Morgunblaðið - 31.03.2018, Blaðsíða 53

DÆGRADVÖL 53
MORGUNBLAÐIÐ LAUGARDAGUR 31. MARS 2018
Stjörnuspá
21. mars - 19. apríl 
Hrútur Þú verður að læra að viðurkenna
mistök þína og síðan vilja leiðrétta þau eftir
fremsta megni. Þú þarft að leysa fjárhags-
lega flækju sem upp hefur komið.
20. apríl - 20. maí 
Naut Þú átt erfitt með að sjá hlutina í skýru
ljósi í dag og því er hætt við ruglingi og mis-
skilningi. Atlaga frá vini setur þig úr jafnvægi
í dag.
21. maí - 20. júní 
Tvíburar Þótt þú sjáir ekki alla hluti fyrir er
ástæðulaust að sitja með hendur í skauti. Ef
þú getur unnið og verið hamingjusamur um
leið, skaltu ekki sættast á neitt minna.
21. júní - 22. júlí 
Krabbi Þetta er góður dagur til þess að fjár-
festa í áætlunum eða verkefnum sem líklegt
er að skila muni arði í framtíðinni. Ekki láta
skoðanir annarra koma þér á óvart.
23. júlí - 22. ágúst 
Ljón Ef ágreiningur rís upp meðal fjölskyldu-
meðlima þarf að komast að málamiðlun.
Gættu þess þó að þú gangir ekki of nærri
sjálfri/sjálfum þér í þeim efnum.
23. ágúst - 22. sept. 
Meyja Þér gæti fundist þyngd heimsins vera
að kremja þig ef þú heldur að þú sért einn að
bera hann uppi. Ekki hafa neinar áhyggjur því
það birtir um síðir.
23. sept. - 22. okt. 
Vog Ýmsir nýir möguleikar opnast þér, en þú
þarft að sýna mikinn sveigjanleika til þess að
nýta þér þá til fulls. Taktu af skarið þegar
rétti tíminn er kominn.
23. okt. - 21. nóv.
Sporðdreki Vænleg tækifæri bíða þín og þú
skalt ekki hika við að grípa þau sem þér líst
best á. Vertu raunsær og gríptu gæsina þeg-
ar hún gefst.
22. nóv. - 21. des.

Bogmaður Margar forvitnilegar hugmyndir
rekur á fjörur þínar þessa dagana. Notaðu
tækifærið og segðu þeim sem stendur hjarta
þér næst hug þinn.
22. des. - 19. janúar 
Steingeit Láttu það eiga sig að stjórnast í
öðru fólki því þú átt fullt í fangi með að hafa
stjórn á sjálfum þér. Leitaðu jafnvægis þann-
ig að vinir og samstarfmenn séu sáttir við
þig.
20. jan. - 18. febr. 
Vatnsberi Samræður við stjórnendur, for-
eldra og yfirboðara eru beinskeyttar og ákaf-
ar í dag. Láttu þetta ekki ergja þig heldur
haltu bara þínu striki.
19. feb. - 20. mars

