Skírnir - 01.04.2010, Side 106

tiltekinna orða á landinu milli ára og áratuga. Þann fyrirvara ber að
hafa á túlkun gagna úr honum, að búnaðurinn sem notaður er við
tölvuskimun er „mislæs“ þótt hann sé hraðlæs og má því búast við
nokkurri skekkju. Hins vegar er líklegt að sú skekkja sé nokkuð
jöfn eða söm við sig frá árgangi til árgangs og frá einum útgáfutitli
til annars og því sé samanburður tækur, komi þar í ljós tilhneiging
eða þróun milli tímabila, þó að einstökum tölum beri að taka með
fyrirvara.13 Gagnasafn Morgunblaðsins er ekki sömu villum háð og
því mjög marktækt um birtingartíðni orða á því tímabili og þeim
vettvangi sem það nær til, en það nær aðeins aftur til ársins 1986 og
aðeins til Morgunblaðsins, sem hefur vissulega sín sérkenni sem
miðill. Á tímabilinu frá 1986 til aldamóta verða miklar breytingar í
íslenskum fjölmiðlaheimi, þar sem útgáfa fjölda dagblaða leggst af
á tíunda áratugnum, en Fréttablaðið hefur göngu sína árið 2001. Er
það mat mitt að upplýsingar úr gagnagrunni Morgunblaðsins einar
sér séu því áreiðanlegri heimild um þróun þessa tímabils, það er frá
1987–2007, en gagnagrunnurinn á timarit.is.
106 bryndís björgvinsdóttir skírnir
13 Þó má ímynda sér að búnaðurinn lesi betur seinni tíma texta en þann sem
prentaður var með gamla laginu, sérstaklega þá sem prentaðir voru fyrir tíma
tölvu væðingarinnar.
ár tíðni
1987 10
1988 19
1989 23
1990 22
1991 20
1992 29
1993 25
ár tíðni
1994 106
1995 114
1996 121
1997 129
1998 155
1999 154
2000 192
ár tíðni
2001 184
2002 146
2003 146
2004 158
2005 142
2006 165
2007 155
Tafla 1. Taflan sýnir fjölda birtinga orðstofnsins „menningararf“ í gagna-
safni Morgunblaðsins á tímabilinu 1987–2007. Hafa ber í huga að árið 1994
var talsvert fjallað um 50 ára lýðveldisafmæli Íslands í Morgunblaðinu. Í
slíkum umfjöllunum kemur orðið „menningararfur“ ósjaldan fyrir.
Skírnir vor 2010 með Guðna-NOTA_Layout 1 19.4.2010 15:24 Page 106