Breiðfirðingur - 01.04.1966, Blaðsíða 52

50
I5REIÐFIRÐINGUR
Guðríður er að öllu hin vitrasta kona, svo sem áður er
sagt, fríð sýnum sköruleg og skjótráð og listasöngkona og
ekki síður fjölvís en Þórgunna, þótt flest væri það á ann-
an veg, og sem nefna mætti hvítagaldur. Er skemmst af að
segja, að Guðríður Þorbjarnardóttir er ein hugþekktasta
persóna í íslendingasögum. Og það er hún og hennar út-
þrá, hetjudáð og kraftur, sem mestu veldur um landaleit og
landkönnun. Með henni er þessi fræga fjölskylda breið-
firzkra landkönnuða fullkomnuð. Hún giftist Þórsteini
Eiríkssyni og setzt að í Grænlandi sem tengdadóttir Eiríks.
Og hún er kristin kona. Einn fegursti sprotinn á meiði
hinnar ungu kristni á Islandi og Grænlandi. En það hefur
stundum gleymzt að Leifur mágur hennar er kannske fyrst
o gfremst kristniboði, og það er vafalaust meðal annars
trúboðsáhugi sem hvetur Guðríði til síftllt fleiri ferða út á
ógnþrungin höf til Furðustranda fjarlægra landa. En hins
vegar er Freydís mágkona hennar, dóttir Eiríks rauða og
systir Leifs fyrsti fulltrúi yfirgangs og kúgunar hinnar
komandi nýlendustefnu í landafundum síðari alda.
Freydís er ekki dóttir Þjóðhildar, heldur laungetin,
framhjátökubarn, sem mótast vafalaust af því, að alast
upp í skugga bræðra sinna, eflist til öfundar og hefndar
í senn.
Idún er svarti sauðurinn í fjölskyldunni frægu, en þó
að mörgu mjög skaplík föður sínum Eiríki rauða. Áræði og
dugnað vantar Freydísi sannarlega ekki og ræðst hún til
skips og sjóferða í landaleitir sem karlmaður væri.
Hún var með í ferðinni til Hellulands, Marklands og
eyjanna, sem þeir nefndu hvorttveggja Bjarney, en nú eru
sagðar heita Disko og Belle Isle það er Fagurey.