Morgunblaðið - 31.03.2018, Blaðsíða 2

2 FRÉTTIRInnlent
MORGUNBLAÐIÐ LAUGARDAGUR 31. MARS 2018
ÞINGVELLIR – Heiðarbær
Sérlega notalegt, fallegt og veglegt 4ra
herbergja sumarhús á einni hæð með
glæsilegu útsýni yfir Þingvallavatn. Húsið
var endurbyggt árið 2008 og er mjög
skemmtilega skipulagt. Húsið stendur
á mjög rólegum stað á leigulóð í eigu
ríkisins í u.þ.b. 30 mín. akstursfjarlægð
frá Reykjavík.
Framhjá húsinu rennur Móakotsá.
Útsýninu frá húsinu má líkja við málverk
sem skiptir litum á hverjum degi. Sjón er
sögu ríkari!
Herbergi: 4
Stærð: 83 fm.
Endurbyggt: 2008
Verð: 39.700.000
Skipholt 50b | 105 Reykjavík | s 510 3500 | www.eignatorg.is
Björgvin Guðjónsson lg.fs. s 615-1020 / bjorgvin@eignatorg.is s 510-3500
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Ferðametið gæti verið fallið
 Tugþúsundir Íslendinga á ferðalagi erlendis um páskana  Fjölmargir í
skíðabrekkunum um allt land  Aldrei fór ég suður í fimmtánda sinn á Ísafirði
Arnar Þór Ingólfsson
athi@mbl.is
Íslendingar hafa streymt frá landinu
undanfarna viku í páskafrí á suðlæg-
ari slóðir. Langtíma- og skamm-
tímabílastæði Isavia við Keflavík-
urflugvöll voru orðin full strax á
fimmtudag og til viðbótar eru tæp-
lega 1.000 bílar í stæðum fyrirtæk-
isins Basecamping á Ásbrú.
Líklegt er að aldrei hafi verið
fleiri Íslendingar á erlendri grundu
á sama tíma en um þessa páska, en
tölur um fjölda íslenskra ferðalanga
í marsmánuði verða ekki aðgengi-
legar fyrr en eftir páska. Um 60.000
Íslendingar fóru úr landi páskana
2017 og það met er í hættu.
Margir eru líka á ferðinni innan-
lands um páskana og trekkja helstu
skíðasvæði landsins fólk að, enda
margir sem vilja ekki verja pásk-
unum annars staðar en í brekk-
unum. Ekki skemmir fyrir að nokk-
uð vel hefur viðrað til skíðaiðkunar
og ekkert páskahret í kortunum út
helgina.
Rokkað fyrir vestan að venju
Tónlistarhátíðin Aldrei fór ég suð-
ur er haldin í fimmtánda sinn á Ísa-
firði og segir rokkstjórinn Kristján
Freyr Halldórsson að í bænum sé
múgur og margmenni.
„Við erum bara farin að tvöfalda
íbúatöluna með því fólki sem kemur
hérna akandi vestur,“ segir Kristján
í samtali við Morgunblaðið, en þar
sem frítt er inn á tónleikana nota að-
standendur m.a. tölur frá Vegagerð-
inni og Air Iceland Connect til að
meta fjölda þeirra sem sækja hátíð-
ina heim. Kristján segir að á Ísafirði
séu íbúar með gesti í nánast hverju
einasta húsi og allt gistirými fullt.
Þegar orðið sé fullbókað á Ísafirði
færist leikar svo í næstu byggðir.
„Fólk gistir í Bolungarvík, á Suð-
ureyri og Flateyri og jafnvel Þing-
eyri og í Súðavík,“ segir Kristján og
bætir við að fólk njóti þess að vera á
skíðum á daginn og haldi svo á tón-
leika er kvölda tekur.
Fjölmennt í Hlíðarfjalli
Páskahelgin er alltaf stærsta helgi
ársins í Hlíðarfjalli og segir Guð-
mundur Karl Jónsson, forstöðu-
maður skíðasvæðisins, að á skírdag
hafi um 3.000 manns verið í fjallinu í
gríðarlega góðu veðri og um 2.500
manns í gær, en þá var öllu skýjaðra.
„Gárungarnir sögðu að þá hefðu Ak-
ureyringarnir verið heima,“ segir
Guðmundur.
Víkurfréttir/Hilmar Bragi Bárðarson
Bílar Krökkt er af bifreiðum umhverfis Keflavíkurflugvöll, rétt eins og síðustu páska. Langtíma- og skamm-
tímastæði eru að mestu leyti full og Isavia bendir farþegum á að koma sér í flugið með öðrum samgönguleiðum.
Ekki eru upplýsingar á stöðumæla-
vélum í miðborg Reykjavíkurborgar
um að eigi sé gjaldskylda á helgidög-
um. Dæmi eru um að borgarar og er-
lendir ferðamenn hafi greitt fyrir
bílastæði grunlausir um að þeir
greiddu í raun fyrir daginn eftir.
Kolbrún Jónatansdóttir, fram-
kvæmdastjóri Bílastæðasjóðs, segir
að víða um borgina séu skilti til upp-
lýsingar um það hvenær gjaldskylda
sé. Þar sé þó ekki kveðið á um að
gjaldfrjálst sé á „rauðum dögum“.
