Morgunblaðið - 28.02.2018, Side 12
12 DAGLEGT LÍF
MORGUNBLAÐIÐ MIÐVIKUDAGUR 28. FEBRÚAR 2018
Er minni þjónusta
meiri þjónusta?
Þegar þú ferð á bensínstöðina þarftu að dæla á bílinn þinn sjálf/sjálfur því búið er að útrýma
bensínafgreiðslumönnum. Þegar þú ferð í bankann mæta þér bankastarfsmenn sem reyna að
beina þér framhjá öðrum bankastarfsmönnum að sjálfsafgreiðsluvélum. Þegar þú kemur á
flugvöllinn er til þess ætlast að þú tékkir þig inn í sjálfsafgreiðsluvélum. Í framtíðinni er lík-
legt að verslunareigendur reyni að beina þér að sjálfsafgreiðsluvélum í stað þess að fá þjón-
ustu hjá kassafólki. Og senn munu bílstjórar víkja af götunum fyrir sjálfvirkum ökutækjum.
Valgerður Þ. Jónsdóttir
vjon@mbl.is
Hér til hliðar er ekkiað öllu leyti verið aðlýsa fjarlægri fram-tíðarsýn, heldur
samtíma. Með tækninýjungum
geta atvinnurekendur sparað
sér kostnað og fækkað starfs-
fólki. Við gamalgrónu hlutverki
taka vélar – og oft viðskiptavin-
urinn sjálfur.
Margir velta því fyrir sér
hvort þessi nýi veruleiki sé að-
laðandi, hvort mannleg sam-
skipti séu ekki nú þegar á nógu
miklu undanhaldi með tilkomu
snjalltækja og samskiptamiðla.
Og hvort mannlífið fari að snú-
ast mest um samskipti við vélar
frekar en annað fólk.
Þeir sem bjóða upp á vörur
og þjónustu halda því fram að
þessi þróun sé ekki aðeins óum-
flýjanleg heldur sé hún neyt-
endum til hagsbóta – aukin
þjónusta. Ekki kokgleypa allir
slíkar staðhæfingar, heldur
spyrja á móti hvernig aukin
þjónusta geti falist í meiri fyrir-
höfn fyrir viðskiptavininn. Og
segja jafnframt að neytendur
séu einfaldlega ofurseldir sókn
fyrirtækjanna til sífellt meiri
sparnaðar og hagnaðar. Þegar
öllu sé á botninn hvolft haldi
fyrirtækin að okkur þeirri
blekkingu að verri þjónusta sé
betri þjónusta.
Öll erum við neytendur,
tónlistarmaðurinn, fram-
kvæmdastjóri Neytenda-
samtakanna, alþingismaðurinn
og framkvæmdastjóri stærstu
matvörukeðju landsins – hvað
finnst þeim?
1. Hver er þín reynslaaf aukinni vélvæðingu
og sjálfsafgreiðslu í
þjónustu og viðskiptum?
2. Telur þú að framfar-ir felist í þessari þró-
un eða afturför og þá
hvers vegna?
3. Hvernig líst þér áþá framtíðar- og
jafnvel samtíðarsýn að
mannleg samskipti víki
fyrir samskiptum við
vélar og öpp?
Ljósmynd/Getty Images
Tómstundadagurinn 2018, sem
skipulagður er af námsbraut í tóm-
stunda- og félagsmálafræði við
Menntavísindasvið Háskóla Íslands,
er haldinn kl. 10-13.30 í dag, miðviku-
daginn 28. febrúar, í húsnæði
Menntavísindasviðs í Stakkahlíð.
Markmiðið er að taka fyrir aðkallandi
málefni sem varpa ljósi á mikilvægi
tómstunda og tengjast velferð og
lífsgæðum fólks.
Viðburðurinn er haldinn í samstarfi
við Stígamót og snýr að verkefninu
#sjúkást. Tekin verða fyrir ýmis mál-
efni unglinga sem varða heilbrigð og
óheilbrigð ástar-, vina- og fjölskyldu-
sambönd í því skyni að veita fagfólki
og þeim sem koma að daglegu lífi
unglinga aukna þekkingu á málefn-
inu.
Fyrir hlé verða flutt eftirfarandi er-
indi: Ertu sjúklega ástfanginn eða
ertu „sjúklega“ ástfanginn?, Upp-
lifun unglinga á samböndum og Hin-
segin börn og ungmenni: Hvað þurfa
þau sem starfa með ungu fólki að
hafa í huga?
Eftir hlé eru málstofur þar sem
m.a. verður fjallað um ungt fólk, klám
og kynlíf og kynferðisofbeldi í ung-
lingssamböndum. Loks verður leitað
svara við spurningunni af hverju við
getum ekki bara verið næs. Aðgangur
er ókeypis og allir eru velkomnir.
Tómstundadagurinn 2018 tengist verkefninu #sjúkást
Heilbrigð og óheilbrigð ástar-, vina-
og fjölskyldusambönd unglinga
Morgunblaðið/Eggert
Lífsgæði Markmið Tómstundadagsins er að taka fyrir aðkallandi málefni sem
varpa ljósi á mikilvægi tómstunda og tengjast velferð og lífsgæðum fólks.
Eirvík flytur heimilistæki inn
eftir þínum séróskum
Suðurlandsbraut 20, Reykjavík, sími 588 0200, eirvik.is