Morgunblaðið - 05.04.2018, Blaðsíða 6

Sakamál Héraðsdómur staðfesti áfram-
haldandi varðhald yfir manninum.
Héraðsdómur Reykjavíkur hefur
staðfest framlengingu gæsluvarð-
halds yfir Sigurði Kristinssyni sem
handtekinn var við komuna til lands-
ins frá Spáni í janúar, grunaður um
aðild að fíkniefnainnflutningi í send-
ingu sem merkt var Skáksambandi
Íslands. Gæsluvarðhaldið átti að
renna út í gær.
Lögreglan á höfuðborgarsvæðinu
fór fram á að það yrði framlengt um
tvær vikur, eða til 18. apríl næst-
komandi, og féllst héraðsdómur á
það í gærmorgun. Eftir þann tíma
verður tekin ákvörðun um hvort
ákæra verður lögð fram í málinu, en
ákærufresturinn er 12 vikur frá
handtöku Sigurðar.
Sigurður kom til landsins fimmtu-
daginn 25. janúar og var handtek-
inn við komuna. Þetta er í þriðja
sinn sem varðhald yfir honum er
framlengt. Kristinn Sigurðsson, lög-
reglufulltrúi hjá lögreglunni á höfuð-
borgarsvæðinu, segir rannsókninni
miða ágætlega áfram, en málið teyg-
ir anga sína meðal annars til Spánar.
Sigurður
áfram í
varðhaldi
 Ákærufrestur
rennur út eftir 2 vikur
6 FRÉTTIRInnlent
MORGUNBLAÐIÐ FIMMTUDAGUR 5. APRÍL 2018
Ingveldur Geirsdóttir
ingveldur@mbl.is
Foreldri barns sem er ári á undan í
skóla fær ekki skattaívilnun vegna
menntunar barnsins því það var 15
ára þegar það hóf framhaldsskóla-
nám. Samkvæmt lögum nær skatta-
ívilnunin aðeins til framhaldsskóla-
nema á aldrinum 16 til 21 árs.
Yfirskattanefnd hafnaði nýverið
kröfu foreldrisins um skattaívilnun
gjaldárið 2017 og staðfesti þar með
fyrri ákvörðun ríkisskattstjóra. Í
úrskurði yfirskattanefndar kemur
fram að í fyrravor hafi foreldrið
sent erindi til ríkisskattstjóra þar
sem óskað var eftir lækkun tekju-
skattsstofns gjaldárið 2017 vegna
menntunar barns sbr. 4. tölul. 1.
mgr. 65. gr. laga nr. 90/2003, um
tekjuskatt. Í erindinu kom fram að
dóttirin, sem væri fædd árið 2001,
stundaði nám í fyrsta bekk í fram-
haldsskóla og hefði þar af leiðandi
hafið námið ári fyrr en jafnaldrar
hennar. Í lið 3.1 í skattframtali
kæmi fram að hægt væri að sækja
um lækkun tekjuskattsstofns vegna
framfærslu ungmenna og að einkum
væri átt við ungmenni á aldrinum
16-21 árs sem stunduðu nám að
loknu grunnskólanámi, en það væri
þó ekki ófrávíkjanlegt. Væri þess
óskað að tekið yrði tillit til þess að
stúlkan væri ári á undan í skóla og
skattstofn lækkaður. Ríkisskatt-
stjóri synjaði beiðninni með vísun í
lögin.
Ekki ófrávíkjanlegt skilyrði
Foreldrið mótmælti þessu og
benti á að í lögunum kæmi fram að
þó átt væri við ungmenni á aldr-
inum 16 til 21 árs væri ekki um
ófrávíkjanlegt skilyrði að ræða. Því
væri það brot á jafnræði skattgreið-
enda að foreldri ungmennis sem
væri ári á undan í skóla nyti ekki
sama hagræðis og aðrir, enda væru
útgjöldin þau sömu. Ríkisskattstjóri
hafnaði málinu aftur og fór það þá
inn á borð yfirskattanefndar sem
úrskurðaði í því í febrúar. Hún
hafnaði kröfu kæranda með vísan í
lögin og reglur ríkisskattstjóra þar
sem segir að skilyrði fyrir lækkun
sé að barnið sé orðið 16 ára.
Skúli Eggert Þórðarson ríkis-
skattstjóri segir það skýrt bundið í
lög að miðað sé við 16 ár þegar
kemur að skattaívilnun vegna
menntunar barns. „Einstaklingur
verður framteljandi 16 ára gamall.
Þessi ívilnum á aðeins við um full-
orðinn einstakling á aldrinum 16 til
21 árs sem ekki nýtir persónuaf-
sláttinn sinn að fullu. Þá má ívilna
með ákveðnum hætti, þannig að það
kemur lækkun hjá forráðamönnum
sem á að koma á móti þeim kostnaði
sem það er að hafa hlutaðeigandi í
skóla. Ríkisskattstjóri hefur enga
skoðun á því hvort eigi að færa ald-
urinn framar eða aftar, það þarf
lagabreytingu til að breyta því.“
Ívilnunin er mismikil eftir því
hversu miklar tekjur barnið hefur.
„Ef þetta er tekjulaus einstaklingur
getur lækkun á skattstofni orðið
hátt í 200.000 þúsund kr. hjá for-
eldri. Ívilnunin skerðist við hverjar
tekjur og þegar persónuafsláttur
barnsins er fullnýttur þá kemur
engin lækkun,“ segir Skúli.
