Saga - 2008, Síða 53

mið kom bæði fram í stefnuskrá Sósíalistaflokksins og starfsskrá
um brýnustu viðfangsefni.87
Þriðja skilyrði Kominterns var að sameiningarflokknum bæri að
taka „skilyrðislausa afstöðu með Sovétlýðveldunum sem landi sósí-
alismans“ og leyfa „engan fjandskap gegn þeim í blöðum flokks ins
eða af hálfu starfsmanna hans“.88 Í stefnuskrá Sósíalista flokksins
sagði:
Flokkurinn fylgist einnig af mikilli athygli og samúð með starf-
semi alþýðunnar í Sovétlýðveldasambandinu. Þar sem ósigur
Sovétríkjanna myndi vera ósigur fyrir verkalýðinn um allan
heim, berst hann á móti hvers konar einangrunartilraunum,
árásarherferðum, spellvirkjum auðvaldsins og öllum óhróðri
gegn hinu nýja þjóðfélagi.89
Með því að kommúnistar töldu í raun alla gagnrýni á sovétstjórn-
ina eða andstöðu við hana fjandskap við Sovétríkin, var skilyrði
Kominterns uppfyllt með ofangreindu ákvæði. Á þetta reyndi tæpu
ári eftir stofnun Sósíalistaflokksins.90
Fyrirheit stefnuskrárinnar um að flokkurinn berðist gegn „spell-
virkjum auðvaldsins“ (sjá næstu grein að ofan) uppfyllti fjórða skil -
yrði Kominterns: „Sameinaði alþýðuflokkurinn mun berjast af
alefli gegn gagnbyltingarsinnuðum trotskíisma.“91
Fimmta skilyrði Kominterns kvað á um að sameiningarflokkur-
inn tryggði „lýðræði innan sinna vébanda og rétt til tjáningarfrels-
is allra félaga sinna í þeim tilgangi að styrkja flokkinn pólitískt og
hugmyndafræðilega“.92 Þessi regla Leníns um „lýðræðislegt mið -
stjórnarvald“ var skýrt skráð í lögum flokksins. Þar var öll „skipu-
lagsbundin klíku- eða flokkshlutastarfsemi“ stranglega bönnuð og
flokksmönnum almennt bannað að gagnrýna opinberlega stefnu
flokksins og trúnaðarmenn hans að viðlagðri áminningu ellegar
brottrekstri úr trúnaðarstöðu eða flokknum sjálfum.93
Samkvæmt sjötta skilyrði Kominterns átti flokkurinn að beita
sér fyrir einingu verkalýðsfélaganna og aðskilnaði Alþýðusam -
eftir skilyrðum kominterns 53
87 Stofnun Sameiningarflokks alþýðu – Sósíalistaflokksins, bls. 4, 18–19.
88 Lbs.-Hbs. 5228 4to a-b. Über die Hauptaufgaben der KP Islands, 8. sept. 1937.
89 Stofnun Sameiningarflokks alþýðu – Sósíalistaflokksins, bls. 14.
90 Þór Whitehead, Milli vonar og ótta, bls. 66–70.
91 Lbs.-Hbs. 5228 4to a-b. Über die Hauptaufgaben der KP Islands, 8. sept. 1937.
92 Sama heimild.
93 Stofnun Sameiningarflokks alþýðu – Sósíalistaflokksins, bls. 47–48.
Saga haust 2008 nota:Saga haust 2004 - NOTA 25.11.2008 15:37 Page 53