Skírnir - 01.09.2002, Qupperneq 141

SKÍRNIR [í>]aNNIG YRÐI MÉR OG LIST MINNI ... 363
um störfum sem Jóni fannst fyrir neðan virðingu tónlistarmanns.
Páll lítur hins vegar á viðhorf Jóns til eigin verðleika sem yfirlæti.
Slík sundurþykkja og ágreiningur um lífsviðhorf leiða óhjá-
kvæmilega til árekstra.
En þrátt fyrir fjálglegar yfirlýsingar Jóns leið ekki á löngu uns
hann tók á nýjan leik að svipast um eftir starfi við hæfi á Islandi.
Og enn varð Ríkisútvarpið fyrir valinu.
„ Gef oss í dag vort daglegt bréf“
Yfirstjórn tónlistarmála Ríkisútvarpsins og ráðgjöf í þeim efnum
hafði Páll ísólfsson á sinni hendi sem útvarpsráðsmaður. Á miðju
ári 1932 vék Páll úr ráðinu, en var þó áfram ráðunautur um tón-
listarmál. Árið 1934 þokaði hann hins vegar úr því hlutverki fyrir
Jóni Leifs, sem ráðinn var tónlistarstjóri í fullu starfi.34
Páll ísólfsson er eins og bráðið smjör og sagði við mig í fyrradag að hann
skyldi reyna að koma því svo fyrir að ég yrði ráðinn tónlistarstjóri út-
varpsins ... Það er ekki svo auðvelt vegna alls konar pólitískra flækna og
fyrst verður að sjá hvort gengið verður að skilmálum mínum (árslaun
10.000 krónur og sex mánaða leyfi á ári).35
Svo kemst Jón að orði í bréfi til Anniear, konu sinnar, hinn 19.
ágúst árið 1934. Erfitt er að ráða í hvað hann á við með því að Páll
sé eins og bráðið smjör. Vel má vera að Jón sé að ýja að því að hann
hafi Pál í hendi sér. Páll var ávallt boðinn og búinn að aðstoða Jón
á ögurstundu. Svo virðist sem Jón hafi nú gerst sekur um að nýta
sér góðvild Páls því að Jón biður Pál um að víkja úr starfi tónlist-
arráðunautar útvarpsins og fá honum sjálfum stöðuna. I ódagsett-
um minnispunktum Páls ísólfssonar reifar hann samskipti sín við
Jón Leifs. Þar segir hann um stöðu tónlistarráðunautar:
Síðan atvikaðist það, að J[ón] L[eifs] spurði mig 193? hvort ég vildi ekki
gefa honum eftir stöðu mína við útvarpið. Eg hugsaði mig um svolitla
34 Gunnar Stefánsson, Útvarp Reykjavík, bls. 98.
35 Sjá tilvitnun í: Carl-Gunnar Áhlén, Jón Leifs. Tónskáld í mótbyr. Reykjavík
1999, bls. 185.