Saga - 2008, Síða 214

efninu meira gildi og gerir það aðgengilegra fyrir aðra. En þess
konar skrif eru list út af fyrir sig og mjög tímafrek. Þegar haft er í
huga hversu takmarkaðan tíma nemendur hafa, er ekki hægt að
ætlast til að öll viðtölin séu færð í fullkomin handrit. Reyndir skrif-
arar geta þurft fimm til sex klukkustundir til að skrifa upp klukku-
tíma viðtal. Annar valkostur gæti verið að nemendur skrifi upp
eina góða frásögn úr hverju viðtali eða þá að þeir geri grein fyrir
efnisþáttum viðtalsins og skrifi upp tímaskeið fyrir upptökuna.23
Hægt er að haga útfærslunni þannig að nemendur skrifi rann-
sóknarritgerð byggða á viðtalinu. Þar skoðar nemandinn frum- og
eftirheimildir og metur þær í samhengi við niðurstöður sínar úr
viðtalinu. Hann fær tækifæri til að setja frásögnina í sögulegt sam-
hengi við aðrar heimildir. Nemandinn metur síðan hvort niður -
stöðurnar varpi nýju ljósi á viðfangsefnið eða hvort þær staðfesti
þær hugmyndir sem hann hafði gefið sér fyrirfram. Þess háttar
vinna kennir líka nemendum að greina styrk og veikleika munn-
legrar sögu sem sagnfræðilegrar aðferðar.24
Úrvinnsla viðtalanna getur einnig verið í formi sýningar sem
bekkurinn heldur. Þar má stilla upp myndum af viðmælendum og
birta brot úr viðtölum nemenda. Einnig er hægt að finna til sögu-
legar myndir sem tengjast viðfangsefninu og útbúa veggspjöld með
myndum og texta. Nemendur geta skrifað og flutt leikþætti sem
byggjast á sögu viðmælanda. Þá er líka hægt að útbúa glærusýn -
ingu (power point) þar sem blandað er saman myndum og bútum úr
viðtölunum með hljóð og/eða mynd. Nemendur geta búið til heim-
ildamynd eða vefsíðu þar sem þeir nota viðtölin og annað efni sem
tengist viðfangsefninu. Ef nemendur eiga að skrifa viðtölin niður
má safna efni bekkjarins saman ásamt öðru efni og gefa út bók eða
bækling. Möguleikarnir á úrvinnslu viðtalanna eru margir og getur
kennarinn útbúið lista yfir þær útfærslur sem koma til greina og
leyft nemendum að ráða hvaða leið þeir fara.
Það má segja að munnlegu söguverkefni sé ekki lokið fyrr en
efnið hefur verið gert aðgengilegt fyrir aðra. Það er mikilvægt að
vanda til verka þegar kemur að varðveislu viðtalanna. Það gerist
oft að nemendur taka upp viðtöl og síðan er upptökunum hent ofan
í skúffu eða óvart tekið yfir þær. Það þarf því að skoða vel hvernig
varðveita á vinnu nemenda en hægt er að útbúa svæði innan skóla-
birna björnsdóttir214
23 Glenn Whitman, Dialogue with the Past, bls. 34.
24 Sama heimild, bls. 9.
Saga haust 2008 nota:Saga haust 2004 - NOTA 25.11.2008 15:38 Page 214