Morgunblaðið - 28.02.2018, Blaðsíða 10

Suðurlandsbraut 26 Sími: 587 2700
Opið 11-18 virka daga og 11-16 laugardaga. www.alno.is
10 FRÉTTIRInnlent
MORGUNBLAÐIÐ MIÐVIKUDAGUR 28. FEBRÚAR 2018
Baldur Arnarson
baldura@mbl.is
Sigurður Ingi Jóhannsson samgöngu-
ráðherra segir forgangsmál í komandi
vegaframkvæmdum að tryggja öryggi
á vegum. Til dæmis hringveginum.
Ráðherrann fór yfir fjárþörfina í
vegamálum á fundi ríkisstjórnarinnar
23. febrúar síðastliðinn.
„Það má segja að við séum að
tryggja að helstu leiðir séu öruggar.
Þá hvort sem er á höfuðborgar-
svæðinu, eða leiðir sem stækka svæð-
in sem fólk ekur um daglega vegna
vinnu. Við setjum það í forgang.“
Sigurður Ingi segir aðspurður að
miklir fjármunir muni fara í slíka
varnarbaráttu í vegamálum. Þann við-
haldshalla þurfi að vinna upp áður en
nýframkvæmdir eru auknar verulega.
Koma þurfi í veg fyrir að burðarlag
undir vegum eyðileggist. „Slit á veg-
um hefur auðvitað aukist. Við þurfum
að leggja mun meiri áherslu á viðhald
mannvirkja svo þau eyðileggist ekki.
Það er í forgangi.“
Heppilegt að nýta slakann
Sigurður Ingi segir forgangsröð í
vegamálum skýrast í sumar þegar
samgönguáætlun fer fyrir þingið og
fimm ára fjármálaáætlun verður birt.
Fram kom í Morgunblaðinu í gær
að hægt hefur á hagvextinum.
Sigurður Ingi segir aðspurður
þessa þróun fela í sér tækifæri.
„Menn hafa óttast þensluáhrif af
miklum framkvæmdum [vegna upp-
byggingar á innviðum]. Ég tel að slak-
inn feli í sér tækifæri til að auka veru-
lega framkvæmdir í samgöngumálum.
Það er hagkvæmara og skynsamlegra
fyrir hagsveifluna.“ Sigurður Ingi
vitnar svo í minnisblaðið sem hann
lagði fyrir ríkisstjórnina. Þar komi
meðal annars fram að enn séu 712 ein-
breiðar brýr. Þeim þurfi að fækka.
„Umferð hefur aukist gríðarlega.
Þetta er eitt af því sem þarf að vera í
forgangi varðandi umferðaröryggi.“
Grunnnetið kemur á undan
Þá kemur fram í minnisblaðinu að
tvöföldun nokkurra stofnbrauta við
höfuðborgarsvæðið kosti um 60 millj-
arða. Spurður hvort þeir fjármunir
séu til segir Sigurður Ingi að fyrst
þurfi að tryggja grunnetið kringum
landið. „Hér togast á sjónarmið um
hvernig nýta má fjármuni sem best og
hvernig raða á verkefnum út frá um-
ferðaröryggi og því að gera samgöng-
urnar skilvirkari. Umferðaröryggi
verður forgangsatriði í þeirri röð,“
segir Sigurður Ingi. Hann segir að-
spurður rætt um að næstu jarðgöng í
röðinni á eftir Vaðlaheiðargöngum
verði við Seyðisfjörð.
Fjárveitingar duga ekki
Samtök sveitarfélaga á höfuðborg-
arsvæðinu (SSH) og Vegagerðin
gerðu samkomulag um vegabætur
haustið 2016. Boðað var átak í viðhaldi
og endurnýjun gatna.
Birkir Hrafn Jóakimsson, verk-
efnastjóri hjá Vegagerðinni, segir
starfshóp hafa verið skipaðan um
verkefnið í febrúar 2017.
„Reynslan af störfum þessa hóps er
ekki mikil. Við hjá Vegagerðinni höf-
um sinnt því sem að okkur snýr í
markmiðum starfshópsins. Vegagerð-
in fékk auknar fjárheimildir til við-
halds á þeim hluta vegakerfisins sem
hún ber ábyrgð á. Umfang viðhalds á
hverju ári skyldi ráðast af fjárveit-
ingum. Þær hafa ráðið okkar viðhaldi
á bundnu slitlagi á höfuðborgar-
svæðinu,“ segir Birkir Hrafn.
Hann segir fjárveitingar vera
óbreyttar milli ára 2017 og 2018, eða
um 3,5 milljarðar króna fyrir landið
allt. Þar af fari um 1,6 milljarðar á
suðursvæðið og um milljarður á
höfuðborgarsvæðið. Suðursvæðið nær
allt austur á Jök-
ulsárslón. Þessar
fjárveitingar dugi
ekki til að vinna
upp viðhaldshall-
ann. Talning
Vegagerðarinnar
bendir til að um-
ferð hafi aukist
mikið og þá eink-
um á höfuðborg-
arsvæðinu.
Birkir Hrafn segir aðspurður fjár-
veitingar til viðhalds ekki hafa aukist í
takt við umferðina. Má rifja upp að
Hreinn Haraldsson vegamálastjóri lét
þau orð falla í samtali við Morgun-
blaðið nýverið að metumferð hefði
aukið á viðhaldshallann.
Birkir Hrafn segir aðspurður að
síðustu tvö ár hafi Vegagerðin aukið
kröfur á bik og steinefni í malbiki á
höfuðborgarsvæðinu. Reynsla síðustu
daga bendi til að þeir vegakaflar hafi
komið vel út úr vatnsveðrinu.
