Skírnir - 01.04.2010, Page 249
249„hengi þolinmæði mína upp á vegg“
Hildur settist í Myndlista- og handíðaskóla Íslands og lauk þar
námi árið 1968. Leiðin lá síðan til Skotlands, í Edinburgh College
of Art, en þar var myndvefnaður kenndur sem sérstök grein, en auk
þess var vefstofa, sem William Morris hafði stofnað, rekin í nánum
tengslum við skólann. Þar nam hún hefðbundna veftækni sem
kennd er við hina þekktu frönsku Gobelinvefstofu í París sem
stofn uð var upp úr miðri 17. öld og er aðferð sem býður upp á hvað
fjölbreyttasta möguleika. Hildur var búsett í Bandaríkjunum á ár-
unum 1958–1963 og fékk þar tækifæri til að kynnast vefnaði frá
Perú sem nýjar fornleifarannsóknir höfðu leitt í ljós og vöktu verð -
skuldaða athygli. Einnig var málaralist afar athyglisverð í New York
á þessum árum og handverkið blómstraði.
Myndvefnaður með pólitísku inntaki kom fram af miklum krafti
á Norðurlöndum um miðjan sjöunda áratuginn, en þar var áherslan
fyrst og fremst lögð á inntakið og upplýsingagildið fremur en stílinn.
Oft var fyrirmyndin sótt í raunsæjar svart/hvítar fréttaljósmyndir
dagblaðanna, til dæmis af hörmungum stríðsrekstrar í Víetnam sem
vefarinn vildi festa í efni sem væri varanlegra en forgengilegur blaða -
pappírinn.
Reyndar efuðust margir og töldu að verk með pólitísku inntaki
missti marks um leið og búið væri að yfirfæra það í mjúkan og
aðlað andi vefmiðilinn. En friðarsinninn og femínistinn, hin sænska
Hannah Ryggen (1894–1970), hafði þegar á fjórða áratugnum fjallað
á gagn rýninn hátt í einstökum, expressjónískum myndvefnaði um
framvöxt öfgaafla á borð við fasisma og nasisma, til dæmis um her -
setu Þjóðverja í Noregi, þar sem hún bjó og starfaði mestan hluta
ævinnar. Verk Ryggen höfðu afar sterk áhrif á samtíð hennar, um
alla Skandínavíu og víðar.
Fiskikonurnar
Myndvefnaður Hildar á áttunda áratugnum endurspeglar þjóð -
félags átök, stríðsrekstur og ekki síst réttindabaráttu kvenna. Skortur -
inn á viðurkenningu á vinnuframlagi kvenna var eitt af megin -
viðfangsefnum og baráttumálum Rauðsokkahreyfingarinnar, en
Hildur var meðal stofnfélaga hennar árið 1970. „Fiskikonurnar“
skírnir
Skírnir vor 2010 með Guðna-NOTA_Layout 1 19.4.2010 15:24 Page 249