Morgunblaðið - 05.04.2018, Blaðsíða 47

47
MORGUNBLAÐIÐ FIMMTUDAGUR 5. APRÍL 2018
Eggert
Snúsnú Það er kominn vorhugur í þessa lífsglöðu og vösku nemendur í Melaskóla sem gerðu stutt hlé á lærdómnum og brugðu á leik í sólskininu sem hefur verið í höfuðborginni síðustu daga.
Vegna umfjöllunar Morg-
unblaðsins um innanfélagsdeilur
Kennarasambands Íslands í
tengslum við Vísindasjóð fram-
haldsskólakennara vil ég koma
eftirfarandi á framfæri.
Fjárreiður Kennarasambands
Íslands eru endurskoðaðar ár-
lega af löggiltum endurskoð-
endum. Bókhald félagsins er
fært samkvæmt ýtrustu kröfum
um gegnsæi og skýrleika.
Fyrrverandi stjórnarmenn
Vísindasjóðs framhaldsskóla-
kennara hafa staðið í persónu-
legum deilum við Kenn-
arasambandið í nær áratug. Alls
kyns ágreiningsefni hafa verið
dregin upp úr hattinum á þeim
tíma.
Þessir einstaklingar hafa
stefnt Kennarasambandinu fyr-
ir ýmsar sakir, ávallt án árang-
urs. Tugum milljóna hefur verið
eytt úr sjóðum félagsmanna í
málarekstur sem engu hefur
skilað þar sem kærendur hafa
tapað öllum málum fyrir dóm-
stólum.
Enn og aftur var haldið af
stað og málefni sjóðsins kærð til
lögreglu haustið 2015. Eins og lögreglu ber að gera fór
fram skoðun á málinu sem leiddi ekkert saknæmt í ljós og
var kærunni vísað frá. Sú frávísun var staðfest af ríkis-
saksóknara.
Stjórn félags framhaldsskólakennara kallaði saman
aðalfundarfulltrúa félagsins á aukaaðalfund árið 2016 og fól
þannig æðstu stofnun félagsins að fjalla um málið. Um 60
manns eru löglega kjörnir aðalfundarfulltrúar og var nið-
urstaðan sú að nú væri mál að linnti. Lýðræðislegri verður
umfjöllun málsins varla. Það vekur hins vegar spurningar
hvers vegna þessir fyrrverandi stjórnarmenn eyddu millj-
ónum af fjármunum framhaldsskólakennara í lögfræðiálit
þar sem reynt var að fá lögbann á umræddan aðalfund, í
stað þess að fagna lýðræðislegri umfjöllun um málið.
Hafa ber í huga að tveir af þremur fyrrverandi stjórn-
armönnum, sem nú ráðast gegn eigin stéttarfélagi, voru
kosnir úr stjórn Vísindasjóðsins á reglulegum aðalfundi
2014. Þriðji stjórnarmaðurinn er ekki lengur félagsmaður í
Kennarasambandi Íslands.
Kennarasamband Íslands hefði viljað verja þessum fjár-
munum og hinum ómælda tíma starfsmanna sinna í upp-
byggilegri verkefni í þágu félagsmanna. Að lokum harma
ég þær tilhæfulausu ásakanir sem starfsfólk Kenn-
arasambandsins hefur þurft að sitja undir.
Eftir Þórð
Hjaltested
» Tugum
milljóna
hefur verið eytt
úr sjóðum fé-
lagsmanna í
málarekstur
sem engu hefur
skilað þar sem
kærendur hafa
tapað öllum
málum fyrir
dómstólum.
Þórður Hjaltested
Höfundur er formaður Kennarasambands Íslands.
Mál að linni
Við Íslendingar upp-
skerum nú eftir mark-
vissa stefnu undanfarin
ár í efnahags- og rík-
isfjármálum. Umsvif í
hagkerfinu hafa aukist
verulega, skuldir ríkis,
heimila og fyrirtækja
lækkað mjög og fjöl-
breytni í atvinnulífi, og
þar með starfa, vaxið.
Þessa góðu stöðu ætl-
um við að nýta til að fjárfesta meira í
innviðum, bæði efnahagslegum og fé-
lagslegum. Áskoranir næstu ár felast í
því að varðveita þann góða stöðugleika
sem við höfum náð, treysta velferð og
nýta tækniframfarir í þágu betri þjón-
ustu við allan almenning.
Gjörbreytt staða
með lægri skuldum
Í ríkisfjármálunum hefur skipt sköp-
um að taka til á skuldahliðinni. Frá
árinu 2013 hafa skuldir ríkisins lækkað
um 600 ma.kr. Vaxtagjöld ársins 2017
af lánum voru rúmlega 30 ma.kr. lægri
en árið 2009. Í fjármálaáætlun fyrir ár-
in 2019-2023 sem lögð var fram í gær
er gert ráð fyrir frekari lækkun skulda
og vaxtagjalda. Í lok tímabilsins vex
ávinningur þessarar stefnu þannig að
árleg vaxtagjöld verða 45 milljörðum
lægri en þegar verst lét. Með mark-
vissri uppgreiðslu skulda höfum við því
gjörbreytt stöðunni og getum nýtt
þetta fé til þarfari og ánægjulegri
verka.
Hluta þessarar þróunar má rekja til
mun betri kjara ríkisins á mörkuðum.
Þannig hefur lánshæfiseinkunn ríkisins
ítrekað verið hækkuð á síðustu árum og
lék farsæl losun hafta þar mikilvægt
hlutverk auk góðrar afkomu ríkissjóðs
og sterkrar stöðu íslensks efnahagslífs.