„Við viljum auðvitað ekki að fólk
sé að borga þegar það er ekki gjald-
skylda,“ segir hún og nefnir að á
mælunum komi fram að greitt sé fyr-
ir stæði daginn eftir, þar sé dagsetn-
ing, og að mælirinn telji frá því
klukkan tíu að morgni.
Nýir stöðumælar væntanlegir
Spurð hvort merkja megi mun á
tekjum Bílastæðasjóðs dagana eftir
helgidaga samanborið við tekjur að
jafnaði segir Kolbrún að það hafi
ekki verið athugað sérstaklega.
„Það er kannski spurning um að
líta eftir þessu í gögnunum, við
þekkjum þetta ekki,“ segir hún.
Aðspurð segir hún að ekki sé
mögulegt að bæta við upplýsingum
um helgidaga á skjái vélanna, þeir
séu litlir og ekki sé boðið upp á að
bæta við upplýsingum.
„Skjáirnir eru litlir og á þeim eru
takmarkaðar upplýsingar. Við höf-
um reynt að koma þessu á framfæri
á Facebook-síðunni okkar,“ segir
Kolbrún.
„Ég er alveg viss um að einhverjir
ferðamenn hafa sett einhverja
hundraðkalla í mælana. Þó koma
upp á skjánum upplýsingar um dag-
setningu og þar er hægt að velja
ensku,“ segir hún.
Bílastæðasjóður mun uppfæra
stöðumæla sína í maí nk. og á skjám
hinna nýju mæla verður hægt að
birta ítarlegri upplýsingar, að sögn
Kolbrúnar. jbe@mbl.is
Greiða of mikið í stöðumæla
 Litlar upplýsingar
um að frítt sé í stæði
á „rauðum dögum“
Morgunblaðið/Eggert
Stöðumælir Á skiltum eru ekki
upplýsingar um „rauðu dagana“.
100% stuðningur
var meðal fé-
lagsmanna stétt-
arfélaganna
Framsýnar og
Þingiðnar við sér-
kjarasamning við
PCC Bakki-
Silicon hf. á
Bakka. Að-
alsteinn Á. Bald-
ursson, formaður
Framsýnar, kveðst mjög ánægður
með samninginn. Hann kveður m.a.
á um að starfsmönnum innan Fram-
sýnar verði raðað í 17. launaflokk
launatöflu SA og SGS, hæsta mögu-
lega launaflokk.
„Við höfðum lengi farið fram á að
gera samning við fyrirtækið um
þessi störf og það fór á endum svo að
það náðist,“ segir Aðalsteinn og
bætir við að útlit sé fyrir að verk-
smiðjan taki til starfa í apríl eða maí.
„Við gerum til að byrja með
skammtímasamning því kjarasamn-
ingar eru almennt lausir næstu ára-
mót,“ segir Aðalsteinn.
Í samningnum er einnig kveðið á
um að allir starfsmenn fái 45%
vaktaálag á alla unna tíma upp að
173,33 tímum. Vinna umfram það
greiðist sem yfirvinna. Einnig er
kveðið á um sérstaka eingreiðslu í
desember sem nemur einum mán-
aðarlaunum fyrir þá sem hafa starf-
að í 20 vikur eða meira á árinu.
100%
kusu með
samningi
Bakki Verksmiðjan
verður brátt ræst.
 Nýr kjarasamn-
ingur í kísilverinu
Þrettán ljósmæður hafa sagt upp
störfum á Landspítalanum síðustu
daga. Ein þeirra segir ljósmæður
ekki ætla í verkfall, frekar leiti þær á
önnur mið. Þetta kom fram í kvöld-
fréttum RÚV í gærkvöldi.
Hvorki gengur né rekur í rúmlega
sex mánaða kjaraviðræðum Ljós-
mæðrafélags Íslands við ríkið. Næsti
fundur í deilunni verður eftir páska
en ljósmæður segja að ábyrgð þeirra
og menntun sé ekki metin til launa.
257 ljósmæður eru starfandi hér á
landi, þar af tæplega 150 á Landspít-
alanum.
Félag íslenskra hjúkrunarfræð-
inga lýsti á dögunum yfir fullum
stuðningi við kjarabaráttu ljós-
mæðra og kröfur þeirra.
Ljósmæður
segja upp
Hljómsveitin Ateria úr vesturbæ Reykjavíkur steig
fyrst á svið í Kampaskemmunni á Ísafirði í gærkvöldi
og opnaði þar með tónlistarhátíðina Aldrei fór ég
suður. Ateria vann Músíktilraunir fyrir sléttri viku
síðan, en sú skemmtilega hefð hefur myndast vestra
að nýkrýndir sigurvegarar Músíktilrauna séu á meðal
þeirra tónlistarmanna sem troða upp á hátíðinni á
Ísafirði.
Ateria er skipuð þremur ungum stúlkum, systr-
unum Ásu og Eir Ólafsdætrum sem eru 16 og 17 ára
gamlar og frænku þeirra, Fönn Fannarsdóttur, sem
er 13 ára trommuleikari.
Frá Músíktilraunum á Aldrei fór ég suður
Ljósmynd/Ásgeir Helgi Þrastarson