Morgunblaðið - 31.03.2018, Side 10

10 FRÉTTIRInnlent
MORGUNBLAÐIÐ LAUGARDAGUR 31. MARS 2018
SVIÐSLJÓS
Magnús Heimir Jónasson
mhj@mbl.is
Sala á nýju þjónustuíbúðunum hjá
Mörkinni ehf., sem eru í eigu dvalar-
og hjúkrunarheimilsins Grundar, hef-
ur farið mjög vel af stað. Af þeim 74
íbúðum sem fóru í sölu við Suður-
landsbraut 68 til 70 eru einungis 20
eftir. Upphaflega opnaði Grund 78
þjónustuíbúðir að Suðurlandsbraut
58 til 62 og nú hefur verið bætt við 74
íbúðum að Suðurlandsbraut 68 til 70.
Gísli Páll Pálsson, framkvæmda-
stjóri íbúða eldri borgara hjá Mörk
ehf., segir í samtali við Morgunblaðið
að um leið og fyrstu íbúðirnar voru
tilbúnar hafi verið ákveðið að fara af
stað með fleiri íbúðir enda voru 200
manns komnir á biðlista.
„Fyrstu íbúðirnar voru leigðar út
2010 og í raun var það fljótlega upp
úr 2013 sem það byrjaði að myndast
biðlisti eftir íbúðum. Við fórum strax
af stað við að undirbúa málið og erum
núna 5 árum seinna að taka nýju
íbúðirnar í notkun,“ segir Gísli.
Íbúar á aldrinum 60 til 94 ára
Þjónustuíbúðirnar eru aðgengileg-
ar fyrir alla sem eru eldri en 60 ára,
en að sögn Gísla eru flestir íbúarnir á
aldursbilinu 70 til 80 ára. Hins vegar
sé aldur íbúa á bilinu 60 til 94 ára.
Þeir eldri borgarar sem flytja í Mörk-
ina hafa fjárfest í íbúðunum að hluta
til og kaupir fólk um 30% hlut í íbúð-
unum á rúmlega 11 milljónir króna.
Þá er heildargreiðsla á mánuði eftir,
en það eru um 200 þúsund krónur,
segir Gísli. „Það er afnotagjald fyrir
þau 70% sem fólk kaupir ekki, þjón-
ustugjald og hússjóðurinn. Þetta fer
síðan upp í 16 milljónir og 250 til 260
þúsund fyrir stærri íbúðirnar.“
Mikil ánægja með verktakann
ÞG verk ehf. sá um byggingu á
þjónustuíbúðunum og er Gísli afar
ánægður með samstarfið. „ÞG verk
er alveg hreint feikigóður verktaki.
Ég gæti ekki hugsað mér betri sam-
starfsaðila og verktaka í svona hlut-
um. Það stendur allt eins og stafur á
bók, það sem var samið um, og svo er
þetta afskaplega vandað verk hjá
þeim. Erfitt að finna að verkinu. Eft-
irlitsmaðurinn okkar kvartar yfir því
að það sé ekkert hægt að setja útá,“
segir Gísli og hlær við. Hann hefur
litlar áhyggjur af þeim 20 þjón-
ustuíbúðum sem á eftir að selja en
hingað til hefur ekki þurft að auglýsa
íbúðirnar því aðsóknin hefur verið
það mikil. „Þær íbúðir sem eru eftir,
eru langflestar á jarðhæð. Það virðist
vera þannig að fólk virðist frekar vilja
vera á efri hæðunum. En það er ekki
hægt að sleppa að vera með jarðhæð í
svona húsum. Það er sama reynsla
hinum megin þá fóru íbúðirnar á jarð-
hæð seinast,“segir Gísli. „Þegar þess-
ar íbúðir verða komnar í notkun, þá
fréttist að það sé verið að selja íbúðir.
Ég hef engar áhyggjur af að þessar
20 íbúðir fari ekki á næstu 3 -4 vikum.
Við ætlum ekki að auglýsa í bili því
það er verið að spyrja um þessar
íbúðir“.
Víðtæk þjónusta fyrir íbúa
Mörkin ehf. býður upp á víðtæka
þjónustu fyrir íbúa. Starfandi hjúkr-
unarfræðingar í Mörk veita viðtal eft-
ir samkomulagi ásamt því að veita
ýmsa ráðgjöf og þjónustu s.s. sjá um
sáraskiptingar og blóðþrýstingsmæl-
ingar svo dæmi séu tekin. Þá eru
einnig sjálfstætt starfandi sjúkra-
þjálfarar sem bjóða uppá sjúkraþjálf-
un fyrir íbúa sem hafa tilvísun frá
lækni. Einnig stendur íbúum til boða
að taka þátt í hópleikfimi undir stjórn
sjúkraþjálfara. Þá hafa íbúar aðgang
að sundlaug í Mörkinni sem er stað-
sett í Suðurlandsbraut 58 til 62 ásamt
heitum potti, gufubaði og fullbúinni
líkamsræktaraðstöðu. Iðjuþjálfun
hefur umsjón með félagsstarfi fyrir
íbúana og á þeirra vegum eru reglu-
leg harmonikkuböll og bíó-sýningar í
húsinu ásamt árlegum viðburðum á
borð við Woodstock-hátíð, páska-
bingó, heimsókn frá Fornbílaklúbbn-
um, Fiskidaginn litla, Októberfest og
réttardag.
Þá er einnig að finna fullbúna
gestaíbúð á Suðurlandsbraut 6 sem
íbúar geta leigt í skamman tíma fyrir
aðstandendur sína sem koma t.d. ut-
an af landi eða frá útlöndum.
Eldri borgarar sækja í Mörkina
 74 þjónustuíbúðir hjá Mörkinni ehf. settar á sölu  50 íbúðir seldust hratt, þar af 10 í liðinni viku
 Um 200 eldri borgarar voru á biðlista eftir íbúðum  Íbúum í Mörkinni veitt fyrsta flokks þjónusta
Ljósmynd/Mörkin ehf.
Suðurlandsbraut 68 til 70 Dvalar- og hjúkrunaheimilið Grund á íbúðirnar. Aldraðir sýna þeim mikinn áhuga.
FREKARI UPPLÝSINGAR
I S AV I A . I S/ V E I T I N G A R E K S T U R
Ú T B O Ð Á A Ð S T Ö Ð U U N D I R
V E I T I N G A R E K S T U R Í F L U G S T Ö Ð
L E I F S E I R Í K S S O N A R Á
K E F L A V Í K U R F L U G V E L L I
Isavia leitar að aðilameð góða reynslu af veitingarekstri og hefur
yfir að ráða vörumerki sembýður upp á afgreiðslu ámat úr fersku
hráefni á innan við tveimurmínútum. Gerð er krafa um að viðkom-
andi bjóði upp á pítsur í sneiðum, fersk salöt o.fl.
Staðsetning: 2. hæð í suðurbyggingu
Flugstöðvar Leifs Eiríkssonar
Samningstími: Fjögur ármeðmöguleika
á tveggja ára framlengingu
Nánari upplýsingarmá nálgast í útboðslýsingu sem
er aðgengileg á útboðsvef Isavia.
V I Ð S K I P T A T Æ K I F Æ R I Á K E F L A V Í K U R F L U G V E L L I :
G E T U R Þ Ú E L D A Ð F Y R I R
M I L L J Ó N I R FA R Þ EG A ?