Við létum reyna á traust markaðarins
til íslenskrar skuldabréfaútgáfu erlend-
is í lok síðasta árs, og fengum í kjölfar-
ið bestu kjör sem ríkið hefur nokkurn
tímann hlotið í slíkri útgáfu.
Að öðru leyti njótum við nú góðs af
auknum umsvifum, enda hefur kakan
stækkað. Með fjölgun starfa og hærri
launagreiðslum í landinu hafa tekjur
ríkisins af tekjuskatti einstaklinga vaxið
verulega á umliðnum árum, þrátt fyrir
lækkun skattprósentunnar og afnám
miðþrepsins. Frá árinu 2015
hafa tekjur ríkisins af tekju-
skatti einstaklinga hækkað
um 40%.
Allt þetta skapar svigrúm
til þess að fylgja áherslum
nýrrar ríkisstjórnar mynd-
arlega eftir, um innviða-
uppbyggingu og lækkun
skatta.
Mikilvægi stöðugleikans
Stöðugleiki í efnahags-
málum er mikils virði, ekki
síst þegar hann helst í hend-
ur við heilbrigðan hagvöxt og almennt
gott ástand í hagkerfinu; mikla atvinnu-
þátttöku, lítið atvinnuleysi, stöðugt
gengi, litla verðbólgu og kaupmátt-
araukningu. Árið 2017 skilaði hinum al-
menna launþega 5% kaupmáttaraukn-
ingu, ofan á um 7% árið 2016 og 8%
aukningu árið 2015. Skuggahlið þess-
arar sóknar í lífskjörum er að sam-
keppnishæfni íslensks atvinnulífs hefur
dalað. Hærri laun og sterkara gengi
krónunnar setur þrýsting á útflutnings-
greinar okkar og augljóst að sameig-
inlegir hagsmunir okkar liggja í því að
leggja nú áherslu á stöðugleika, efna-
hagslegan- og félagslegan, og fjárfest-
ingu til framtíðar. Slíkar áherslur eru
líklegastar til að skila okkur öllum betri
niðurstöðu til lengri tíma.
Það svigrúm sem skapast hefur til
aukinnar fjárfestingar og styrkingar á
ýmsum sviðum ætlar ríkisstjórnin að
nýta á ákveðinn en ábyrgan hátt.
Sterkir innviðir
og betri þjónusta
Fjárfestingar ná hámarki á árinu
2021. Gert er ráð fyrir um 75 milljarða
fjárfestingu í sjúkrahúsþjónustu og fer
mest til byggingar nýs Landspítala.
Framlög til byggðamála verða aukin og
eru samgöngu- og fjarskiptamál fyr-
irferðarmikil í áætluninni. Alls verður
124 milljörðum varið til fjárfestingar á
þessu sviði frá 2019-2023, en sérstakt
átak verður gert í samgöngumálum á
árunum 2019-2021. Ráðist verður í upp-
byggingu á fjölsóttum stöðum í náttúru
Íslands og ýmis verkefni á öðrum
ferðamannastöðum. Af öðrum stærri
fjárfestingum má nefna kaup á þyrlum
fyrir Landhelgisgæsluna, uppbyggingu
hjúkrunarheimila og Hús íslenskunnar
sem rís á tímabilinu.
Fyrir utan uppbyggingu Landspítala
er í áætluninni lögð sérstök áhersla á
geðheilbrigðismál, að efla heilsugæslu
og draga úr greiðsluþátttöku sjúklinga.
Eins er stefnt að kerfisbreytingu til að
bæta kjör öryrkja og efla þá til sam-
félagsþátttöku. Áformað er að hækka
greiðslur í fæðingarorlofi og lengja or-
lofstímann. Framlög hækka á hvern
nemanda á framhalds- og háskólastigi
og innviðir íslenskrar máltækni verða
byggðir upp. Unnið verður að stofnun
miðhálendisþjóðgarðs og gripið til að-
gerða til að draga úr losun gróðurhúsa-
lofttegunda. Landamæravarsla verður
bætt, löggæsla efld og rekstur Land-
helgisgæslunnar styrktur. Loks má
nefna að framlög til varnarsamstarfs og
þróunarsamvinnu verða aukin.
Lægri skattar og
sanngjarnari bótakerfi
Lækkun skatta sem og afnám tolla
og gjalda hefur skilað almenningi veru-
legri kjarabót undanfarin ár. Áfram er
stefnt að minni álögum og skilvirkara
skattkerfi, ásamt öflugu eftirliti. Stjórn-
völd munu eiga samtal við aðila vinnu-
markaðarins um samspil tekjuskatts og
bótakerfa, en í fjármálaáætluninni er
gengið út frá lækkun tekjuskatts í
neðra skattþrepinu. Í brennidepli end-
urskoðunar bótakerfa verður markviss-
ari stuðningur við efnaminni heimili.
Tryggingagjald lækkar samkvæmt
áætluninni árið 2019, sérstakur banka-
skattur verður lækkaður og stutt við
nýsköpun með því að hækka þak vegna
endurgreiðslu rannsókna- og þróun-
arkostnaðar, en stefnt er að afnámi
þess síðar á tímabilinu. Uppsöfnuð áhrif
skattalækkana í nýrri ríkisfjár-
málaáætlun eru um 25 milljarðar á ári.
Við erum á réttri leið. Með samstöðu,
ábyrgð og stefnufestu munum við gera
lífið betra fyrir alla Íslendinga.
Eftir Bjarna
Benediktsson » Svo mikilvægi þessa sé
sett í tölulegt sam-
hengi mun ríkissjóður í
lok tímabilsins greiða ár-
lega 45 milljörðum minna
í vaxtakostnað en þegar
verst lét.
Bjarni Benediktsson
Höfundur er fjármála- og
efnahagsráðherra.
Verðmætur stöðugleiki