Saga - 2008, Page 175

í endurnýjun lífdaga.42 Fljótlega eftir það fóru félagsmenn að
stunda fleiri íþróttir en glímu og félagið var um langa hríð eitt af
öflugustu íþróttafélögum landsins. Félagsmenn þess voru 1.200
talsins árið 1936, þegar það hélt upp á 30 ára afmæli sitt.43 Það var
þá annað fjölmennasta íþróttafélag landsins, næst á eftir KR sem
taldi fram 1.858 félaga árið 1937.44 Geta má þess að þá voru íbúar
Reykjavíkur um 36 þúsund talsins.45
Á aðalfundi Ármanns árið 1938 hóf Þórarinn Magnússon, vara-
formaður félagsins, máls á því að eftir þeim upplýsingum sem
hann hefði aflað sér væri hið raunverulega stofnár félagsins 1888.
Síðan lagði hann fram eftirfarandi tillögu:
Þar sem núlifandi merkir menn muna og gætu skýrt frá stofn-
un og störfum Glímufélagsins Ármanns frá 15. desember 1888
sem þeir vilja telja hinn raunverulega stofndag félagsins og að
starfsemi þess hefir aldrei fallið niður svo nokkrum tíma
nemur til ársins 1906 sem nú er talið stofnár þess, felur aðal-
fundur Glímufélagsins Ármanns, haldinn í Oddfellowhúsinu
16. október 1938, stjórn félagsins að athuga sögu félagsins og
breyta til um afmælisdag ef sögulegar heimildir leiða í ljós að
félagið sé stofnað á öðrum tíma en nú er talið vera.46
Tillagan var samþykkt í einu hljóði og stjórnin skipaði þau Þórarin
Magnússon skósmið, Rannveigu Þorsteinsdóttur, ritara Ármanns
og síðar alþingiskonu, og Stefán Runólfsson rafvirkja í nefnd til að
rannsaka söguna. Hinn 22. nóvember 1938 afhentu nefndarmenn
stjórninni sérstaka álitsgjörð um málið, sem hér verður nefnd
Ármanns skjalið. Þar sagði meðal annars frá fundi nefndarmanna
14. nóvember með fimm mönnum sem höfðu stundað glímu um
aldamótin 1900. Þar var einnig séra Helgi Hjálmarsson og skýrði
hann frá fyrstu kynnum sínum við Pétur Jónsson á fundi Einingar -
innar 25. nóvember 1888. Þar hafi þeim komið saman um að mynda
glímudeild innan stúkunnar og haldið fyrstu æfinguna 30. nóvem-
ber. Hinn 15. desember var ákveðið að hafa æfingu inn við Rauðará
goðsögnin um glímufélagið ármann 175
42 Skjalasafn Ármanns. Gjörðabók Ármanns 28. jan. 1913 og 20. okt. 1919. Engir
fundir skráðir þar á milli. Ljósrit í vörslu höfundar.
43 Skj. ÍSÍ. Ársskýrsla Glímufélagsins Ármanns 1936.
44 Skj. ÍSÍ. Ársskýrsla Knattspyrnufélags Reykjavíkur 1937.
45 Hagskinna. Sögulegar hagtölur um Ísland (Reykjavík 1997), bls. 102.
46 Skjalasafn Ármanns. Gjörðabók Ármanns 16. okt. 1938. Ljósrit í vörslu höf-
undar.
Saga haust 2008 nota:Saga haust 2004 - NOTA 25.11.2008 15:38 Page 175