Skírnir - 01.04.2010, Qupperneq 111

111menningararfur sem ásetningur
Dóra: „Okkur hefur verið að fækka. Það er svolítið slæmt.“
Guðný: „Við vorum komin upp í þrettán hundruð hérna en núna erum við
komin niður í tæp níu hundruð á stuttum tíma.“
Dóra: „Hvenær vorum við þrettán hundruð?“
Guðný: „1986 … mér finnst nú verst að fólk fái ekkert fyrir húsin sín ef
fólk vill selja sko. Það er hræðilegt! Þegar maður er að horfa upp á
þessar svimandi upphæðir í Reykjavík sem húsin eru seld á og eiga
sams konar hús, eða miklu betra hús, sem seljast svo ekkert! Þetta er
hræðilegt!“
Dóra: „Æ, já. Mér finnst þetta leiðinlegt, [að] vanta fólk. Auðvitað vill
maður hafa fleiri íbúa hérna. Meira fólk. Fleiri atvinnufyrirtæki …“
Guðný: „Já! … já. Okkur vantar eitthvað af þessum ríku gubbum þarna í
Reykjavík [þær hlæja lítillega]. Já! Björgólfur og þeir!“
Dóra: „Já, já. Það kom hérna einn um daginn. Glitnismaður. Og ég spurði
hvort hann vildi ekki byggja hérna stóra glerhöll!“
Guðný: „Ég segi það nú! Það væri hægt að vinna í því!“27
Guðnýju fannst uppástunga Dóru góð, en eins og til að útskýra
fyrir mér af hverju Glitnismaðurinn hefði ekki verið því sammála
minntust Dóra og Guðný á að fólk væri hrætt við að fara Óshlíðina.
„En við erum að fara að fá jarðgöng hérna núna, og það er nú svona
… já …,“ sagði Dóra svo og þagnaði. Þegar ég spurði þær Dóru og
Guðnýju út í hefðina, sem þorrablótsnefndin hafði vísað til, svaraði
Guðný einfaldlega: „Það eru nú alltaf einhverjar breytingar [á blót -
inu]!“ Síðan minntist Dóra á að á blótinu mætti finna kjúklingaleggi
í trogum,28 kampavín og litlar lopapeysur sem kona í plássinu
prjón ar á vínflöskur og notaðar eru á blótinu. Af viðtalinu við þær
Dóru og Guðnýju að dæma fannst mér ljóst að við skipulag þorra-
blótsins væri ekki lögð mikil áhersla á verndun hefða eða menning-
ararfs — þó svo að þorrablótsnefndin hefði vísað í slíkt til að færa
rök fyrir reglunni umdeildu. En ef þorrablótið snýst ekki fyrst og
fremst um að halda í hefðir og arf, hvað stendur þá eftir? Eða öllu
heldur: Af hverju vinna konurnar sem koma að skipulagningu
skírnir
27 Eigin rannsókn.
28 Þess má geta hér að maturinn á blótinu er borinn fram í trogum. Kvenkyns þátt-
takendur blótsins skipta sér niður í hópa, eða „niður í trog“, og kemur hver og
einn hópur með sitt trog til að leggja á hlaðborð blótsins.
Skírnir vor 2010 með Guðna-NOTA_Layout 1 19.4.2010 15:24 Page 111