Bókasafnið - 01.07.2018, Qupperneq 18

18 Bókasafnið
Þann 24. nóvember 2017 stóð Upplýsing fyrir málþingi um samstarf og sam-stöðu þar sem undirrituð hélt erindi
fyrir hönd stjórnar Samtaka forstöðumanna
almenningsbókasafna (SFA) og sagði frá
samtökunum. Í erindinu var stiklað á stóru
um samtökin og huganum leitt að frekara
samstarfi samtakanna við aðila á Íslandi.
Samtök forstöðumanna almenningsbókasafna
voru stofnuð 6. maí 1999 á vorfundi í Borgarnesi.
Áður höfðu forstöðumenn þó stofnað Félag forstöðumanna
almenningsbókasafna árið 1984. Starfsemi félagsins lagðist
af en forstöðumenn héldu áfram að hittast í óformlegu sam-
starfi þar til SFA var stofnað 1999.
Markmið samtakanna eru meðal annars að vera samstarfs-
vettvangur forstöðumanna almenningsbókasafna á Íslandi,
að koma sameiginlega fram í málefnum er varða almenn-
ingsbókasöfn á Íslandi, að standa fyrir fræðslu, námskeiðum
og ráðstefnum um málefni almenningsbókasafna, að stuðla
að opinberri umræðu um almenningsbókasöfn og að vinna
að þróun og efl ingu almenningsbókasafna á Íslandi. Í gegn-
um árin hafa forstöðumenn einnig komist að því að það
að taka þátt í og vera í félagi sem þessu styrkir samkennd,
er gott félagsnet og ekki síst myndar það og styrkir vina-
tengsl. Félagsmenn hafa ávallt verið í góðum samskiptum
og sambandi og strax í upphafi var stofnaður póstlisti sem
enn er notaður og uppfærður til samræmis við félaga hverju
sinni. Félagið lét búa til vefsíðu www.sfa.is, sem er notuð til
að geyma gögn er tengjast félaginu, svo sem fundargerðir,
myndir frá viðburðum innan félagsins, stjórnir og lög þess.
Eftir að Facebook tók öll völd stofnaði félagið síðan Face-
book hóp sem er líklega sá vettvangur þar sem mest sam-
skipti fara fram á í dag.
Félagsmenn eru duglegir að skiptast á skoðunum og hug-
myndum sín á milli ýmist í gegnum póstlistann eða Face-
book og einnig höfum við fengið aðstoð frá hvert öðru með
málefni er snúa að þeim söfnum sem við störfum á, auk þess
að nýta hugmyndir frá einu safni til annars. Innan SFA eru
smærri einingar sem hittast reglulega og skiptast á hug-
myndum og sameiginlegri fræðslu. Má þar nefna Bókasafn
Garðbæjar, Bókasafn Hafnarfj arðar og Bókasafn Kópavogs,
eða Millireykjasamstarfi ð svokallaða, en söfnin þrjú
hafa gert með sér samstarfssamning um eitt lán-
þegaskírteini og einnig eru haldnir sameiginlegir
fræðslufundir fyrir starfsmenn þessara safna.
Fræðsla er stór þáttur í starfi SFA og eru árlega
haldnir að minnsta kosti tveir fundir, vor- og
haustfundir. Fundirnir eru haldnir um allt
land, við fl ytjum þá fram og til baka um landið,
kynnumst mismunandi aðstæðum á hverjum stað
bæði frá faglegu sjónarmiði og félagslegu. Margir fé-
lagsmenn eru að koma í fyrsta sinn í bæjarfélög þegar þeir
koma á vor- og haustfundi. Félagið hefur einnig farið í
kynnisferðir erlendis í leit að nýjum hugmyndum og fyrir-
myndum. Vorfundur félagsins 2013 var til dæmis haldinn í
Amsterdam og árið 2017 var hann haldinn í Berlín.
SFA er í heilmiklu samstarfi utan félagsins, meðal annars
situr fulltrúi SFA í bókasafnsráði mennta- og menningar-
málaráðuneytis. SFA á sæti í fulltrúaráði Radda, upplestrar-
keppni grunnskólanna, og árið 2016 hófst samstarf SFA við
Menntamálastofnun. Stjórn SFA og sérfræðingar Mennta-
málastofnunar halda reglulega samráðsfundi, auk þess sem
SFA á fulltrúa í samstarfi læsisverkefnis Menntamálastofn-
unar og bókasafnanna í landinu.
Stjórn SFA hefur áhuga á að auka samstarf utan félagsins
og má þar fyrst nefna hið opinbera. Verkefnastyrkir til
bókasafna eða bókasafnssjóður er sjóður sem SFA harmar
að skuli ekki vera til lengur og einnig hefur verið rætt um
hvort mögulegt væri að ríkið kaupi ákveðinn fj ölda barna-
bóka og láti bókasöfnum í té. Það er einnig mat stjórnar
SFA að vettvangur sí- og endurmenntunar á sviði almenn-
ingsbókasafna er alls ekki gert nógu hátt undir höfði í Há-
skóla Íslands og er félagið tilbúið að koma á samstarfi við
upplýsingafræðinám Háskóla Íslands.
Samtök forstöðumanna almennings-
bókasafna. Erindi á málþingi
Upplýsingar 24. nóvember 2017
Lísa Z. Valdimarsdóttir hefur lokið BA í bókasafns- og upplýsingafræði, MSc í upplýsingafræði, MS í mannauðs-
stjórnun og diplóma í kennslufræðum til kennsluréttinda. Hún starfar sem forstöðumaður Bókasafns Kópavogs og
varaformaður SFA.