Fiskar Þú ert að velta því fyrir þér hvað þú
viljir gera í framtíðinni. Þér er nauðsynlegt að
brydda upp á einhverju nýju til þess að gefa
lífinu lit.
Víkverji tók eftir því að einhverjirmöguleikar voru í boði fyrir fólk
að nálgast matvæli í gær. Á heildina
litið er töluverður afgreiðslutími í
matvörubúðum yfir þessa daga sem
flokkast undir páskadagana.
x x x
Margar búðir voru þó lokaðar ígær en þó ekki þannig að allt
væri lokað og læst eins og tíðkaðist á
þessum degi á árum áður. Þegar við
Íslendingar erum farnir að selja út-
lendingum ferðir hingað í stórum stíl
þá gengur auðvitað ekki að stórmál sé
fyrir erlenda gesti að nálgast mat-
væli.
x x x
Nú kann að vera að í verkalýðs-hreyfingunni megi heyra mál-
flutning um að einhvern tíma þurfi
verslunarfólk að fá frí. Þá verða fyr-
irtækin og stéttarfélög sem málið
snertir að finna lausn á því. Ekki er
lengur boðlegt að mikill fjöldi er-
lendra gesti komi að læstum dyrum á
dögum sem ákveðið hefur verið að
séu hátíðisdagar í tengslum við trúar-
brögð.
x x x
Á skírdag mátti glögglega sjá á höf-uðborgarsvæðinu að margir nota
þann dag til að gera innkaup fyrir
páskana. Fjölda fólks mátti þá sjá í
matvöruverslunum en margir íbúar
höfuðborgarsvæðisins voru þó farnir
út á land til að eyða þar páskunum.
x x x
Víkverji varð var við auglýsingu fráMelabúðinni þar sem minnt var á
ostaúrvalið. Víkverji kíkti við og varð
ekki fyrir vonbrigðum. Þau sem að
búðinni standa eru þekkt fyrir metn-
að og engu var logið um að osta-
úrvalið var umfangsmikið. Víkverji
fór ekki tómhentur út og þarf nú að
finna heppilegt rauðvín til að sötra
með ostunum.
x x x
Þessar línur virka ef til vill eins ogauglýsing en það er svo sem ekki
hugsunin á bak við þær. Enda er
óvíst að starfsfólk búðarinnar ráði við
meiri ös því margt var um manninn í
búðinni eins og oft áður. Húsrými
leyfir ekki mikið fleiri kúnna.
vikverji@mbl.is
Víkverji
Annan grundvöll getur enginn lagt
en þann sem lagður er, sem er Jesús
Kristur. (Fyrra Korintubréf 3.11)
Gátan er sem endranær eftirGuðmund Arnfinnsson:
Heilagleika hér er staður.
Í hönd nú þessi dagur fer.
Sannheilagur sá er maður.
Svæði líka friðlýst er.
Guðrún Bjarnadóttir svarar:
Hof eru gjarnan helgistaðir.
Helgidagur nú er víst.
Ólafur helgi, herra, faðir.
Helgustaðanám friðlýst.
Helgi Seljan leysir gátuna
þannig:
Helgistaði hér má finna
helgidögum fjölgar brátt.
Helgi Þorláks klárt mun kynna
kveða um friðarhelgina átt.
Þessi er lausn Helga R. Einars-
sonar:
Ég trúgjarn maður ekki er
þó allri synd ég hafni,
en lausnarorðið leynist hér
og líkist mínu nafni.
(Helgi)
Sjálfur skýrir Guðmundur gát-
una þannig:
Heilög kirkja er helgistaður.
Að helgi brátt nú líða fer.
Helgi víst er helgur maður.
Helgi friðlýst svæði er.
Þá er limra:
Á Tindum býr Gissur glaði,
á Gullberastöðum hann Daði,
á Brimnesi Varði
og Barði í Garði,
en Helgi á Hólmavaði.
Og ný gáta eftir Guðmund:
Daginn lengir smátt og smátt,
smýgur birtan inn um gátt,
glæðir fjör og gefur mátt,
gátu sem ég á minn hátt:
Efst á tré það tróna sá.
Telst það fjalli byrjun á.
Með því bagga binda má.
Brúnka sveiflar til og frá.
„Þei, þei og ró, ró“ sagði Sig-
mundur Benediktsson á Leir á
þriðjudagsmorgun:
Óþarft mun að eigra meir
eða leita dreggja,
það er stafalogn á leir
en lurkur utan veggja.
Bensa Þór könnuðust allir Reyk-
víkingar við og sagðar sögur af
honum. Um hann var kveðið:
Blessaður veri Ben. S. Þór
björg sem þyrstum veitir næga,
því hann selur Betels-bjór
og brennivínið þjóðarfræga.
Halldór Blöndal
halldorblondal@simnet.is
Vísnahorn
Mörg er helgin
Í klípu
„ÞETTA ER „MOLTARINN“. MJÖG
VINSÆLL HJÁ UMHVERFISVÆNA
FÓLKINU.“
eftir Mike Baldwin eftir Jim Unger
„OG NÚ KEMUR STUTT AUGLÝSINGAHLÉ…“
Hermann
Ferdinand
Hrólfur hræðilegi
Grettir
... þegar hann kemur
fram við þig eins og þú
sért konungborin.
HVAÐ SVO SEM ANNAÐ
ORÐ YFIR LETI ER
ÞÚ ERT HEPPIN AÐ ÞÚ BÝRÐ EKKI
Í MÍNUM HEIMI… ALLIR DAGAR
ERU HÆTTULEGIR!
JÁ,
HEPPIN ÉG!
SUMIR KALLA ÞETTA
LETI. ÉG KALLA ÞETTA…
Verið velkomin í verslun okkar
Opið virka daga kl. 8:30–17:00
Síðumúli 16 I 108 Reykjavík I Sími 580 3900 I fastus.is Veit á vandaða lausn
fastus.is
PRÓTEINRÍKIR
NÆRINGARDRYKKIR
Fastus býður uppá fjölbreytt úrval af næringarvörum fyrir þá sem þurfa
næringarviðbót og fá ekki næringarþarfir sínar uppfylltar úr fæðinu.