað pastaplatna.
Sett saman
Lag af tómatmassa - raða lasagna-
plötum yfir - lag af ostamassa og svo
koll af kolli. Enda á tómatmassa.
Rifinn mozzarella-ostur yfir eftir
smekk.
Sett í ofninn í 45 mín. við 180°.
Gott að setja í ofninn fyrst í 15 mín.
með engan ost yfir og svo setja ost-
inn og aftur inn í 30 mín.
tobba@mbl.is
Lasagna og Fínar línur
Sandra Dögg Árnadóttir, sjúkraþjálfari, fyrrverandi
landsliðsþjálfari í áhaldafimleikum og fagstjóri hjá
Hreyfingu, er hafsjór af hollri þekkingu. Sandra
kennir einnig á nýju námskeiði í Hreyfingu um þessar
mundir. „Námskeiðið heitir Fínar línur og er krefjandi
æfingar með áherslu á miðjuna, kvið- og bakæfingar
og hefst á mánudag,“ segir Sandra sem ekki er að-
eins vinsæll þjálfari því hún er einnig listakokkur og
ku lasagnað hennar vera guðdómlegt.
Morgunblaðið/Árni Sæberg
Grænt og vænt Ferskt krydd gerir allan mat girnilegri og betri.
Hollt og gott Sandra er mikill meistari í eldhúsinu og vandar hráefnisvalið.
rauðlauk og chili, kórónaður með kókós-
eftir hátíðarmatinn.
gottimatinn.is. Uppskriftavefurinn er jafn
aðgengilegur í tölvunni, spjaldtölvunni og
snjallsímanum.
Hollustan hefst á gottimatinn.is
ferskur
fiskréttur