Fóru illa í umhleypingunum
Ámundi Brynjólfsson, skrifstofu-
stjóri framkvæmda og viðhalds hjá
umhverfis- og skipulagssviði borg-
arinnar, segir borgina setja um 2
milljarða í malbikun gatna í ár. Það
sé hærri upphæð en nokkru sinni.
„Við ætlum að setja 2 milljarða í
malbikunarframkvæmdir á borgar-
götum í ár. Þær eru alls um 420 kíló-
metrar. Við erum að endurleggja
malbik á sem svarar rúmlega 10%
gatna borgarinnar, eða um 43 km.
Talið er eðlilegt að endurnýjunar-
þörfin sé 5-6% af heildinni. Við erum
að endurnýja 10% í ár og því fyrir of-
an það sem kalla má sjálfbærni í
gatnakerfinu.“
Ámundi telur aðspurður þetta duga
til að vinna upp viðhaldshallann.
„Við teljum að eftir þetta ár getum
við aftur dregið úr framkvæmdum og
haldið gatnakerfinu í góðu horfi með
því að endurnýja sem svarar 5-6% af
heildinni ár hvert eftir það.“
Spurður um áhrif umhleypinga síð-
ustu daga á vegakerfið segir Ámundi
það „gerast eins og ýtt sé á takka að
holurnar verða til“ í götum borgar-
innar. „Þetta gerist ótrúlega hratt við
svona aðstæður. Vegagerðin er að
lenda í þessu sama. Á þjóðvegum má
sjá hvernig malbikið nánast spænist
upp við þessar aðstæður.“
Ámundi segir aðspurður að hjólför
séu fyrst og fremst vandamál á þjóð-
vegum á höfuðborgarsvæðinu. Þeir
vegir heyri undir Vegagerðina. Hjól-
förin séu minna vandamál á borgar-
götum. „Við erum búin að lagfæra
stærstu göturnar hjá okkur.“
Nýframkvæmdir aftar í röðina
 Samgönguráðherra segir í forgangi að hindra frekari skemmdir á vegakerfinu umhverfis landið
 Jarðgöng við Seyðisfjörð næst í röðinni  Vegagerðin þarf meira í viðhald á höfuðborgarsvæðinu
Fjárþörf og framlög til vegagerðar
Kostnaðarliður Milljarðar kr.
Samtals viðhald, nýframkvæmdir
og uppsöfnuð framkvæmdaþörf
Framlög til nýframkvæmda í ár 11,7
Fjárveitingar til viðhalds vega 2017 8
Fjárþörf vegna viðhalds vega 10 til 11
Uppsöfnuð viðhaldsþörf 65
Bundið slitlag, 5.500 km vega
Árleg viðhaldsþörf 2,8
Uppsöfnuð þörf vegna viðhalds 11,3
Fjárheimild ársins 2017 til viðhalds 4
Tvöföldun stofnleiða
til og frá höfuðborgarsvæðinu
Reykjanesbraut, Suðurlandsvegur
og Vesturlandsvegur um Kjalarnes 60
Kostnaðarliður Milljarðar kr.
Styrkingar og endurbætur vega
Árleg þörf 3
Uppsöfnuð þörf 50
Fjárheimild ársins 2017 1,3
Malarvegir
Árleg viðhaldsþörf 1,3
Uppsöfnuð viðhaldsþörf að lágmarki 2
Brýr
Kostnaður við endurnýjun** 71,5
Árleg viðhaldsþörf 1,4
Þjónusta við vegakerfið
Árlegur kostnaður 5
Þar af kostnaður við vetrarþjónustu 3
Nokkrir útgjaldaliðir vegna vegagerðar 2017
Framlög til vegagerðar og akstur á þjóðvegum 1990 til 2017*
**Um 35% brúa eru eldri en 50 ára og því komin mikil þörf á endurnýjun. Endurstofnverð brúnna er 71,5 milljarðar kr.
Heimild: Staða vegamála og mat á útgjaldaþörf. Kynnt á ríkisstjórnarfundi 23. febrúar 2018.
2,0%
1,5%
1,0%
0,5%
0%
4
3
2
1
0
’90 ’93 ’96 ’99 ’02 ’05 ’08 ’11 ’14 ’17*
Framlög sem hlutfall af landsframleiðslu Milljarðar km
*Spá Hagstofu um
landsframleiðslu 2017
Sigurður Ingi
Jóhannsson
Morgunblaðið/Hari
Holurnar fylltar Götur borgarinnar skemmdust í umhleypingunum. Holurnar hafa skemmt mörg ökutæki.
Birkir Hrafn
Jóakimsson
Ámundi
Brynjólfsson
Björn Leví Gunn-
arsson, þingmað-
ur Pírata, hefur
sent öllum ráð-
herrum ríkis-
stjórnarinnar
fyrirspurn þar
sem hann óskar
eftir upplýs-
ingum um ráð-
herrabíla og -bíl-
stjóra. Óskar
hann meðal annars eftir því að fá að
vita hvaða lög og reglur kveði á um
afnot ráðherra af ráðherrabílum í
starfi annars vegar og utan starfs
hins vegar.
Þingmaðurinn spyr einnig að því
hvort hlunnindamat vegna notk-
unar ráðherra á ráðherrabílum
hafi verið gert. Ef svo sé, hvert sé
þá hlunnindamatið og á hvaða for-
sendum sé það byggt. Þá vill hann
fá að vita hvort ráðherrar haldi
akstursdagbók og hvort hún sé yf-
irfarin og það metið hvenær bíllinn
er notaður í embættiserindum og
hvenær í einkaerindum.
Vill upplýsingar um
notkun ráðherrabíla
Björn Leví
Gunnarsson