Saga - 2008, Qupperneq 173

launaglímu í Bárunni með allt að 30 keppendum.35 Á þjóðhátíðinni
um sumarið voru glímur á dagskrá og þóttu tvímælalaust besta
skemmt unin á hátíðinni að sögn blaðanna.36 Það var engum blöð -
um um það að fletta að hið endurvakta Ármannsfélag hleypti
miklu lífi í glímulíf höfuðstaðarins.
Næstu árin var starfsemi félagsins þróttmikil. Nú voru komnir
fram á sjónarsviðið hinir nafnkenndu þremenningar Guðmundur
Stefánsson, Hallgrímur Benediktsson og Sigurjón Pétursson sem
allir gátu sér mikla frægð fyrir afrek sín í glímunni. Glíman varð
um skeið vinsælasta íþróttin í höfuðstaðnum og Glímufélagið Ár -
mann öflugasta íþróttafélagið. Lausatökin á stofnun félagsins árið
1898 vöfðust þó fyrir blaðamönnum, sem tæplega gátu gert það
upp við sig hvort réttara væri að telja fæðingarár þess 1898 eða
1906. Um það vitna smáfréttir í blöðum frá þessum tíma. Þar var
meðal annars sagt frá kappglímu Ármanns í Breiðfjörðshúsi 6.
febrúar 1907. Tuttugu og þrír félagsmenn tóku þátt í glímunni við
húsfylli áhorfenda og þurftu margir frá að hverfa. Blaðið Ingólfur
segir svo frá:
Forstöðumaður glímumanna var Pétur Jónsson blikksmiður.
Hann stofnaði glímufélagið „Ármann“ fyrir átta árum og mun
það vera elsta glímufélag sem nú er til í landinu þótt auðvitað
væru mörg glímufélög stofnuð áður. Hefir Pétur haldið félag-
inu saman með miklum dugnaði og áhuga þótt erfitt hafi verið
stundum.37
Þessari fullyrðingu var svarað í Lögréttu þremur dögum síðar:
„Blað eitt segir félagið „Ármann“ átta ára gamalt en það er rangt.
Félagið var stofnað 7. janúar í fyrra. En það tók upp nafn glímu-
félags sem áður hafði verið hér til, fyrir nokkrum árum, stofnað
1898.“38 Ritstjóri Lögréttu var Þorsteinn V. Gíslason, sá hinn sami og
skýrði fyrstur frá stofnun Ármanns níu árum fyrr. Í frásögn Fjall -
konunnar af kappglímunni skömmu síðar var félagið sagt átta ára
gamalt39 en því var jafnharðan mótmælt í frásögn Reykjavíkur síðar
í mánuðinum: „Glímufélag þetta er ungt, á öðru ári aldurs síns. Það
á ekkert skylt við samnefnt glímufélag sem hér var áður til en leið
goðsögnin um glímufélagið ármann 173
35 Lögrétta 21. apríl 1906, bls. 71.
36 Þjóðólfur 10. ágúst 1906, bls. 137.
37 Ingólfur 10. febr. 1907, bls. 22.
38 Lögrétta 13. febr. 1907, bls. 26.
39 Fjallkonan 15. febr. 1907, bls. 27.
Saga haust 2008 nota:Saga haust 2004 - NOTA 25.11.2008 15:38 Page 173