Skírnir - 01.04.2010, Side 251

251„hengi þolinmæði mína upp á vegg“
vefnaðinn þegar henni hugkvæmdist að bæta við verkstjóranum sem
vakir hátt yfir fiskikonunum í glerbúri sínu.
Við það er skerpt á ólíkum aðstæðum karlmannsins og kvenn -
anna og verkið fær nýtt inntak og spennu, auk þess sem það skerpir
um leið á kynjasjónarhorninu. Beggja vegna við verkstjórann er
flatar skreyti myndað af krónupeningnum með þorskinum, aflanum
sem komið hefur verið í verð af fiskikonunum við vinnsluborðið.
Vinnuafl til vara
Málefni líðandi stundar urðu oft kveikjan að nýju verki en hug-
myndina að verkinu „3ja stéttin“ fékk Hildur þegar hún hlustaði í
upphafi áttunda áratugarins á fyrirlestur um varavinnuafl í sjáv-
ariðnaði. Ræðumaður beindi athyglinni að Færeyingum en láðist
alveg að geta íslensku kvennanna sem hafa þó löngum verið helsta
varavinnuaflið í sjávarþorpunum. Þetta varð listakonunni drjúgt
umhugsunarefni og vildi hún gera sitt til að þær yrðu að minnsta
kosti sjáanlegar.
Myndvefnaðurinn er í raun myndasaga, dulbúin að því leyti að
hún fylgir ekki línulegri framvindu, frá vinstri til hægri, heldur er
vefnaðurinn lesinn ofan frá og niður. Hann er byggður upp á
þremur flötum og aðskilur texti fletina.
Í efsta reitinum rís verksmiðjuhús með spúandi reykháfi undir
textanum eigendur atvinnutækja, sem eru fulltrúar fyrstu stétt-
arinnar. Þar undir opnast stór flötur sem einkennist af símynstri
sem skapast af opnum litlum bátum og nöktum karlmönnum með
flibba, hvíta og bláa, sem raða sér á milli bátanna, hver yfir öðrum
með upprétta arma og undir yfirskriftinni þiggjendur launa. Er
þar komin önnur stéttin.
Bíllinn og þeir sem í honum aka eru tákn Verkamannafélagsins
Dagsbrúnar því að á þessum árum höfðu verkakonur leitað eftir
inngöngu í Dagsbrún en sóttist það seint. Sökin var þó ekki alfarið
Dagsbrúnar, heldur hafði Verkakvennafélagið Framsókn krafist
þess að konur greiddu áfram félagsgjöld til Framsóknar þótt þær
gengju í Dagsbrún. Bíllinn ekur fram hjá fiskverkakonunum sem
skírnir
Skírnir vor 2010 með Guðna-NOTA_Layout 1 19.4.2010 15:24 Page 251