Breiðfirðingur - 01.04.1996, Blaðsíða 57

Kristjana V. Hannesdóttir frá Stykkishólmi
Námsferð um Norðurlönd
árin 1925 og 1926
Unnið upp úr ritgerðum, minnisblöðum og gömlum
sendibréfum afSigurði Flosasyni.
Skólaritgerð frá Tdrna
skrifuð á sœnsku árið 1925.
Bjargey G. Gísladóttir þýddi á íslensku.
Ég fór frá Patreksfirði kl. 12 á páskadagskvöld 1925 með
skipi sem heitir Esja. Það var logn og ládauður sjór, en þrátt
fyrir það voru margir sjóveikir á Esjunni.
Við komum heim til Stykkishólms kl. 7 morguninn eftir.
Mamma var lasin og hafði lagt sig en pabbi og systir mín
höfðu riðið til kirkju að Helgafelli. Þau vissu ekki að ég
myndi koma svona snemma, en það var samt gaman að koma
heim.
Ég dvaldi heima til kl. 6 um kvöldið, en þá varð ég að halda
áfram með Esjunni til Reykjavíkur og þaðan með Merkúr til
Bergen og þaðan með jámbrautarlest til Svíþjóðar.
Sumardaginn fyrsta átti ég í fyrsta sinn að fara burt frá
föðurlandi mínu. Ég kveið svolítið fyrir ferðinni vegna þess að
ég kunni ekki sænsku, en ég gerði ráð fyrir að ég myndi skilja
norskuna, þó ég talaði hana ekki vel.
Það var fallegt veður þegar við sigldum framhjá Engey, en