Saga - 2008, Qupperneq 215

bókasafnsins fyrir þannig heimildir. Varðveislan verður líka ein-
faldari ef efnið er á stafrænu formi því þá er hægt að útbúa svæði á
skólavefnum þar sem efninu er safnað saman.25
Lokaorð
Munnleg saga í sögukennslu getur svo sannarlega gert söguna
áhugaverðari fyrir nemendur. Þeir verða virkari í náminu og teng-
jast betur því viðfangsefni sem unnið er með. Þeir öðlast færni á
mörgum sviðum, til dæmis félagsfærni og gagnrýna hugsun, sem
nýtist þeim um ókomna tíð. Aðferðin fellur auk þess vel að þeirri
kennslufræði, þeim kennsluaðferðum, sem nú eru í brennidepli og
þeim markmiðum sem stefnt er að innan skólakerfisins, eins og ein-
staklingsmiðuðu námi og samvinnu nemenda. Nemendur nálgast
söguna út frá sinni eigin reynslu og umhverfi og fá um leið tækifæri
til að upplifa söguna í gegnum aðra manneskju með því að taka
viðtal við hana. Þannig skapast ný saga og það eflir söguvitund
nem andans.
Í tengslum við lokaverkefni mitt í M.Paed.-námi í sagnfræði
kannaði ég hvort þessi kennsluaðferð væri jafn árangursrík og lesa
mátti í erlendum rannsóknum. Þar sem ég var að kenna samfélags-
greinar á efsta stigi grunnskólans lét ég nemendur mína gera verk-
efni í munnlegri sögu og vinna út frá þeim aðferðum sem greint er
frá hér að framan. Lokaafurðin var vefur sem nemendur settu verk-
efnin sín inn á.26 Þessi vinna með nemendum var ánægjuleg og þeir
voru áhugasamir um söguna. Upplifun nemenda var mismunandi
en flestir voru mjög sáttir við eigið framlag.27
munnleg saga og sögukennsla 215
25 Vef. Kathryn Walbert og Jean Shawver Sweeney, „Oral history in the class -
room“.
26 Vef. http://lindaskoli.net/8bekkur/8b/index.html.
27 Dæmigerð eru ummæli tveggja nemenda. Sá fyrri sagði: „Það var alveg
ágætt að læra sögu á þennan hátt. Á svona hátt lærir maður meira því maður
hlustar á viðmælandann.“ Sá síðari sagði: „Það var fínt að taka viðtal. Hann
[afi] hafði mjög mikið að segja. Ég var með 11 spurningar og það tók tvo
klukkutíma að tala um þetta. En sem betur fer var þetta spennandi og
skemmtilegt.“
Saga haust 2008 nota:Saga haust 2004 - NOTA 25.11.2008 15:38 Page 215