Skírnir - 01.04.2016, Page 225

225múslimar og hestar á leiksviði …
væri að ræða. Merking gjörningsins fólst í þessu, og skilgreining hans er
frelsi. Þetta er sýn sem byggist á lögmálum leiksýningar.1
Við erum kannski ekki miklu nær lausn á ráðgátunni um áreksturinn
á milli þess að vera og sýna, en sjáum þó að hér hefur Kounellis haft
í huga árekstur á milli hinna bjargföstu undirstöðustólpa menning-
arinnar í víðasta mannfræðilega og sögulega samhengi og þess lifandi
lífs, sem menningin hefur tjóðrað við undirstöður sínar með fram-
andgervingu sem jafnframt er myndgerving þess. Sú myndgerving er
myndgerving frumspekinnar. Verkið er sviðsetning árekstrarins á
milli sýningarinnar og verunnar og á samkvæmt höfundinum meira
skylt við leiksýningu eða sviðsverk en myndlistarverk.
Þannig vekur hestasýning Kounellis spurningu um mörkin á
milli náttúrunnar annars vegar og menningarinnar/sögunnar hins
vegar í frumspekilegum skilningi. Í menningarsögulegu samhengi
leiðir verkið í ljós ómöguleika hinnar „sönnu“ framsetningar veru-
leikans, hvort sem er í listum eða vísindum. Á milli hesthússins og
listagallerísins reynist óyfirstíganleg gjá. Hin táknræna virkni verks-
ins felst í því að afhjúpa og fela í senn þessa gjá á milli menningar og
náttúru, á milli mannsins og hlutveruleikans. Það er sú ósýnilega
gjá sem verkið leiðir í ljós og verður sannleikur þess.
Framandgerving og sjokkáreiti listarinnar
Hesthús Kounellis og moska Büchels virðast fljótt á litið eiga það
sammerkt að vera innsetningar sem settar eru inn í hina stofnana-
væddu umgjörð listheimsins til þess að kalla fram framandgervingu
og árekstur sem ætlað er að virka sem sjokkáreiti hjá áhorfendum.
Bæði verkin eiga það líka sameiginlegt að hafa vakið sterk viðbrögð,
bæði jákvæð og neikvæð. Í tilfelli sýningar Kounellis í New York
skírnir
1 The horses were tied to the wall of the gallery in order to make a connection be-
tween the living element and the idea of solid foundations such as those that exist
in homes. Their placement in the room delineated the building’s foundations.
When an exhibition like this ends, all that remains is a memory. It is the same with
a theatrical performance. And this was the significance of my action, which is de-
fined by freedom. It is a vision designed on the principles of play staging.
Skírnir vor 2016.qxp_Layout 1 18.4.2016 13:00 Page 225