Saga - 2008, Qupperneq 6

upp á að bjóða. Það sama er að segja um grein eftir Birnu Björnsdóttur í
nýjum bálki sem fengið hefur nafnið Sögukennsla. Þar ræðir hún einkum
um hvernig nýta megi munnlega sögu til að kveikja áhuga nemenda á sög-
unni og vekja þá til umhugsunar um hvernig sú saga sem þeir kynnast í
kennslubókunum verði til.
Viðhorfsgreinar eru fjórar að þessu sinni. Gunnar Karlsson veltir því
fyrir sér hvort aldalöng yfirráð Dana yfir Íslandi hafi verið böl eða blessun
fyrir Íslendinga. Niðurstaða hans er sú að Íslendingar hafi almennt farið
frekar vel út úr skiptunum við Dani, en að jafnframt dragi það ekki úr rétt-
mæti sjálfstæðisbaráttunnar. Í öðru lagi má nefna glímu Jóns M. Ívarsson-
ar við goðsögnina um aldur glímufélagsins Ármanns. Með þessari dæmi-
sögu dregur Jón fram hvernig goðsögn verður til og er viðhaldið. Þá fjallar
Sveinbjörn Rafnsson um heimildagildi Landnámu. Meðal annars nefnir
hann skilning óbyggðanefndar á frumstofnun eignarréttar og færir rök
fyrir því að sá skilningur komi ekki að öllu leyti heim við sögulegar heim-
ildir. Loks veltir Þórir Stephensen fyrir sér mikilvægi Viðeyjar sem sögu -
staðar og færir rök fyrir því að nauðsynlegt sé að halda áfram fornleifa-
rannsóknum í eynni.
Í sjónrýnisbálknum er rætt um Samuel Kadorian og ljósmyndir hans frá
Íslandi stríðsáranna. Kvikmyndasafn Íslands eignaðist myndirnar fyrir
skömmu og fjallar forstöðumaður þess, Þórarinn Guðnason, um ljósmynd-
arann og mikilvægi myndanna fyrir sögulega arfleifð Íslands. Hugleiðing -
una ritar Guðni Th. Jóhannesson og veltir fyrir sér stöðu íslenskrar sagn -
fræði og spyr hvort sagnfræðingar séu ekki nægilegar iðnir við að koma
fræðum sínum á framfæri. Út úr skjalaskápnum dregur síðan Hrafnkell
Lárusson fram handskrifaða lækningabók úr Héraðsskjalasafni Austfirð -
inga sem veitir lesendum innsýn í horfinn heim læknislistarinnar.
Ritdómar og ritfregnir eru óvenjufáir að þessu sinni en vegna anna gátu
nokkrir ritdæmendur ekki skilað sínu á tilskildum tíma. Það kemur næsta
hefti Sögu til góða, en það verður í höndum nýs ritstjóra. Við óskum honum
farsældar í starfi um leið og við þökkum stjórn Sögufélags og öllum öðrum
samstarfsaðilum fyrir góða samvinnu.
Fyrir utan höfunda hafa fjölmargir lagt hönd á plóginn við vinnslu
þessa heftis og færum við þeim öllum þakkir fyrir samstarfið.
Eggert Þór Bernharðsson og Páll Björnsson
6 formáli ritstjóra
Saga haust 2008 nota:Saga haust 2004 - NOTA 25.11.2008 15:37 Page 6