Skírnir - 01.04.2016, Síða 24

töku í alþjóð legu háskóla starfi þar sem enska er aðaltung-
umálið. Þjálfun stúdenta í að fjalla um við fangs efni sín á ís-
lensku fer því minnkandi.
7. Alþjóðavæðingin. Breytt heimsmynd hefur leitt til þess að
fólk er hreyfanlegra en áður og íslenskir unglingar sjá ekki
framtíð sína endilega á Ís landi. Í nýlegri könn un kom fram að
helmingur 15–16 ára unglinga á Íslandi vill búa erlendis í
fram tíðinni — var þriðjungur fyrir hrun („Helmingur ís-
lenskra unglinga …“ 2015). Ekki er ótrúlegt að þetta hafi
áhrif á við horf ung linga til íslenskunnar sem þeir vita að
gagnast þeim lítið erlendis.
8. Talstýring tækja. Flest tæki eru nú tölvustýrð að mestu leyti
og þessum tækjum verður á næstunni stjórnað með tungu-
málinu að miklu leyti — við munum tala við tæk in. Margir
þekkja nú þegar leiðsögutæki í bílum, eða Siri í iPhone, eða
sjón vörp sem talað er við. Framfarir í talgreiningu eru stór-
stígar og búast má við að ýmsum algengum heim ilistækjum
verði stjórnað með því að tala við þau.
Allt er þetta jákvætt, út af fyrir sig. Það er gott að fólk eigi kost á fjöl-
breyttri afþreyingu og samskiptum, ferðamannastraumurinn er kær-
komin innspýting í efnahags lífið, fjölg un inn flytj enda vinnur gegn
lækkandi fæðingartíðni og eykur fjölbreytni þjóð lífs ins, það er þægi-
legt að geta stjórnað tækjum með því að tala við þau, og vitanlega er
frá bært að æska landsins skuli eiga kost á því að taka þátt í alþjóðlegu
rannsóknar- og þró unar starfi, sækja sér menntun og atvinnu hvert
sem hana lystir og búa erlendis um skemmri tíma eða til lang frama. Það
er heldur ekki nema gott um það að segja að Ís lend ingar læri ensku sem
yngstir og sem best því að hún er vitanlega lykill að svo mörgu.
4. Hugsanleg áhrif samfélags- og tæknibreytinga
á tungumálið
En þótt umræddar breytingar séu þannig jákvæðar að mestu leyti
skapa þær mikið álag og þrýsting á íslenskuna og þótt staða hennar
virðist góð á yfirborðinu er hún brot hætt — það þarf e.t.v. ekki
24 eiríkur rögnvaldsson skírnir
Skírnir vor 2016.qxp_Layout 1 18.4.2016 12:59 Page 24