Saga - 2008, Qupperneq 171

í fyrra, sem ekki var að undra því nú hafa þeir fengið góða til-
sögn hjá Pétri Jónssyni glímukennara sem er eins og vér höfum
tekið áður hér fram mjög vel að sér í þessari íþrótt og kennir
hana prýðilega vel.25
Hið nýja glímufélag, Ármann, starfaði af þrótti til að byrja með. Til
þess bendir frétt í blaðinu Dagskrá í desember 1898 sem segir frá því
að stofnuð hafi verið unglingadeild við Glímufélagið Ármann.26
Smáfréttir af starfi félagsins birtust af og til í blöðunum fyrsta árið.
Til dæmis auglýsti félagið glímusýningu og dans á eftir í janúar
1899.27 Þessi blómatími stóð reyndar stutt því næstu sjö árin ríkti
þögnin ein um Glímufélagið Ármann og engar fréttir bárust af
félag inu.
Þjóðhátíðir 2. ágúst í Reykjavík, með tilheyrandi glímukeppn-
um, voru haldnar árlega um skeið í umsjá Stúdentafélags Reykja -
víkur. Reyndar féll hátíðin niður árið 1900 sökum mislingafarald-
urs en árin 1901–1906 var hún haldin í Reykjavík. Árið 1907 var
þjóð hátíðin haldin á Þingvöllum í tilefni af komu Friðriks VIII. kon-
ungs og 1908 féll hún niður sökum alþingiskosninga. Árið 1909 var
haldin þjóðhátíð í höfuðstaðnum en ekki eftir það. Alltaf voru
glímukeppnir á þessum hátíðum og stundum allfjölmennar. Oftast
var um einstaklingskeppni að ræða en árið 1899 var haldin bænda -
glíma. Í fréttablaði það sumar er auglýsing um þjóðhátíðina og þar
er þetta tekið fram: „Þeir sem ætla að taka þátt í glímum skrifa sig
fyrir hjá herra Pétri Jónssyni blikksmið.“28
Pétur var oftast nær fenginn til að sjá um glímukeppni þjóð -
hátíð anna þessi árin, en ekkert fréttist af Glímufélaginu Ármanni
enda er svo að sjá að hinn mikli glímuáhugi sem blossaði upp við
stofnun félagsins hafi fljótlega koðnað niður eins og stundum
gerðist áður. Þannig var frá því sagt árið 1903 að nærri hafi legið að
ekkert yrði úr glímukeppni þjóðhátíðar vegna fámennis.29 Svipaða
sögu var að segja af þjóðhátíðinni 1905 sem blöðum bar saman um
að hafi verið harla tilkomulítil.30 Vart hefur orðið þeirrar tilhneig-
ingar innan Ármanns að eigna félaginu glímukeppnir þjóðhátíð -
goðsögnin um glímufélagið ármann 171
25 Reykvíkingur ágúst 1898, bls. 31.
26 Dagskrá 17. des. 1898, bls. 87.
27 Þjóðólfur 27. jan. 1899, bls. 16.
28 Þjóðólfur 14. júlí 1899, bls. 136.
29 Þjóðólfur 7. ágúst 1903, bls. 125.
30 Ingólfur 6. ágúst 1905, bls. 124.
Saga haust 2008 nota:Saga haust 2004 - NOTA 25.11.2008 15:38 Page 171