Saga - 2008, Side 164

Saga XLVI:2 (2008), bls. 164–178.
jón m. ívarsson
Goðsögnin um Glímufélagið Ármann
Glímufélagið Ármann í Reykjavík hefur lengi verið talið elsta starf-
andi íþróttafélag á Íslandi, stofnað 15. desember 1888. Þegar hins
vegar er farið ofan í saumana á samtímaheimildum kemur annað í
ljós því að hinn meinti stofndagur tilheyrir ekki Ármanni heldur
öðru glímufélagi. Hvernig varð þessi misskilningur til og hvað
segir tilurð hans okkur um það hvernig slíkar goðsagnir festast í
sessi? Hvenær var félagið í raun og veru stofnað?
Goðsögn verður til
Kjartan B. Guðjónsson, glímukennari í Ármanni árin 1958–1963 og
síðar fyrsti formaður Glímusambands Íslands, skrifaði talsvert um
sögu glímunnar og fjallaði meðal annars um meinta stofnun
Ármanns í Árbók íþróttamanna 1947. Þar er að finna eftirfarandi frá-
sögn:
Glímufélagið Ármann er stofnað 15. des. 1888. Aðalstofnendur
þess voru: Pétur Jónsson, blikksmiður í Reykjavík, sem var
gamall og góður glímumaður og Helgi Hjálmarsson frá Vog -
um í Mývatnssveit, sem var þá í Bessastaðaskóla og æfði þar
glímu undir leiðsögn Páls Melsteð sögukennara og var orðinn
afburða glímumaður. Vísir að þessari félagsstofnun mun hafa
skapast hjá þeim félögum í stúkunni Einingin, sem myndaði
um þetta leyti glímudeild innan sinna vébanda að tilhlutan
þeirra félaga.
Æfingar hófust í Templarahúsinu. Klæddust menn þá
sterk um buxum úr íslensku vaðmáli og tóku hver annan tök -
um, svo kölluðum buxnatökum. Glímubelti voru þá ekki til og
þekkt ust ekki. Til að byrja með voru menn óvanir að glíma á
fjala gólfi og þótti hart að detta á það. Voru því margir sem
vildu leita fyrir sér með mýkri glímuvöll. Meðal glímumann -
anna var Guðlaugur Guðmundsson sýslumaður. Hann hafði
fengið sér grasblett innan við bæinn, hjá Rauðará, látið slétta
hann og rækta vel. Hann kvað mönnum velkomið að fara inn
á þennan grasblett og reyna hvernig væri að glíma þar. Blettur
þessi hlaut síðan nafnið Skellur, og er sagt að það nafn hafi
Saga haust 2008 nota:Saga haust 2004 - NOTA 25.11.2008 15:38 Page 164