Morgunblaðið - 28.02.2018, Blaðsíða 11
FRÉTTIR 11Innlent
MORGUNBLAÐIÐ MIÐVIKUDAGUR 28. FEBRÚAR 2018
SVIÐSLJÓS
Höskuldur Daði Magnússon
hdm@mbl.is
Aðeins sjö af núverandi borgar-
fulltrúum í Reykjavík hafa tekið sæti
á lista fyrir borgarstjórnarkosning-
arnar í vor. Það er því útlit fyrir
mikla endurnýjun í borgarstjórn að
afloknum kosingum, enda verður
borgarfulltrúum fjölgað úr 15 í 23.
Minnst 16 nýir fulltrúar munu taka
sæti í borgarstjórn, nái þessir sjö-
menningar allir kjöri, en annars
fleiri.
Dagur B. Eggertsson borgarstjóri
er eini oddvitinn frá því í síðustu
borgarstjórnarkosningum sem býð-
ur sig fram að nýju. Sigurður Björn
Blöndal mun ekki bjóða sig fram fyr-
ir Bjarta framtíð, Sóley Tómasdótt-
ir, oddviti VG, hætti á kjörtímabilinu
og Líf Magneudóttir tók hennar
sæti, Halldór Halldórsson, oddviti
Sjálfstæðisflokks, býður sig ekki
fram og sama gildir um Halldór Auð-
ar Svansson Pírata og Sveinbjörgu
Birnu Sveinbjörnsdóttur, oddvita
Framsóknar og flugvallarvina.
Mest endurnýjun hefur orðið á
lista Sjálfstæðisflokksins. Marta
Guðjónsdóttir, sem situr í fimmta
sæti, er eini núverandi borgar-
fulltrúinn í framboði en hún kom inn
sem varamaður á kjörtímabilinu.
Eyþór Arnalds skipar efsta sætið en
með honum er blanda af ungu fólki
og fólki sem hefur látið til sín taka í
hverfafélögum flokksins. Efstu fimm
menn hjá Samfylkingu eru allt sitj-
andi borgarfulltrúar, en röð þeirra
hefur breyst frá síðustu kosningum.
Hjá Vinstri-grænum skipar Elín
Oddný Sigurðardóttir annað sætið,
en hún hefur verið varaborgar-
fulltrúi á kjörtímabilinu. Báðir borg-
arfulltrúar Framsóknarflokksins,
sem ekki kennir sig lengur við flug-
vallarvini, eru horfnir á braut. Í efsta
sætinu situr Ingvar Mar Jónsson
sem verið hefur varaborgarfulltrúi.
Vigdís Hauksdóttir, fyrrverandi al-
þingismaður, mun sem kunnugt er
leiða lista Miðflokksins.
Alls hafa ellefu flokkar boðað að
þeir bjóði fram í vor. Auk flokkanna
sex sem eiga fulltrúa í borgarstjórn
mun Alþýðufylkingin bjóða fram á
ný og við bætast fjórir nýir; Viðreisn,
Flokkur fólksins, Miðflokkurinn og
Sósíalistaflokkur Íslands.
Þorgerður Katrín Gunnarsdóttir,
formaður Viðreisnar, segir að listi
flokksins ætti að liggja fyrir í fyrstu
eða annarri viku marsmánaðar. „Nú
er uppstillingarnefnd að störfum,
hún var að byrja og er að tala við
fólk,“ segir hún.
Meðal þeirra sem orðaðir hafa
verið við framboð fyrir Viðreisn í
borginni er Pawel Bartosek, fyrrver-
andi þingmaður flokksins. Þá hefur
því verið fleygt að rætt hafi verið við
Áslaugu Friðriksdóttur um að vera
oddviti flokksins. „Áslaug er frábær
manneskja en ég get ekkert sagt um
þetta. Listinn er í höndum uppstill-
ingarnefndar,“ segir Þorgerður
Katrín.
Búast má við tíðindum af framboði
Alþýðufylkingarinnar á næstu dög-
um en borgarmálastefnuskrá flokks-
ins verður lögð fram á aðalfundi hinn
6. mars. Björt Ólafsdóttir, formaður
Bjartrar framtíðar, sagði í samtali
við Morgunblaðið að tíðinda væri að
vænta af framboðsmálum flokksins á
næstu dögum. Píratar halda próf-
kjör dagana 19.-26. mars. Ekkert
hefur frést af framboðslistum Sósíal-
istaflokks Íslands og Flokks fólks-
ins.
