Skírnir - 01.04.2010, Page 118
á sömu lokaniðurstöðunni stafar ríkjandi valdastrúktúrum ekki ógn
af þorrablótsnefnd Bolvíkinga: Þrátt fyrir innantómu bendingarnar
— og jafnframt vegna þeirra — er enginn ófyrirsjáanlegur mótþrói
við valdafyrirkomulagið í sjávarplássinu í uppsiglingu. Boðið er því
einskonar leikur á milli maka þar sem konan tekur sér vald yfir
maka sínum — að fornkvenna sið — til þess að neita honum um
þátttöku í helstu skemmtun bæjarins. Með því að karlarnir fallast á
að það sé á valdi kvennanna er friðurinn á milli þeirra endurnýjaður,
þó aðeins gegn því að konurnar „velji þann kostinn“ að bjóða þeim.
Þannig má einnig segja að konurnar sem koma að þorrablóti Bol-
víkinga nýti sér þorrablótsformið sem menningarlegt auðmagn til
að styrkja sjálfsmynd sína, halda sambandi, skapa tengsl sín á milli
og koma skilaboðum út í samfélagið.
Menningararfur er táknræn smíð, því hann er fremur túlkandi
hugtak en lýsandi. Hann er ekki einfaldlega kjúklingaleggir eða
sviðakjammar í trogum, brennivín eða diet-coke. Við þurfum að líta
af þeim hlut, ummerkjum eða atferli sem flokkast sem menningar-
arfur, og á athöfnina og fólkið í kringum hann til að skilja hvað sé
á seyði. Í gegnum vísanir í hefðir og menningararf getur hópur tjáð
sig: Hvert hann sækir sjálfsmynd sína, í hverju hún felst, hverjir til-
heyra honum, hvaða fortíð hann samsamar sig sérstaklega, hvaða
endurminningar honum er annt um og — síðast en ekki síst — hvað
hann vill og hvaða ásetning hann hefur. Menningararfur getur
þannig nýst hópum frammi fyrir miklum og illviðráðanlegum
breyt ingum til að taka völdin í eigin hendur, ef ekki í reynd þá að
minnsta kosti táknrænt, með innantómri bendingu og/eða endur-
teknum athöfnum. Arfurinn er hópum menningarlegt auðmagn til
að skora á hólm utanaðkomandi sjálfsmyndir, sem og aðrar valda-
formgerðir, til að storka gildum eða spyrna við fótum. Hann gefur
til kynna að fólk vilji hafa eitthvað um eigin stöðu, líf, umhverfi og
örlög að segja.
118 bryndís björgvinsdóttir skírnir
Skírnir vor 2010 með Guðna-NOTA_Layout 1 19.4.2010 15:24 Page 118