Saga - 2008, Síða 244

FRÆNDAFUNDUR 1–5.
[1.] Fyrirlestrar frá íslensk-færeyskri ráðstefnu í Reykjavík 20.–21.
ágúst 1992. Ritstjórar Magnús Snædal og Turið Sigurðardóttir. Háskóli
Íslands-Háskólaútgáfan. Reykjavík 1993. 262 bls. English summary.
2. Fyrirlestrar frá færeysk-íslenskri ráðstefnu í Þórshöfn 28.–29. júní
1995. Ritstjórar Turið Sigurðardóttir og Magnús Snædal. Annales
Socie tatis Scientarum Færoensis — Supplementum XXIV. Føroya
Fróðskaparfelag. Tórshavn 1997. 216 bls. English summary.
3. Fyrirlestrar frá íslensk-færeyskri ráðstefnu í Reykjavík 24.–25. júní
1998. Ritstjórar Magnús Snædal og Turið Sigurðardóttir. Háskóla -
útgáfan. Reykjavík 2000. 160 bls. English summary.
4. Smáþjóðamenning í alþjóðasamfélagi. Fyrirlestrar frá færeysk-ís -
lenskri ráðstefnu í Þórshöfn 18.–19. ágúst 2001. Ritstjórar Turið
Sigurðar dóttir og Magnús Snædal. Annales Societatis Scientarum
Færoensis — Supplementum XXXV. Føroya Fróðskaparfelag. Tórs -
havn 2002. 186 bls. English summary.
5. Fyrirlestrar frá íslensk-færeyskri ráðstefnu í Reykjavík 19.–20. júní
2004. Ritstjórar Magnús Snædal og Anfinnur Johansen. Háskóla útgáf -
an. Reykjavík 2005. 225 bls. English summary.
Á síðastliðnum 15 árum hafa komið út fimm ráðstefnurit þar sem fjallað er
um íslensk og færeysk málefni. Ráðstefnurnar voru haldnar í Reykjavík og
Þórshöfn á árabilinu 1992–2004. Þetta eru rit með fjölda greina; greinarnar eru
um 80 talsins eftir yfir 70 höfunda og spanna rúmlega 1.000 síður. Greinarnar
eru birtar annaðhvort á íslensku eða færeysku og skapar það ritum þessum
nokkra sérstöðu. Útdráttur á ensku fylgir öllum greinunum. Bæði íslenskir og
færeyskir fræðimenn geta því skrifað á sínu eigin tungumáli, en slíkt er frem-
ur óalgengt fyrir þessar þjóðir ef skrifin eru ekki eingöngu ætluð fyrir innan-
landsmarkað. Með þessum ráðstefnum er verið að stuðla að samvinnu milli
Færeyja og Íslands á fræðasviðinu og hafa Há skóli Íslands og Fróðskaparsetur
Færeyja staðið að ráðstefnunum og útgáfu bókanna. Undirbúning önnuðust
Færeyjanefndin við Háskóla Íslands og Íslandsnefndin við Fróðskaparsetrið.
Það kennir margra grasa í þessum ritum, en efnið er þó mestmegnis á
sviði hugvísinda; saga, samfélag, bókmenntir og málvísindi eru sérstaklega
áberandi. Tekist hefur að kynna nokkuð breiða nálgun á fortíð þessara
tveggja landa og er lagt upp með ákveðið samanburðarsjónarhorn. Í fyrsta
R ITFREGNIR
Saga haust 2008 nota:Saga haust 2004 - NOTA 25.11.2008 15:38 Page 244