Minnst sextán nýir
borgarfulltrúar í vor
11 framboð berjast um 23 sæti í borgarstjórn Reykjavíkur
Mikil endurnýjun fyrir höndum í borgarstjórn Reykjavíkur
Núverandi borgarstjórn, 15 borgarfulltrúar
Efstu menn á framboðslistum sem fram eru komnir
8 nýir
borgarfulltrúar
eftir fjölgun í
borgarstjórn í 23
Ekki í kjöri í
kosningunum 26. maí
Sjálfstæðisflokkur
1. Eyþór
Arnalds
2. Hildur Björnsdóttir
3. Valgerður
Sigurðardóttir
4. Egill Þór Jónsson
Samfylking
1. Dagur B.
Eggerts-
son
2. Heiða Björg Hilmis-
dóttir
3. Skúli Helgason
4. Kristín Soffía Jóns-
dóttir
Vinstri græn
1. Líf
Magneu-
dóttir
2. Elín Oddný
Sigurðardóttir
3. Þorsteinn V. Einarsson
4. Hreindís Ylfa
Garðarsdóttir Holm
Framsóknarflokkur
1. Ingvar
Mar Jóns-
son
2. Snædís Karlsdóttir
3. Ásthildur Lóa
Þórsdóttir
4. Hjördís Guðný Guð-
mundsdóttir
Miðflokkurinn
1. Vigdís
Hauks-
dóttir
2. Vilborg Hansen
3. Baldur Borgþórsson
4. Sveinn Hjörtur
Guðfinnsson
? ?
? ?
? ?
? ?
Dagur B.
Eggertsson
borgarstjóri
Hjálmar
Sveinsson
Kristín Soffía
Jónsdóttir
Skúli
Helgason
Heiða Björg
Hilmisdóttir
Sigurður Björn
Blöndal
Elsa Hrafnhildur Yeoman
Líf
Magneu-
dóttir
Halldór
Auðar
Svansson
Sveinbjörg B.
Sveinbjörnsdóttir
Guðfinna Jóh.
Guðmundsdóttir
Halldór
Halldórsson
Kjartan
Magnússon
Áslaug María
Friðriksdóttir
Marta
Guðjónsdóttir
S
S
S
S
S
D
D
D
D
B
B
PV
A
A
Morgunblaðið/Árni Sæberg
Borgarstjórn Mikil endurnýjun verður í borgarstjórn Reykjavíkur í vor.
Aðeins sjö sitjandi borgarfulltrúar verða í framboði að óbreyttu.
Mikil endurnýjun
í kortunum
» Borgarfulltrúum í Reykjavík
verður fjölgað úr 15 í 23.
» Aðeins sjö sitjandi borg-
arfulltrúar eru í framboði og
því koma minnst 16 nýir inn.
» Ellefu flokkar hafa boðað
framboð í vor.
» Sveitarstjórnarkosningar
fara fram laugardaginn 26. maí
næstkomandi.
Atvinnublað alla laugardaga
mbl.is
ER ATVINNUAUGLÝSINGIN
ÞÍN Á BESTA STAÐ?
Kókosjógúrt
Ástæða þess að þú átt að velja lífræna jógúrt:
Lífrænar
mjólkurvörur
• Engin aukaefni
• Meira af Omega-3
fitusýrum
• Meira er af CLA
fitusýrum sem byggja
upp vöðva og bein
• Ekkert undanrennuduft
• Án manngerðra
transfitusýra
www.biobu.is
HVAÐ HENTAR
ÞÍNU STARFSFÓLKI?
Hjá okkur færðu ljúffengan mat
úr fyrsta flokks hráefni.
• Fjölbreytta rétti úr fiski, kjöti og grænmeti.
• llmandi og nýbökuð brauð, rík af korni og fræjum.
• Gómsætar súpur, lagaðar með hollustu að leiðarljósi.
• Brakandi fersk salöt og ávexti.
• Við komum til móts við ykkar óskir
kryddogkaviar.is
kryddogkaviar@kryddogkaviar.is
Sími 515 0702 og 515 0701
Flutningur læknastofu
Læknastofa mín á Melhaga
hefur flutt í Domus Medica, Egilsgötu 3,
101 Reykjavík, sími 563 1000.
Árni Tómas Ragnarsson, læknir.
Sérgrein: Gigtlækningar.