Skírnir - 01.09.2002, Side 132

354
SIF SIGMARSDÓTTIR
SKÍRNIR
Þessar tillögur Páls voru samþykktar en komu ekki til fram-
kvæmda nema að nokkru leyti og engir erlendir hljóðfæraleikarar
voru ráðnir að útvarpinu. Á fundi útvarpsráðs 7. júlí árið 1930 var
lagt fram tilboð frá Hljómsveit Reykjavíkur um átta til níu út-
varpshljómleika á mánuði í sjö mánuði. Samþykkt var að kalla
formann hljómsveitarinnar á næsta fund útvarpsráðs. Á þann
fund, sem haldinn var 10. júlí, komu tveir félagar í Hljómsveit
Reykjavíkur og var samþykkt að ganga að tilboði hljómsveitar-
innar en áskilið að einn maður úr útvarpsráðinu yrði með í ráðum
um útvarpshljómleika sveitarinnar. Á þessum fundi tók Páll ís-
ólfsson að sér að gera tillögur um hljómlist.11
Ljóst er að Páll hefur ætlað það starf Jóni að fara fyrir fimm
manna hljóðfæraflokki útvarpsins.12 Með tilboði Hljómsveitar
Reykjavíkur horfðu mál þó öðruvísi við. Jón Leifs sendi atvinnu-
málaráðuneytinu fyrirspurn um hvort fela skyldi honum að und-
irbúa hljómsveit fyrir útvarpið í ágústlok árið 1930. Fyrirspurn
Jóns var komið á framfæri við útvarpsráð jafnskjótt og sendi það
ráðuneytinu tilkynningu þess efnis að ekki yrði hægt að ráða Jón
Leifs til þess að stjórna hljóðfæraflokki að sinni. Utvarpsráði hafi
þótt óhjákvæmilegt að hafa hljóðfæraflokk á sínum snærum og
áleit ráðið að Jón Leifs væri „fyrir margra hluta sakir“ sjálfkjörinn
til þess að stýra slíkum flokki en með hagkvæmu tilboði Hljóm-
sveitar Reykjavíkur væru aðstæður breyttar.13
Borin von var nú að Jón fengi að stjórna hljóðfæraflokki við
útvarpið. Páll virðist þó hafa verið staðráðinn í að finna Jóni stöðu
við stofnunina og stuðla að því að hann gæti fest sig í sessi á ís-
landi. Hinn 10. september 1930 ritar Helgi Hjörvar Jóni Leifs bréf
sem einnig er undirritað af Páli Isólfssyni. Þar segir Helgi að þeir
Páll hafi mikið velt því fyrir sér hvernig hægt væri að finna Jóni
starf að hans skapi við útvarpið. „Höfðum við hugsað okkur þig
11 Gunnar Stefánsson, Útvarp Reykjavík, bls. 55.
12 Það sést skýrt af eftirfarandi heimild sem vikið verður að nánar hér á eftir:
Lbs.-Hbs. [án númers] Gögn Jóns Leifs. Helgi Hjörvar og Páll ísólfsson til
Jóns Leifs, 10. september 1930.
13 Lbs.-Hbs. [án númers] Gögn Jóns Leifs. Útvarpsráð til atvinnumálaráðuneyt-
isins, 8. september 1930.