Fær enga ívilnun fyrir að vera á undan
 Skattaívilnun vegna barna í fram-
haldsnámi nær aðeins yfir 16 til 21 árs
Morgunblaðið/Hari
Nemendur Foreldrar barna sem eru á undan í skóla og byrja yngri en 16
ára í framhaldsnámi fá ekki skattaívilnun vegna þeirra.
Borið hefur á því að undanförnu að
ungmenni hafa verið að gera til-
raunir með að komast í vímu með því
að nota gashylki úr rjómasprautum.
Eru þá rjómasprautur fylltar af gasi
og gasið síðan sniffað með þrýstingi.
Kemur þetta fram í tilkynningu frá
lögreglunni á Vesturlandi sem vill
um leið vara foreldra unglinga og
ungmenna við þessu.
Vitað er til að nokkur ungmenni
hafi fallið í yfirlið eftir að hafa sniff-
að gashylki. Afleiðingar af þessu
geta verið alvarlegar þar sem þetta
getur valdið súrefnisskorti, varan-
legum skaða og jafnvel öndunar-
stoppi.
Vilja vímu úr
sprautuhylki
BAKSVIÐ
Baldur Arnarson
baldura@mbl.is
Nýtt hótel, First Hotel Kópavogur,
var tekið í fulla notkun um mán-
aðamótin. Þar eru 67 tveggja manna
herbergi, 16 stærri herbergi, 17 fjöl-
skylduherbergi og tvær fjölskyldu-
svítur. Samtals eru herbergin 104.
Smærri fjölskylduherbergin rúma
3-4 en þar eru svefnsófar fyrir 1-2
gesti. Fjölskyldusvíturnar rúma 5-6.
Lóa Bergljót Þorsteinsdóttir,
hótelstjóri First Hotel Kópavogur,
segir reksturinn hafa hafist á öðrum
degi jóla í fyrra. Þá hafi um helm-
ingur herbergjanna verið tekinn í
notkun. Á síðustu vikum hafi verið
unnið að lokafrágangi að innan sem
utan. Nú sé hótelið nær fullbúið.
First Hotel er keðja um 60 hótela
á Norðurlöndum með höfuðstöðvar í
Ósló. Þá eru um 30 hótel á Spáni
rekin með sérleyfi undir merkjum
First Hotel. First Hotel Kópavogur
er fyrsta hótel keðjunnar á Íslandi.
Það stærsta utan borgarinnar
Lóa Bergljót segir alls 240 rúm á
nýja hótelinu. Það sé stærsta hótelið
á höfuðborgarsvæðinu utan Reykja-
víkur. Hún segir First Hotel-
keðjuna hafa til skoðunar að opna
fleiri hótel á Íslandi. „Þeir hafa
áhuga á að opna fleiri hótel. Þeir eru
ekki að koma hingað til að opna
aðeins eitt hótel. Það verða vonandi
2, 3 eða 4 hótel til framtíðar.“
Lóa Bergljót segir aðspurð að
staðsetningin í Kópavogi sé afar góð.
„Þetta er mjög miðsvæðis á höfuð-
borgarsvæðinu. Hér er gott aðgengi
í allar áttir, hvort sem gestir eru að
koma frá Keflavík, heimsækja mið-
borgina eða fara í ferðir. Hverfið er
líka spennandi. Hér er verið að
byggja nýjan miðbæ í Kópavogi.
Hér verður alvörumiðbæjarstemn-
ing. Nú þegar er fjöldi veitingastaða
í kringum okkur. Þjónustustigið er
gott og það á eftir að verða enn
betra,“ segir hún.
Lóa Bergljót er menntuð í stjórn-
un í ferðaþjónustu frá Bretlandi.
Hún var áður m.a. framkvæmda-
stjóri Geo hótels í Grindavík og
starfaði fyrir Icelandair hótelin.
Hún segir ferðabakteríuna hafa
kviknað við störf hjá Ferðaskrifstofu
Guðmundar Jónassonar.
Blandaður hópur gesta
Spurð um þjónustustigið segir
hún hótelið fyrir hinn almenna
ferðamann. Hótelið uppfylli ríflega
þrjár stjörnur á gamla kvarðanum.
„Herbergin eru mjög notaleg og
rúmgóð. Hér er allt til alls, líkams-
ræktarsalur, setustofa, bar og morg-
unverðarsala. Það má segja að þetta
sé hótel fyrir alla. Við fáum mjög
blandaða gesti. Gestirnir eru jafnt í
fríi sem og í viðskiptaerindum.
Margir gestir eru Íslendingar sem
kunna að meta að geta keyrt að hót-
elinu. Hér er nóg af bílastæðum.
Við erum einnig með fínan bar
sem starfsmenn fyrirtækjanna í
grenndinni eru farnir að heimsækja
til að fá sér drykk eða tvo eftir
vinnu,“ segir hún.
Móttaka Lóa segir gesti bóka með skemmri fyrirvara en áður. Herbergi Dökkir litir einkenna innréttingarnar.
Íhuga fleiri hótel á Íslandi
 Hótelið First Hotel Kópavogur var tekið í fulla notkun um mánaðamótin
Morgunblaðið/RAX
Hótelstjóri Lóa Bergljót segir það hafa gengið vel að finna starfsfólk. Margir hafi sótt um störf hjá fyrirtækinu.
First Hotel Kópavogur Hótelið er staðsett í Hlíðasmára. Þar var trúfélagið
Krossinn áður til húsa. Byggt var ofan á vesturhluta hússins fyrir hótelið.